Genesis 24:26 - Mawu a Mulluku

²⁶ Vano mulletoolle aakokhora vatthi nave ahaallapella Apwiya.

Genesis 24:26 Iomraidhean Croise

Genesis 22:5

Vano ahaalleella akaporwaalle wi, “Nyuwaano keraatthini vaava ni buloolla. Miyaano ni musomboolla ninaya nko navekelle, vatulli viwa nineerewuuphwanyani.”

Genesis 24:25

Aavirellella ollota wi, “Ddoocha dda enamanndda ddookhallawo owaani nave nipuro nawi nyuwaano ttuukonavo nookhallawottho.”

Genesis 24:48

Vano kaakokhora vatthi kaatitimiha Apwiya. Kahaatitimiha Apwiya Mulluku a apwiyaaka Abrahamu, ekaamba yookihoollella phaama wunchichi. Apwiya aakiphiyiha wa mbaliiwa a apwiyaaka, nko kimphwanyeemiwo mwanaye oyo anaakhalle mwaara a mwaana a apwiyaaka.

Genesis 24:52

Mullupa mutteko a Abrahamoolle iiwalle mawaalla, aakokhora vatthi aatitimiha Apwiya.

1 Epilli 29:20

Nave Davide aallota wa mutthukumano muttheenoolle wi, “Atitimiheni Apwiya Mullukwaanyu.” Vano athu attheene yahaatitimiha Apwiya Mulluku a makhollwiiwa nave yaakokhora yaallapella Apwiya ni omuvaha olemu mwene.

2 Epilli 20:18

Vaavo Yehoshafati aakokhora nave athu attheene a o Yuda ni Yerusalemu yaakokhora ellapella vamiitthoni va Apwiya.

2 Epilli 29:30

Vano mwene Hezekiya ni enduna ddaye yahaalamula Alevi wi yiipe machipo owaatitimiha Apwiya moollikana ni mawu a Davide ni namallotella Asafu. Vano yahiipa moohakallalla nave yaakokhora ellapella.

Nehemiya 8:6

Sika Ezara ahaatitimiha Apwiya Mulluku Muullupalli. Vano athu attheene yahaakhulla wi, “Amen, Amen” etukhullelle mattiiwa muddullu nave yaakokhora yaallapella Apwiya.

Masalimo 22:29

Athu attheene eeyuuma eneeromukokhorella. Naari athu attheene ekhwaka ehiworaka osunga okumiiwa koma eneerewaakokhorella, ni ayo ehinawora wiisungella okumiiwa.

Masalimo 66:4

Athu attheene a va ellapo yavatthi ennuullapellani, enniipa machipo awuutitimihani, enniipa machipo ootetheella nnddina nanyu.

Masalimo 72:9

Athu a muchipululuni eneeromuwaramella, adanaaye eneeromukokhorella vanthupini.

Masalimo 95:6

Waawoni naavekelle nave naallapelle, hankoni nikokhore vamiitthoni va Apwiya oophatusaahu.

Eksodo 12:27

Vano nyuwaano muwaakhulleke wi, ‘Tti mukutho wa Ehakallallo ya Paska wowaatitimihana Apwiya ekaamba yawi yaakhwaranya enyumba dda Aisraele o Iguputo yawiiphiiwa anamwani aallopwana awaamba a Aiguputo. Koma yaanihiya ohiniipha.’ ” Oohoollellaayo yiiwalliiwa ddenndda yaakokhora ellapella.

Eksodo 34:8

Vano Mose ahaakuva, aakokhora, allapella enthawi yeeyo.

Eksodo 4:31

Vano Aisraelaalle yaakhulupilila ddennddo. Sika yiiwalle wi Apwiya yaawa wa alliwa nave yahoona ohoosiwa wiwanko, yaakokhora emullapella Mulluku.

Mika 6:6

Ethiyo kikuse tini wi kiphiye vamiitthoni va Apwiya wi kamullapelle Mulluku ooddullu? Ethiyo kaakuse asaanaang'ombe a muyakha mmodda wi kivelleelle mukutho wooshellelliha?

Afilipi 2:10

Sika vano, vootitimihani nnddina na Yesu ddoophatuwa ddittheddene ddooddullu, dda vatthimva ni dda vatthi va ellapo yavatthi ddineeromukokhorella.

Oweeruza 7:15

Gideoni iiwalle nnddo ddallohiwe ni ottaphullella wiwa, aakokhora amuthokoza Mulluku nave aahokollweella omisasani wa Aisraele aalleella wi, “Venyani, Apwiya ahaavelleella m'mattani mwahu Amidiyani.”

1 Samuele 1:28

Ella sika ekaambiiwa kinamuvelleelleemi wa Apwiya. Anaakhalle a Apwiya okumaaye muttheene.” Vano yahaallapella Apwiya wenko.