Genesis 24:15 - Mawu a Mulluku

¹⁵ Ahinamallihe ovekella aamoona moorurumusa Rebeka iireyille muno vanthurini. Olliyoolla aari mwaana a Betuele, mwaana a Milika, mwaara Nahori, mwanamunne a Abrahamu.

Genesis 24:15 Iomraidhean Croise

Genesis 11:27

Nna sika ntthopoollo na edduullu dda Tera. Tera aamuyara Abramu, Nahori ni Harani. Nave Harani aamuyara Loti.

Genesis 11:29

Abramu ni Nahori yaatthella. Abramu amutthellille Sarai nave Nahori amutthellille Milika mwaana a Harani oyottho aari attiitthinnya a Isika.

Genesis 21:14

Sika osaka wene, ohinase, Abrahamu aamuvaha Hagara yoocha ni nthumba na nttapara na maaddi. Vatulli viwa aamutukhulla mwaanooyo amuyaariha Hagara, enre ddiiddo aamulleella wi aroweke. Sika Hagara aatimulla ddawoona, aneeteeta mu echipululu ya Beeresheba.

Genesis 24:14

Miyaano kineeromuveka namwalli mmodda wi, ‘Kinuuvekani wi murulle munwaanyooyo wi kiwirye maaddi.’ Namwallooyo aakhullella wi, ‘Wiryani nave kiddiwiryihettho maaddi ekamira ddanyu,’ Yooyo sika anaakhalle namwalli oyo mumutthoollelleenyu oorumeyellaanyu Isaki. Ddenndda ddeereya, kineerodduwella wi mohaasungella lonjezo noohimalla apwiyaaka.”

Genesis 24:24

“Attiitthaaka tti Betuele, mwaana a Nahori oyo amuyarelleeye Milika.”

Genesis 24:45

Kihinamallihe wene ovekella wakanko, moorurumusa kaamoona Rebeka iireyille muno vanthurini, akitthellaka wiihimeni wi arike maaddi. Sika kaamuveka wi, ‘Kivahe maaddi kiwirye.’

Genesis 25:20

Isaki aari ni miyakha 40 enthawi eyo amutthellilleeye Rebeka mwaana a Betuele Muaramu a o Mesopotamiya. Murokoriye Rebeka aari Labani, Muaramu.

Genesis 29:5

Yakobo aakohattho wi, “Ethiyo Labani mwaana a Nahori munnamudduwella?” Alliwaayo yahaakhulla wi, “Ee, ninnamudduwella.”

Genesis 29:9

Yakobo ari variyari voollotani ni abusaayo, Rakele aaphiya ni enkhosa dda attiitthinnya. Olliyooyo sika achiha enkhosannddo.

Masalimo 34:15

Miittho a Apwiya eri va oolungama maarwiiwa ennaapella winlla wiwa.

Masalimo 65:2

Nyu oyo munaapella maaru mavekello, athu attheene eneeroowa wa nyuwaano

Eksodo 2:16

Nave anamwani aatthiyana atthanu ni eelli a Yetero, mullupa mukutho a o Midiyaninko yaawa wi erike maaddi wi yaddallihe mubwatoni oowiryellamo eziweto dda attiitthiiwa.

Miyambo 31:27

Annawehera meetello a nibanja naye nave khanacha ddoocha dda olesi.

Yesaya 58:9

Mwaavekellaka kineerekowiiwani nave mwaakiithanaka kineerekowaakhullani. “Mwattaphulla nigoli, mwahiya orunellana ni ollota ddoonanara dda akhwiinyu,

Yesaya 65:24

Kineerowaakhulla ehinamallihe wiithana nave kineerowiiwa ehinamallihe ollota.

Rute 2:17

Sika Rute ahuurulla m'matani mulle ophiyera misikuwa. Vatulli viwa aamuuputha tirigoolle nave aari vakhuviru makilogaramu 10.

Rute 2:2

Nllapo nimodda Rute aamulleella Naomi wi, “Mukaakhullelle wi kiye kamuurulle tirigu omata wa arive muthu oyo anaakeerelle echifundo.” Naomi aamulleella wi, “Khawe mwanaka.”

1 Samuele 9:11

Yawelliiwa mwaango oya omuzindaninko yaakumana ni anamwalli evenyeraka m'muzindanimmo, eyaaka woorika maaddi nave yahaakoha wi, “Ethiyo oollohella ari wenko?”