Genesis 28:16 - Mawu a Mulluku

¹⁶ Yakobo avenyille aallota wi, “Ddawoona, Apwiya eri vaava nave miyaano ngaadduwella.”

Genesis 28:16 Iomraidhean Croise

1 Mamwene 3:15

Solomoni aavenya nave aadduwella wi aamalloha. Vano aaya o Yerusalemu iimella vahoollo va nibokosi na echipangano na Apwiya avelleella mikutho ddooshellelliha ni mikutho ddeeyaattano dda Apwiya. Vano ahaakhozella machellello oorumeyellaaye.

Yobu 33:14

Vawi Mulluku annallota moohiyanahiyana koma muthu khaniiwesesa.

Yobu 9:11

Ddawoona, Mulluku eeta vakhuviru, miyaano nginamoona, aakiviraka vakhuviru, nginamuhella miittho.

Masalimo 139:7

Kinaaye wuuwi voopaallani wiitta munepaanyu, voopaallani othawa ekhovaanyu?

Masalimo 68:35

Mulluku tti awoopiha mu nipuro naye noopatuleya. Mulluku a o Israele sika anavaha masiva ni waallipiha mwiilli athwaaye. Mulluku atitimiheye!

Eksodo 15:11

“Nyu Apwiya, ethiyo vookhalla mulluku mmodda oophwanaphwana ni nyuwaano? Ttaani ari wonanko nyuwaano, ootitimiheya ekaamba ya weella wanyu? Ttaani ari wonanko nyuwaano vaweerani mitteko dda masiva ni ddoottikhiniha?

Eksodo 3:4

Apwiya yoonille wi annaatamella, yaamwiithana m'makukhunimmo wi, “Mose, Mose!” Mose ahaakhulla wi, “Miyaano.”

Eksodo 3:5

Mulluku aallota wi, “Ohiphiye vakhuviru. Rulla esapato ddawo vawi vanipuroni wiimenlleewemvo tti vaweella.”

Yesaya 8:13

Koma Apwiya Amasiva Mattheene muweeseke aweella nave oophwanella owoova ni waatthukumellella

Yeremiya 31:26

Sika vano kaavenya kimwaramwara miittho nave kahoona wi kaakhwavo ekhove.

Numeri 12:6

Nave yaallota wi, “Iwani mawaaka. Vakhalla namallotella variyari vanyumva, mi Apwiya kinnaddoonihella wa muthooyo oweella m'masomphenya nave kinnallotana oweella mu olloha.

Yoswa 5:13

Nllapo nimodda Yoswa ari vakhuviru ni muzinda wa Yeriko, moorurumusa aamoona muthu iimenlle muhoollo mwaye, nsupada noohullullahullulla niri m'mattani mwaye. Vano Yoswa aaya vaari muthumvo amukoha wi, “Ethiyo weyaano tti mmodda a akhotwaahu apaalle ori mudanaahu?”

Yoswa 5:15

Oohoollella mulloko wa akhotoolle ahaakhulla wi, “Ohiphiye vakhuviru. Rulla esapato ddawonnddo vawi vanipuroni wiimenlleewemvo tti vaweella.” Yoswa aheera nnddo alleelliweeye.