Genesis 24:3 - Mawu a Mulluku

³ Kinapaalla wi ollupelle vamiitthoni va Apwiya Mulluku ooddullu ni vatthi wi khomwaashera mutthiyana mwanaka variyari va anamwalli a Akanani wuno niriihunngu.

Genesis 24:3 Iomraidhean Croise

Genesis 14:19

Aamudalisa Abramooyo wi, “Mulluku Amasiva Mattheene, oophatusa oddullu ni ellapo yavatthi, uudalise weyaano Abramu.

Genesis 14:22

Koma Abramu ahaakhulla wi, “Kinimallupella vamiitthoni va Apwiya Mulluku Amasiva Mattheene, oophatusa oddullu ni ellapo yavatthi

Genesis 21:23

Sika vano llupella vamiitthoni va Mulluku wi khokilleka miyaano apaalle anaaka apaallettho edduullu ddaka. Miyaano kookhalla oororomelleya vamiitthoni vawo nave weyaanottho olonjeze wi oneeroromelleya vamiitthoni vaka, mu ellapo eyo onakhalleewemo wonanko mulleto.”

Genesis 24:7

Apwiya Mulluku Muullupalli, aakikusa owanihu mu nibanja na attiitthaaka ni mu ellapo kayarelliweemimo nave aakilonjeza moollupella wi, ‘Ellapo ella kineerovaha edduullu ddawo.’ Apwiya eneeromuruma mungelwiiwa uuhoollelle nave wenko oneeromwaashera mutthiyana mwanaka.

Genesis 27:46

Rebeka aamulleella Isaki wi, “Atthiyana Aahitaalla, yookitopiha miyaano! Yakobottho amutthella mmodda mwa Ahiti awunwaalla, ethiyo miyaano okumaaka ttuuddivattho?”

Genesis 28:1

Vano Isaki aamwiithana Yakobo amudalisa nave aamulamula wi, “Ohimutthelle mutthiyana o Kanani wuno.

Genesis 28:8

Sika Esau ahoona wi attiitthinnya Isaki kheyaapaalla atthiyana o Kanani.

Genesis 34:9

Hankoni niiwanane wi nitthellaneke variyari vahu. Hiyaano naatthelleke aniinyu, nyuwaano mwaatthellekettho aniihu.

Genesis 38:2

Wenko Yuda aamoonawo mutthiyana Aakanani, mwaana a Suwa, amutthella.

Genesis 47:31

Yakobo aamulleellattho Yosefe wi, “Llupella vamiitthoni vaka wi oneereweera ddenndda.” Sika Yosefe aallupella nave Yakobo aawaramella moollapella omuruni wa bedaaye.

Genesis 50:25

Eerilleeye ddiiddo Yosefe ahaaveka anamwani a Yakobo wi ellupelle vawaalleellani wi, “Llupellani wi Mulluku uuweherani phaama muneerotukhulla makhuvaaka mwaatthaamaka wuno.”

Genesis 6:2

anamwani aallopwana a Mulluku yahoona wi anamwalli a athwaayo yaari ooreera, sika yahaamba waatthella ayo yaakondilliiwa.

Genesis 6:4

Va mallapo yaayo naari vatulli viwattho vaakhalla athu amasiva ni oorekama va ellapo yavatthi ayo yaari edduullu dda atthiyana alle yatthelliwe ni anamwani aallopwana a Mullukwaalle. Alliwaalla yaari anamwani oodduwelliwa navettho athu oovuwa va mallapo akhallaayo.

2 Mamwene 19:15

nave aavekella wi, “Nyu Apwiya, Mulluku a Israele, munakhalla va mpandwaanyu woomwene va akerubi,* nyookhave tti Mulluku oolamulella moomwene mattheene a ellapo yavatthi. Mwaaphatusa ellapo yooddullu ni ellapo yavatthi.

2 Epilli 2:12

Etitimihiwe Apwiya Mulluku a Israele ayo yaphatusalle oddullu ni ellapo yavatthi, ayo yamuvahille mwene Davide mwaana eezeru, oodduwella ni awiiwesesa phaama ddeko awi amake enyumba ya Apwiya ni wiimakella yeekha enyumba yoomwene

Ezara 5:11

“Nave yaanaakhulla wi, ‘Hiyaano tti oorumeyella a Mulluku ooddullu ni ellapo yavatthi nave nirina omakattho enyumba eyo yamakiwe miyakha ddinchichi ddivirallennddo eyo mwene muullupalli a o Israele ayimakilleeye ni oyimalliha.

Nehemiya 13:25

Vano kaakanganana ni waatembelela nave kaawuukutha amodda ni waatulla meehiiwa. Nave kahaallupelliha vamiitthoni va Mulluku wi, “Muhaatthellihe aniinyu aatthiyana wa allopwana eelleto nave nyuwaano ni aniinyu aallopwana muhaatthelle atthiyana eelleto.

Nehemiya 9:6

Nave Aisraele yaavekella wi, “Nyeeneve sika muri Apwiya. Mwaaphatusa oddullu ni etheneeri ddooddullu. Mwaaphatusa ellapo yavatthi ni enyanja ni ddittheddene ddiri mwemmo mwaaddivaha okumi. Ddittheddene ddooddullu ddinnuukokhorellani ddinuullapellani.

Masalimo 115:15

Yuudaliseni Apwiya, ayo yaphatusalle oddullu ni ellapo yavatthi.

Masalimo 136:26

Muthokozeni Mulluku ooddullu, echikondiiwa yoohisintheya tti ya enthawi yoohimalla.

Eksodo 20:7

“Ohiromolleke shisha nnddina na Apwiya Mullukwaawo kaambiiwa Apwiya eneeromullaka arive muthu ooromolla shisha nnddina niwa.

Eksodo 22:11

ddisimikizeye voomullupellihani oosungooyo vamiitthoni va Apwiya wi khiiyalle ello ya mwaneeneeyo. Akhalla wi oosungooyo khiiyalle, mwaneenooyo aakhullelle ollupellanko nave oosungooyo ahillivelle.

Eksodo 23:13

“Wiiwesese ddittheddene kuulleelleminndda. Ohiddillapelleke milluku ddimodda nave ohiromollekettho ni manddiniiwa.

Eksodo 34:16

Apaalle aniinyu aallopwana ttuuwaatthella atthiyana eelleto. Sika atthiyana yaalla yaachimwaka voollapellani milluku ddiwa, eneerewaakopa aniinyu aallopwana wi ellapelleke milluku ddiwannddo.

Yesaya 45:23

Killupenlle mu nnddina naakave, eyanwaaka ellotille ddawoona, mawu oohisintheya awi, ‘Nirive nikuttha nineerokikokhorella, athu attheene eneerollupella vooromollani nnddina naka.’

Yesaya 48:1

Nyu a nibanja na Yakobo, ngiiwani nndda, nyu munaromolliwa ni nnddina na Israele, nyu edduullu dda Yuda. Munnallupella vamiitthoni va Apwiya, munavekella wa Mulluku a Israele, koma moohiroromelleya ni moohilungama.

Yesaya 65:16

Mwawi ddiiddo ooveka madaliso apaalle ollupella mu ellapweeyo aneereke ddennddo wa Mulluku awoona ekaamba yawi ddoohoosa ddaye ddakhalle ddootiwalliwa nave ddoovenyihiwavo vamiitthoni vaka.’ ”

Yeremiya 10:11

Athwaayo mwaalleelle wi milluku nnddo ddahiphatusalle ellapo yooddullu ni yavatthi ddineerotthollowa va ellapo yavatthi ni vatthi va eddullu.

Yeremiya 12:16

Vano alliwa yahuddera phaama meetello a athwaaka nave yaamba ollupella mu nnddina naka wi, ‘Vamiitthoni va Apwiya Ookumi,’ wonanko mmo alliwa yaahuddihelliiwa ollupella mu nnddina na Baala, sika kineerewaakeraatthiha variyari va athwaaka.

Yeremiya 29:6

Tthellani wi mwaayare anamwani aallopwana ni aatthiyana. Anamwani aallopwana mwaatthoollelle atthiyana nave anamwani aatthiyana mwaatthoollelle allopwana wi yaayare anamwani aallopwana ni aatthiyana. Sika mwaate wenko nave muhiyeve.

Yeremiya 4:2

Mullupelleke wi, ‘Mu nnddina na Apwiya Ookumi.’ Mweereke ddenndda mwawoona, mweechilungamo ni moororomelleya. Vano athu a mitundu ddittheddene eneerokiveka wi kaadalise nave eneerokitthamalla.”

Levitiko 19:12

Muhinallupella mu nnddina naka mwawoottha ni oripiha nnddina na miyaano mullukwaanyu vaweerani ddiiddo. Mi tti Apwiya.

Zefaniya 1:5

Kineerowoonongattho ayo enakokhora vaddullu va enyumba ddiwa enallapella nndduwa, mweeri ni etheneeri. Kineerowoonongattho ayo enaallapella Apwiya enallupella mu nnddina niwa, nngu ellupellaka mu nnddina na Milikomu.

Numeri 5:21

(Vano mullupa mukuthooyo amullupellelle mutthiyanooyo ni mawu ootembelela wi), ‘Apwiya enitthattuse nnddina nawo wi nikhalle tembelelo variyari va mutundwaawo. Apwiya enyaallihe mukhoveni mwawo nave erukullwaawo yiipe.

1 Akorinto 7:39

Mutthiyana ootthelliwa anakhalla oomakiwa mamune akhalla ari mukumi; nave mamune akhwa, sika oottaphuwa wi atthelliwe ni mullopwana mmodda anamupaalleeye, mullopwanooyo akhalle ookhulupilila.

Deuteronomo 10:20

Muwooveke Apwiya Mullukwaanyu ni waallapella yaayove ni owummellella nave mullupelleke mu nnddina niwave. Mukhalleke oororomelleya vamiitthoni viwa nave mullupelleke mu nnddina niwave.

Deuteronomo 6:13

Muwooveke Apwiya Mullukwaanyu ni waallapella yaayove nave mullupelleke mu nnddina niwave.

Aheberi 6:16

Athu voollupellani ennaromolla nnddina na mmodda oyo ari muullupalli waakhwaranya alliwa nave enallupella wi esimikizelle nnddo enallotiiwa apaalle wi ovaanyihananko omallelle vaavo.

Yoswa 2:12

Vano mullupelle vamiitthoni va Apwiya vawi kooweerellani echifundo wi nyuttho mweerelle echifundo nibanja naka ni okinnya echizindikiro yawoona

Oweeruza 14:3

Koma attiitthinnya ni amennya yaamukoha wi, “Ethiyo khaavo mutthiyana awi omutthelle variyari va abalaawaalla apaalle variyari va athu amutundwaahu, onapaalleewe wi omutthelle namwalli Eefilisti, oohiphaddiwa?” Koma Samisoni ahaalleella attiitthinnyaalle wi, “Mi mwakikuselle yooyo vawi annakiya m'mwiitthoni.”

1 Samuele 20:17

Yonatani aamullupellihattho Davide wi ahinahiya omukonda vawi Yonatani aanamukonda Davide wonanko iikondelleeye yeekhaaye.

1 Samuele 30:15

Davide aamukoha wi, “Ethiyo weyaano ttuukivelleella omullokoni wakhoto yooyo?” Muthooyo aallota wi, “Mwaambe ollupella wi khamukiipha apaalle okivelleella wa apwiyaaka. Mweeddiiddo kineerewuuvelleellani omullokoni yooyo.”