Genesis 26:3 - Mawu a Mulluku

³ Khalla wuno wonanko mulleto nave miyaano kineerokhalla ni weyaano. Kineerewuudalisa voovelleellani ellapo ddittheddenenndda wa weyaano ni edduullu ddawo. Vawi kineerosunga ollupella nko kallupenlleemi ni attiittho Abrahamu.

Genesis 26:3 Iomraidhean Croise

Genesis 12:7

Vano Apwiya yaamooneyella Abramu emulleella wi, “Ellapo yeella kineerovaha edduullu ddawo.” Sika va nipuro nenno Abramu ahaamakella nikuwa Apwiya ayo yamooneyelle.

Genesis 13:15

Kineerewuuvaha weyaano ni edduullu ddawo ellapo ettheene onooneeweeyo. Nave enaakhalle yaawoyaawo enthawi ddoohimalla.

Genesis 13:17

Vano timulla ni weetella ellapo ettheeneeyo vawi kineerewuuvaha.

Genesis 15:18

Nllapo nenno Apwiya yaapangana ni Abramu. Yaallota wi, “Kinimalonjeza wi kineeroddivaha edduullu ddawo ellapo ettheeneella ovenyera o muhinje wa o Iguputo ophiyera o muhinje muullupalli wa Yufurate.

Genesis 17:19

Koma Mulluku aallota wi, “Iyaayi, mwaariyo Sara sika anuuyarelle mwaana aamullopwana nave aneeromuvaha nnddina nawi Isaki. Kineerokeraatthiha echipanganwaaka ni olliyooyo navettho ni edduullu ddaye muhoollo. Nave echipanganweeyo enaakhalle ya enthawi yoohimalla.

Genesis 17:8

Ellapo ella onakhalleewemo wonanko mulleto, kineerewuuvaha weyaano ni edduullu ddawo. Ellapo ettheene ya Kanani enaakhalle ya edduullu ddawo wa enthawi yoohimalla nave miyaano kineerokhalla Mullukwiiwa.”

Genesis 20:1

Abrahamu aatthaamawo o Mamure aya o echigawo yoomwera ya Kanani. Aakhalla variyari va muzinda wa Kadeshi ni ellapo ya Shuri nave aakhalla wonanko mulleto mu echigawo ya Gerari.

Genesis 25:11

Akhwille Abrahamu, Mulluku aamudalisa mwanaye Isaki oyo akhalla vakhuviru ni “Neetuutu a Ookumi Anakoona Miyaano.”

Genesis 26:12

Isaki ahaalla mwiillaponimmo nave muyakha yooyo aahata ddeko ddawaata wunchichi kaambiiwa Apwiya yaamudalisa.

Genesis 26:14

Vawi aakhallana eziweto ddinchichi nave aakhallattho ni akaporo anchichi, Afilisti yaamukhallella ehache.

Genesis 26:24

Mahiiyu Apwiya yaamooneyella nave yaamulleella wi, “Mi tti Mulluku a attiittho Abrahamu. Ohoove vawi miyaano kiri ni weyaano. Kineerewuudalisa nave kineerewuuvaha edduullu ddinchichi ekaamba ya oorumeyellaaka Abrahamu.”

Genesis 28:13

Nave Apwiya yahiimella vakhwipi ni olliye emulleella wi, “Mi tti Apwiya Mulluku a nikhollo nawo Abrahamu ni attiittho Isaki. Ellapo onakoneewemweella kineerewuuvaha weyaano ni edduullu ddawo.

Genesis 28:15

Ngoona, miyaano ngiwa kuuhiya, kineerewuuteteza orive weko oneereewe oyeewo nave kineerewuuhokollosella o ellapo yeella. Ngiwa kuuhiya ophiyera kenre ddittheddene kuulonjezilleeminndda.”

Genesis 31:3

Sika Apwiya yaamulleella wi, “Hokollweella o ellapo ya makhollwaawo ni ya abalaawo nave miyaano kineerokhalla ni weyaano.”

Genesis 35:12

Kineerewuuvaha ellapo eyo kamvahilleemi Abrahamu ni Isaki. Ellapo yeella kineeroyivahattho wa edduullu ddawo, weyaano wakhwa.”

Genesis 39:2

Apwiya yaakhalla ni Yosefe nave yaamukavihera wi ddittheddene ddimweetelle phaama. Akhalla mu enyumba ya apwiyaaye, Muiguputoolle.

Genesis 39:21

Koma Apwiya yaakhalla ni Yosefe nave yaamukonda wunchichi vawi yaamweeriha oowehera endende wi ahakallallena Yosefooyo.

Genesis 48:21

Vatulli viwa Yakobo aamulleella Yosefe wi, “Onnoonathi wi kiri vakhuviru okhwa koma Mulluku akhalla ni weyaano nave aneerewuuhokollosella o ellapo ya makhollwaawo.

Genesis 50:24

Nave ahaalleella asinne wi, “Onnoonathi wi kiri vakhuviru okhwa koma Mulluku aneerokhalla ni weyaano nave aneerewuuhokollosella o ellapo allupenlleeye wa makhollwaanyu Abrahamu, Isaki ni Yakobo.”

1 Epilli 16:16

echipangano yakeraatthihalliiwa ni Abrahamu, lonjezo yallupenlliiwa wa Isaki,

Masalimo 105:8

Ennuupuwella echipanganwiiwa enthawi ettheene, mawiiwa yaalamulelliiwa wa mibado ddinchichi,

Masalimo 105:9

echipangano yakeraatthihalliiwa ni Abrahamu, lonjezo yallupenlliiwa wa Isaki,

Masalimo 32:8

Apwiya enallota wi, “Kineerewuulleella ni wuuhuddiha ettilla eyo onaaweetekeewemo. Kineerewuulangiza nave miitthwaaka eneerokhalla va weyaano.

Masalimo 39:12

Nyu Apwiya iwani winlla waka, muheere ellapo tuu kaawinllellakani, miyaano tti mulleto oohillekella, awaarera wonanko makhollwaaka mattheene.

Eksodo 2:24

Mulluku ahiiwa okhuwa wiwanko nave ahuupuwella echipanganwaaye apanganilleeye ni Abrahamu, Isaki ni Yakobo.

Eksodo 3:12

Mulluku aamwaakhulla wi, “Mi kineerokhalla ni weyaano. Echizindikiro yawi kuurumalle tti miyaano tti yawi, waakhumiha athwaaka o Iguputo, muneerokillapella omwaangoni wenngu.”

Eksodo 6:4

Kaakeraatthihana echipangano waalonjeza wi kineerewaavaha ellapo ya Kanani, mmo yakhanlliiwamo khalle wonanko alleto.

Eksodo 6:7

Kineerowaakhullellani nyuwaano wonanko athwaaka nave miyaano kineerokhalla Mullukwaanyu. Muneerodduwella wi mi tti Apwiya Mullukwaanyu, oyo uuvullusalleni o mutteko wa kalavulagaga.

Eksodo 6:8

Nave kineerewuuphiyihani o ellapo eyo kallupenlleemi wi kineeromuvaha Abrahamu, Isaki ni Yakobo. Kineerewuuvahani ellapo yeeyo wi ekhalle yaanyuyaanyu. Mi tti Apwiya.’ ”

Yesaya 43:2

Voollapuwani enyanja kineerokhalla ni weyaano, voovirani m'muhinjeni khokwekweresiwa. Vaweetani vamunlloni khosha, mallumi amunllo kheyuushellelliha.

Yesaya 43:5

Ohoove vawi kiri ni weyaano. Kineerohokollosa edduullu ddawo ovenyera wookhuma nndduwa, kineerodditthukumaniha ddittheddene ovenyera woovollowa nndduwa.

Mika 7:20

Muneerewooniha ororomelleya wanyu va Yakobo ni echikondaanyu yoohisintheya va Abrahamu monga mwallupenlleenyu khalle wa makhollwaahu.

Numeri 23:19

Mulluku khari wonanko muthu wi ttuuwoottha, khahiyo muthu wi ttuusintha maganizwaaye. Ethiyo kheera nnddo allotilleeye, khakwakhwaniha nnddo alonjezilleeye?

Deuteronomo 1:8

Ettheeneella sika ellapo eyo kinayivelleelleemi wa nyuwaano. Muvollowe ni waakha ellapo eyo mi Apwiya Mullukwaanyu kallupenlleemi wi kineerewaavaha makhollwaanyu, Abrahamu, Isaki ni Yakobo ni edduullu ddiwa ddittheddene.’ ”

Deuteronomo 34:4

Vano Apwiya yaamulleella Mose wi, “Ella sika ellapo elle kallupenlleemi wa Abrahamu, Isaki ni Yakobo wi kineerovaha edduullu ddiwa. Koowaakhullella wi woone koma ngiwaakhullella ovollowamo.”

Afilipi 4:9

Mweereke nnddo mwahuddenreenyu ni waakhella ovenyera mu mawaaka ni m'makhallellwaaka. Nave Mulluku oyo ananivaha murendelle akhalle ni nyuwaano.

Aheberi 11:9

Ekaamba ya echikhulupililo, Abrahamu akhalla m'musasani wonanko mulleto mu ellapo eyo Mulluku amulonjezilleeye. Akhalla m'misasani. Isaki mwanaye ni Yakobo edduullwaaye, alliwattho yakhalla m'misasani vawi alliwattho yahaakhellana lonjezonna.

Aheberi 6:17

Mulluku aapaalla wi awoonihelle ayo yatiyera waakhella lonjezonno wi aneerokwakhwaniha opaalla waye, sika ahaanjerera ollupella waye va lonjezonno.