Genesis 26:28 - Mawu a Mulluku

²⁸ Alliwaayo yaamwaakhulla wi, “Vano noodduwella wi Apwiya eri ni nyuwaano nave niganizalle wi nyuwaano ni hiyaano nikeraatthihe echipangano. Ninapaalla wi nyuwaano mulonjeze

Genesis 26:28 Iomraidhean Croise

Genesis 24:3

Kinapaalla wi ollupelle vamiitthoni va Apwiya Mulluku ooddullu ni vatthi wi khomwaashera mutthiyana mwanaka variyari va anamwalli a Akanani wuno niriihunngu.

Genesis 24:41

Weera ddenndda, oneerottaphuwa o ollupell nngu. Koma weyaano waphiya onibanjani nakanno, athwaakaayo yuukhoota, oneerottaphuwa o ollupellanngu.’

Genesis 31:44

Vano hanko nikeraatthihe echipangano wi ekhalle omboni variyari va weyaano ni miyaano.”

Genesis 39:3

Nave apwinnyaayo yahoona wi Apwiya yaari ni Yosefe nave wi mitteko ddaye ddittheddene ddaanamweetella phaama.

Genesis 39:5

Ovenyera enthawi eyo Yosefe aambilleeye owehera ddittheddene dda mpa mwa Potifarooyo, Apwiya yaadalisa ddittheddene dda mpa mwa Muiguputooyo vamoddattho ni dda omata ddaye ekaamba ya Yosefe.

2 Epilli 1:1

Solomoni mwaana a Davide aakeraatthiha omwenaaye nave Apwiya Mullukwaaye aari ni olliye nave aamunnuwiha wunchichi.

2 Epilli 15:9

Nave ahaatthukumaniha Ayuda attheene ni Abenjamini navettho athu anchichi a o Efuremu, Manase ni Simeoni ayo yakhalliiwana wonanko alleto vawi yaathawella wa olliye ovenyera o Israele yoonilliiwa wi Apwiya Mullukwaaye yaari ni olliye.

Yesaya 45:14

Apwiya enamulleella Israele wi, “Eyuuma ya o Iguputo ni malonda a o Kushi ddinaakhalle ddaanyu. Athu oorekama a o Saba eneeroowa wa nyuwaano eneerokhalla akaporwaanyu, eneerekewuuthwarani emakiwa ni onyolo. Eneerekokokhora ni ollota wi, ‘Mulluku ari ni nyuwaanove, khaavottho mmodda, Omupatula olliye khaavo mulluku mmodda.

Yesaya 60:14

Edduullu dda ayo yuuhoosille eneerewuuwaramella moovelleella olemu. Attheene yuunyaambusallevo eneerewuukokhorella vamanyalloni vawo. Eneerewuuromolla wi ‘Muzinda wa Apwiya,’ ‘Ziyoni a Aweella a Israele.’

Yesaya 61:6

Koma muneerekoromolliwa allupa mukutho a Apwiya, muneerekeweeriwa oorumeyella a Mulluku. Muneerekoocha eyuuma ya mitundu ddimodda muneerekokotella ntitimiho niwa.

Yesaya 61:9

Aniiwa eneerodduwanyeya variyari va mitundu ddimodda, edduullu ddiwattho ddineerovuwa variyari va athu attheene. Arive muthu oowoona aneerowella wi tti athu oodalisiwa ni Apwiya.”

Aroma 8:31

Ethiyo vano mu ddittheddenenndda, ninaallote tini? Mulluku akhalla ni hiyaano, anaanivaanyihe ttaani?

1 Akorinto 14:25

Dda m'murimani mwanyu ddineerewuupullulliwa nave ekokhora omullapella Mulluku waakhullella wi, “Ddawoona Mulluku ari variyari vanyu!”

Aheberi 13:5

Murimaanyu ohinakondaka makobiri, mukwanihiweke ni nnddo muriinyuna. Vawi Mulluku aallota wi, “Nguuhiyani apaalle wuuthawani.”

Aheberi 6:16

Athu voollupellani ennaromolla nnddina na mmodda oyo ari muullupalli waakhwaranya alliwa nave enallupella wi esimikizelle nnddo enallotiiwa apaalle wi ovaanyihananko omallelle vaavo.

Yoswa 3:7

Apwiya yaamulleella Yoswa wi, “Ddittheddene kinaaweereemi ollellonndda sika ddinaaweerihe Aisraele attheene okhalla ni murima wawuuvaha olemu wi weyaano ori muthu muullupalli. Nave eneerodduwella wi miyaano kiri ni weyaano wonanko mmo kakhallelleemi ni Mose.

1 Samuele 11:1

Viviralle mweeri mmodda, Nahashi mwene Aamoni ahaakusa akhotwaaye aya aapheella muzinda wa Yabeshi echigawo ya Giliyadi. Vano athu attheene a m'muzindani wa Yabeshi yaamuveka Nahashooyo wi, “Hankoni nipangane nave hiyaano nineerekewuurumeyellani.”

1 Samuele 18:28

Koma Saulo adduwenlleeye wi Apwiya yaakhalla ni Davide navettho mwanaye Mikala aanamukonda Davidooyo,