Genesis 28:4 - Mawu a Mulluku

⁴ Uudalise weyaano ni edduullu ddawo moollikana ni mmo amudaliselleeye Abrahamu wi ekhalle yaawoyaawo ellapo eyo oneereewe okhallekemo, ellapo eyo amuvahilleeye Abrahamu.”

Genesis 28:4 Iomraidhean Croise

Genesis 12:7

Vano Apwiya yaamooneyella Abramu emulleella wi, “Ellapo yeella kineerovaha edduullu ddawo.” Sika va nipuro nenno Abramu ahaamakella nikuwa Apwiya ayo yamooneyelle.

Genesis 15:8

Koma Abramu aakoha wi, “Apwiya Mulluku, ethiyo kinaadduwelle mwawiidde wi ellapweella enaakhalle yaaka?”

Genesis 27:33

Vaavo Isaki ahaamba otthukumella wunchichi nave aakoha wi, “Ethiyo olle asayille enama awaana wa miyaano ttaani? Koocha khalle yeeyo, weyaano ohinawe. Koomudalisa khalle nave madaliso yaayo tti aaye wa enthawi yoohimalla.”

Genesis 37:1

Nave Yakobo aavirellella okhalla mu ellapo ya Kanani nko attiitthinnya yakhanlliiwa wonanko mulleto.

1 Epilli 29:15

Vawi hi tti alleto vamiitthoni vanyu, niri wonanko alleto mwiillaponi yaaneena monga makhollwaahu. Mallapwaahu ookhalla va ellapo yavatthi eri wonanko muuthuuchi nave khe voollekelliwa.

Masalimo 39:12

Nyu Apwiya iwani winlla waka, muheere ellapo tuu kaawinllellakani, miyaano tti mulleto oohillekella, awaarera wonanko makhollwaaka mattheene.

Masalimo 72:17

Nnddina naye nihitiwalliwe naari vang'ono, epillaaye ekhallevove wonanko nndduwa. Athu yaakhelle madaliso ekaamba ya olliye, mitundu dda athu ddittheddene ddimweere oodala.

Eksodo 6:4

Kaakeraatthihana echipangano waalonjeza wi kineerewaavaha ellapo ya Kanani, mmo yakhanlliiwamo khalle wonanko alleto.

Agalatiya 3:14

Khrisitu Yesu aheera ddenndda wi madaliso ayo Mulluku aalonjezilleeye wa Abrahamu evahiwe wa athu a mitundu ddittheddene oweella mwa Khrisitu. Vano wi oweella mwa echikhulupililo naakhelle Munepa waalonjeziwe ni Mulluku.

Agalatiya 3:8

Mawu a Mulluku yaallotella wi Mulluku aneeroweera oolungama athu ayo ehiri Ayuda oweella mu echikhulupililo. Sika Mulluku aamulleella Abrahamu wi, “Oweella mwa weyaano mitundu ddittheddene ddineerodalisiwa.”

Aefeso 1:3

Hankoni nimuthokoze Mulluku, Attiitthiiwa a Apwiihu Yesu Khrisitu! Vawi mu eyaattanweehu ni Khrisitu oonidalisa voonivahani ovenyera oddullu erive madaliso a Munepa.