Genesis 27:40 - Mawu a Mulluku

⁴⁰ Muttekwaawo onaakhalle woowana ekhoto nave onaamurumeyelleke mwanamunno. Koma wawora wiittaphulla, oneerovenyamo mu olamulellwaaye.”

Genesis 27:40 Iomraidhean Croise

Genesis 25:23

Apwiya yaallota wa oolliye wi, “M'mirimani mwawo muri mitundu miilli dda athu. Oneeroyara mitundu dda athu ddoollipana, mwaana mmodda anaakhalle amasiva omukhwaranya mukhwaaye, muullupalli aneerekomurumeyella mung'onong'ono.”

Genesis 27:29

Athu yuurumeyelleke, mitundu dda athu dduukokhorelleke. Okhalle oolamulella variyari va abalaawo. Navettho edduullu dda amaayo dduukokhorelleke. Etembeleliwe attheene aawuutembelela weyaano nave edalisiwe attheene anuudalisa weyaano.”

Genesis 32:6

Amithengaayo ehokollweelle wa Yakobo, yaallota wi, “Naaya wa mwanamunninyu Esau nave animawa wi akumane ni nyuwaano ari ni athu 400.”

Genesis 33:9

Koma Esau aallota wi, “Mwanamunnaka, eziweto dda mutundu olla kookhallana ddinchichi. Sika oriiwenanndda ddikhalle ddaawo.”

2 Samuele 8:14

Vano aatthipella misasa ddakhoto virive veko mu ellapo ya Edomu. Mu Edomu mutthemwene mwaakhalla misasa ddakhoto, sika Aedomu attheene yaakhalla oomurumeyella Davide. Vano Apwiya yaanampambaniha Davide orive weko ayeeyewo.

2 Mamwene 14:10

Ddawoona, we woomugonjiha Edomu nave vano onimiitukhulla. Itthamalleke ni opambana wawonko koma vano okhalle owaninyu wenko. Kaambiiwa tini onapaalleewe ottatthamulla ddookatamiha mwaphudda? Phaamathi oneeromora we ni athu a o Yuda.”

2 Mamwene 14:7

Vano Amaziya aawiiphattho Aedomu 10,000 o ntapo na Mwiinyu, aakha muzinda wa Shela nave aawuromolla nnddina nawi Yokitele nave nnddina niwa tti nenno ophiyera ollello.

2 Epilli 21:10

Sika Aedomu tti oowukila olamulello wa Yuda ophiyera ollello. Vano enthawi yeeyo muzinda wa Libina waawukilattho olamulellwaaye ekaamba yawi olliye ahaahiya Apwiya Mulluku a makhollwaaye.

2 Epilli 21:8

Va enthawi yeeyo athu a o Edomu yaawukila olamulello wa Yuda nave yahiitthoollella mweniiwa.

2 Epilli 28:17

Valle Aedomu yaahellattho ekhoto ni waagonjiha Ayuda nave yahaaphara athu okaporo.

Masalimo 60:8

Mowabu tti embalaaka yoonawellamo, Edomu tti voonyingallavo esapato ddaka, kineerokhuwa moohakallalla kimugonjihalle Filistiya.

Mateyu 10:34

“Muhiganize wi koowa wi kuuvaheni murendelle va ellapo yavatthi. Naari mano, ngaawiille wi kuuvaheni murendelle koma ekhoto.