Genesis 3:1 - Mawu a Mulluku

¹ Enowa yaari yoochenjeresesa okhwaranya enama ddamuhakani ddittheddene ddaphatusiwe ni Apwiya. Enoweeyo yaamukoha mutthiyanoolle wi, “Ethiyo tti ddawoona wi Mulluku ahuuhiihani ocha ezipaso dda orive muteekho ori m'matanimmu?”

Genesis 3:1 Iomraidhean Croise

Oollalleya 4:10

Mmodda iikuha mukhwaaye ttuumuvenyiha. Koma otulli wa oyo ari yeekha vawi iikuha khaavo anaamuvenyihe.

Yesaya 27:1

Nllapo nenno Apwiya enaapharihe mutteko nsupada niwa nawiisha, nuullupalli ni namasiva, omullaka Leviyatani,* enowa yoothawa, yoonyimphireya nave eneerewiiphattho enama yawoopiha ya mu enyanja.

Mateyu 10:16

“Kinuurumihani wonanko enkhosa variyari va enama ddawoopiha. Vano muchenjereke wonanko enowa nave mumaalleyeke wonanko ekhunda.

Mateyu 4:3

Vano Satanoolle aawa amweesa voollotani wi, “Nyu mwaarimi muri Mwaana a Mulluku lamulani mallukwaalla wi etthattuwe yoocha.”

Mateyu 4:6

nave allota wi, “Nyu mwaarimi muri Mwaana a Mulluku ivokheni nyookha vatthi ovenyera vaava vawi mawu a Mulluku eni, ‘Mulluku aneerewaalamulella angelwaaye dda weyaano wi yuukaphulleni ni mattiiwa, wi manyallwaanyu ehiphoreye vamallukuni.’ ”

Mateyu 4:9

nave allota wi, “Kineerewuuvaha ddittheddenenndda wakikokhorella ni okillapella.”

2 Akorinto 11:14

Khaddihiyo ddoottikhiniha vawi naari Satana annaddeera wi ooneyeke wonanko mungelo oomoolleella!

2 Akorinto 11:3

Koma kinoova wi maganizwaanyu enaavirikanyihiwe nave wi muneerohiya wiivelleella wanyu woororomelleya wa Khrisitu wonanko mmo Heva aallekiweeye ni olleka woochenjera wa enowa.

1 Petro 3:7

Emoddamoddave yeeyo nyuwaano allopwana munaphwanella mukhalleke ni awarinyu voodduwellani wi yaayo tti ooyeva masiva ohiyana ni nyuwaano. Mwaavaheke olemu kaambiiwa nayiiwattho eneerewaakhellana emphaso ya okumi wa Mulluku vamodda ni nyuwaano. Erani yeella wi vihikhalle ello yoohiiha mavekellwaanyu.

Yawuupullulla 12:15

Nave enowa yuullupalleeyo yaamuttaphera mutthiyanooyo maaddi wonanko muhinje wooddalla wi emukuse.

Yawuupullulla 12:9

Enowa yuullupalleeyo yaavokhelliwa vatthi, enowa yakhalleeyo, nnddina niwa mdiyerekezi apaalle Satana, oyo allekille ellapo yavatthi ettheene. Aavokhelliwa vatthi vamodda ni angelwaaye attheene.

Yawuupullulla 20:2

Aaphara enowa yuullupalleelle, enowa yakhalleelle yooromolliwa mdiyerekezi apaalle Satana, amumaka ni onyoloolle wa miyakha 1,000.