Genesis 24:13 - Mawu a Mulluku

¹³ Kiri veehimenimva nave atthiyana a m'muzindanimmu enimawa wi erike maaddi.

Genesis 24:13 Iomraidhean Croise

Genesis 24:11

Aphiyalle aaddikokhoriha vatthi ekamirannddo vakhuviru ni ehime, otte wa muzinda. Ddawoona waari misikuwa enthawi yooya atthiyana woorika maaddi.

Genesis 24:14

Miyaano kineeromuveka namwalli mmodda wi, ‘Kinuuvekani wi murulle munwaanyooyo wi kiwirye maaddi.’ Namwallooyo aakhullella wi, ‘Wiryani nave kiddiwiryihettho maaddi ekamira ddanyu,’ Yooyo sika anaakhalle namwalli oyo mumutthoollelleenyu oorumeyellaanyu Isaki. Ddenndda ddeereya, kineerodduwella wi mohaasungella lonjezo noohimalla apwiyaaka.”

Genesis 24:43

Kiri veehimenimva, vaawa namwalli wi arike maaddi, miyaano kimuveka wi, kivaheni maaddi m'munoni mwanyummo wi kiwirye.

Masalimo 37:5

Wiivelleelle m'mattani mwa Apwiya, waaroromelle nave eneerewuupwatha.

Eksodo 2:16

Nave anamwani aatthiyana atthanu ni eelli a Yetero, mullupa mukutho a o Midiyaninko yaawa wi erike maaddi wi yaddallihe mubwatoni oowiryellamo eziweto dda attiitthiiwa.

Miyambo 3:6

Owaakhullelleke Apwiya mu erive ello nave eneerewookolla ettilla ddawo.

Yohane 4:7

Vano mutthiyana a o Samariya aawa wi arike maaddi nave Yesu aallota wa yooyo wi, “Kivahe maaddi kiwirye.”

Oweeruza 5:11

Wiihimeni oowiipa machipo enimiipa ohakallallella wi Apwiya aagonjiha, ohakallallella wi athwiiwa o Israele aapambana.” “Vano Athu a Apwiya yaatthukumana ovenyera m'mawaniwa.”

1 Samuele 9:11

Yawelliiwa mwaango oya omuzindaninko yaakumana ni anamwalli evenyeraka m'muzindanimmo, eyaaka woorika maaddi nave yahaakoha wi, “Ethiyo oollohella ari wenko?”