Genesis 24:22 - Mawu a Mulluku

²² Namwalloolle amallihalle owiryiha ekamirannddo, mulletoolle aakhumiha echipini ya golide yoowallamella mutengo wonanko hafu ya sekeli, amuwariha Rebeka vaphunani vaye. Aamuwarihattho m'miwonini mwaye ebangili piilli ddoowallamella mutengo wonanko makobiri a golide khumi.

Genesis 24:22 Iomraidhean Croise

Genesis 24:10

Vano mullupa muttekooyo aakusa ekamira* khumi dda apwinnya ni emphaso ddinchichi ddoowallamella mutengo nave aaya o muzinda wa Nahori, mu ellapo ya Mesopotamiya.

Genesis 24:23

Vano aamukoha wi, “Pepaani, killeelle, ethiyo attiittho ttaani? Ethiyo nookhallavo nipuro nawi ttuukona miyaano ni akhwaakaalla?”

Genesis 24:47

Vano kaamukoha wi, ‘Ethiyo attiittho ttaani?’ Olliye aakaakhulla wi, ‘Attiitthaaka tti Betuele, mwaana a Nahori oyo amuyarelleeye Milika.’ Enthawi yeeyo kaamuwariha echipini vaphunani navettho ebangili vamuwononi.

Genesis 24:53

Vano aakhumiha ddeko dda siliva ni dda golide ni ddoowara nave aaddivelleella wa Rebeka. Aavelleellattho emphaso ddoowallamella mutengo wa murokoriye a Rebekooyo ni wa amennya.

Estere 5:1

Va nllapo naneeraru na ohalla ocha,* Estere aawara mukanjwaaye woomwene nave aaya iimella munthatoni na muwari na mwene, voowehana ni echipinda yuullupalli ya mwene. Va enthawi ella mwene aari akeraatthille va mpandwaaye woomwene muwari mwa echipindeeyo, moowehana ni mullako woovollowella muchipindanimmo.

Yobu 28:1

“Ddawoona, wookhalla mugodi wa siliva, owaaka nipuro noomweelliha golide.

Yeremiya 2:32

Ethiyo namwalli ttuutiwalla ddawiireerihella ddaye apaalle ootthella ttuutiwalla ddoowara ddaye ddookwati? Komave athwaaka aakitiwalla wa mallapo ooheerengeya.

Yeremiya 32:9

Sika kaakulla emateeyo o Anatoti wa Hanamele musuwanaaka va mutengo wa makobiri a siliva 17.’

1 Petro 3:3

Oreera wanyu ohikhalleke wa mooneyellove wonanko voolluwani meehi apaalle owara ddooreeriha dda golide apaalle ddoowara munawareenyu.

1 Petro 3:8

Voomallihella, attheenenyu munapaalleya muhikanganeke koma mumorellaneke ethakaraka. Mukondaneke wonanko muthu ni mwanamunne apaalle ni murokoriye nave mukhalleke ooreera murima ni awiiyeviha.