Genesis 3:13 - Mawu a Mulluku

¹³ Vano Apwiya yaamukoha mutthiyana wi, “Ethiyo weyaano, ella weerilleewe tti tini?” Mutthiyana ahaakhulla wi, “Enowa sika yakillekille wi kiche.”

Genesis 3:13 Iomraidhean Croise

Genesis 12:18

Sika Farao aamwiithana Abramu amukoha wi, “Ethiyo weyaano, okeerille tini? Kaambiiwa tini wahikilleelleewe wi olla tti mwaariyo?

Genesis 44:15

Nave Yosefe aallota wi, “Mweerilleenywiilla tti tini? Ethiyo khamunadduwella wi muthu wonanko miyaano kinnoombesa ddamuhoollo?”

2 Samuele 3:24

Yowabu iiwalleeye ddennddo aaya wa amwene aakoha wi, “Nyu mwenreenywiilla tti tini? Abinere oophiyaphiyeene wuno moomwaakhullella wi aroweke? Ddiiddava oorowa?

1 Mamwene 13:18

Vano namallotella awuulluvalloolle aallota wi, “Mittho tti namallotella wonanko weyaano nave mungelo aakilleella oyeella mwa Apwiya wi, ‘Ohokollweellena onyumbani wawo wi ache yoocha ni owirya maaddi.’ ” Koma aamoottottha.

Levitiko 12:5

Koma amuyara mwaana aamutthiyana, aneerokhalla ooripihiwa wonanko va enthawi yawoona mweeri koma wa mallapo khumi ni masese. Nave mutthiyanooyo atiyere wa mallapo mamodda 66 wi eellihiwe o oripihiwa waye.

Yona 1:10

Yona aavirellella waalleella wi olliye aathawa Apwiya. Aweetiha echombwaayo yaatthukumella mwawoova wunchichi vawi yaallota wi, “Ethiyo weerille tini?”

Yohane 18:35

Pilato ahaakhulla wi, “Mi tti Muyuda? Mutundwaanyu ni allupa mukutho uullupalli sika yuuvelleelleni wa miyaano. Ethiyo mwenre tini?”

Aroma 7:11

Vawi machimo yaaphwanyellavo ekari va malamulo sika yaakilleka nave ekiipha.

2 Akorinto 11:3

Koma kinoova wi maganizwaanyu enaavirikanyihiwe nave wi muneerohiya wiivelleella wanyu woororomelleya wa Khrisitu wonanko mmo Heva aallekiweeye ni olleka woochenjera wa enowa.

1 Timoteo 2:14

Khahiyo Adamu aallekiwe koma mutthiyana sika aallekiwe akhalla oochimwa.

1 Samuele 13:11

Samuele aamukoha wi, “Ella weerilleewe tti tini?” Olliye ahaakhulla wi, “Koonilleemi wi athu enimapallalleya okihiya nave vawi khamwaaphiyalle enthawi mwallotilleenyu wi muneerophiya navettho wi Afilisti aatthukumana o Mikimashi,

1 Samuele 15:15

Saulo ahaakhulla wi, “Ddennddo kaddikusalle wa Aamaleke vawi athu yaasunga enkhosa ni eng'ombe ddaphaama wunchichi wi yavelleelle mukutho wa Apwiya Mullukwaanyu. Koma ddimodda ddittheddene naaddoononga”