Genesis 24:12 - Mawu a Mulluku

¹² Mullupa muttekooyo aavekella wi, “Apwiya Mulluku a apwiyaaka Abrahamu, kinimuuvekani wi ddeko ddikeetelle phaama ollello nave moonihe lonjezo nanyu noohimalla va apwiyaaka Abrahamu.

Genesis 24:12 Iomraidhean Croise

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Genesis 24:21

Mulletoolle aarimi phee, anawehesesa nnddo eera namwallooyo wi oone Apwiya yaarimi edalisalle olendwaaye apaalle iyaayi.

Genesis 24:27

Nave aallota wi, “Etitimihiwe Apwiya Mulluku a apwiyaaka Abrahamu, ayo esungalle moororomelleya lonjezo niwa wa apwiyaaka. Apwiya aakihoollella miyaano wa abale a apwiyaaka.”

Genesis 24:42

“Vano ollellova kiphiyalle veehimeni, kaavekella wi, ‘Apwiya Mulluku a apwiyaaka Abrahamu, mukikavihere wi ddikeetelle phaama voolendonaakoolla.

Genesis 24:48

Vano kaakokhora vatthi kaatitimiha Apwiya. Kahaatitimiha Apwiya Mulluku a apwiyaaka Abrahamu, ekaamba yookihoollella phaama wunchichi. Apwiya aakiphiyiha wa mbaliiwa a apwiyaaka, nko kimphwanyeemiwo mwanaye oyo anaakhalle mwaara a mwaana a apwiyaaka.

Genesis 26:24

Mahiiyu Apwiya yaamooneyella nave yaamulleella wi, “Mi tti Mulluku a attiittho Abrahamu. Ohoove vawi miyaano kiri ni weyaano. Kineerewuudalisa nave kineerewuuvaha edduullu ddinchichi ekaamba ya oorumeyellaaka Abrahamu.”

Genesis 27:10

Wayivelleelle yoocheeyo wa attiittho wi eyiche nave yuudalise ehinakhwe.”

Genesis 27:20

Vano Isaki aakoha wi, “Mwanaka, ethiyo enama yeella oyiphwanyille mwawiidde mwawaakuva ddiidda?” Yakobo ahaakhulla wi, “Apwiya Mullukwaaka aakikavihera wi kiyiphwanye.”

Genesis 28:13

Nave Apwiya yahiimella vakhwipi ni olliye emulleella wi, “Mi tti Apwiya Mulluku a nikhollo nawo Abrahamu ni attiittho Isaki. Ellapo onakoneewemweella kineerewuuvaha weyaano ni edduullu ddawo.

Genesis 31:42

Mulluku a attiitthaaka, Mulluku a Abrahamu, Mulluku oyo Isaki amooveye, ahikhanlleke ni miyaano, ddaano mukiikarihalle khalle mattave. Koma Mulluku ahoona ddookatamiha ddaka ni mitteko ddaka nave mahiiyu evirallaalla ohuuhumullullani.”

Genesis 32:10

Miyaano ngiphwanenlle waakhella echikondi yoohisintheya ni echikhulupililo yoororomelleya mukoonihalleenyu mi oorumeyellaanyu. Kamullapuwalle Yordani kihinna erive ello koma kaarina ekopove koma vano kinahokollowa ni milloko miillinndda.

Genesis 32:9

Vano Yakobo ahaamba ovekella wi, “Mulluku a nikhollo naka Abrahamu, Mulluku a attiitthaaka Isaki, mukiiwe miyaano! Nyu Apwiya mwaakilleella wi, ‘Hokollweella o ellapwaawo, o ellapo ya abalaawo, kineeroweeriha wi ddeko ddiweetelle phaama.’

Genesis 43:14

Mulluku Amasiva Mattheene aweerelleni echifundo vamiitthoni va muthooyo wi amuhokollose mwanamunninyu mmoddoolle ni Benjamini. Wa miyaano, khaya kaatathilla anamwani attheene, kaatathille.”

1 Mamwene 18:36

Ekwakhwanne enthawaaye yoovelleella mukutho, namallotella Eliya aasusella vakhuviru ni nikuwanno avekella wi, “Nyu Apwiya Mulluku a Abrahamu, Isaki ni Yakobo, ollello ddidduwanyeye wi nyu sika Mulluku mu ellapo ya Israele navettho wi mi tti oorumeyellaanyu ni wi kineera ddittheddenendda kaambiiwa mullotille tti nyuwaano.

2 Mamwene 2:14

Aakusa mukanjo wa Eliya awashullana maaddi, allota wi, “Eri wuuwi Apwiya, Mulluku a Eliya?” Awashullalle maaddaayo, yaakawaneya nngu ni nngu nave Elisha aallapuwa.

Nehemiya 1:11

Nyu Apwiya, apellani maaru o nivekello na oorumeyellaanyu ayo enatitimiha nnddina nanyu. Nave kipambaniheni mi oorumeyellaanyu ollello wi mwene akeerelle echifundo. Enthawi yeeyo kaari oovelleella vinyo wa mwene.

Nehemiya 2:4

Nave mwene aakikoha wi, “Vano wapaalla okiveke tini?” Sika kaavekella wa Mulluku ooddullu.

Masalimo 118:25

Nyu Apwiya, ninimuuvekani, nivulluseni. Apwiya ninimuuvekani wi ddeko ddineetelle phaama.

Masalimo 122:6

Vekellani murendelle wa Yerusalemu voollotani wi, “We Yerusalemu, athu ayo enuukonda ddeko ddiweetelleke phaama.

Masalimo 127:1

Apwiya yaahimaka enyumba, oomaka enyumbaayo enamakella nivuddo. Apwiya yaahiwuwehera muzinda, oowehera enasedderella nivuddo.

Masalimo 37:5

Wiivelleelle m'mattani mwa Apwiya, waaroromelle nave eneerewuupwatha.

Eksodo 3:15

Nave Mulluku aamulleellattho Mose wi, “Waalleelle Aisraele wi, ‘Apwiya Mulluku a makhollwaahu, Mulluku a Abrahamu, Mulluku a Isaki ni Mulluku a Yakobo sika akirumihalle wa nyuwaano.’ Nenna sika nnddina naka wa enthawi yoohimalla. Nenna sika nnddina nno ddinaakiromollellekiiwa mibado ddittheddene ddamuhoollo.

Eksodo 3:6

Aavirellella ollota wi, “Mi tti Mulluku a makhollwaawo, Mulluku a Abrahamu, Mulluku a Isaki ni Mulluku a Yakobo.” Vano Mose aakhuneella ekhove woova omuweha Mulluku.

Miyambo 3:6

Owaakhullelleke Apwiya mu erive ello nave eneerewookolla ettilla ddawo.

Mateyu 22:32

‘Miyaano kiri Mulluku a makhollwaanyu, Mulluku a Abrahamu, Mulluku a Isaki ni Mulluku a Yakobo.’ Olliyooyo khahiyo Mulluku a athu ookhwa koma tti a athu ookumi.”

Afilipi 4:6

Muhikhupanyeke erive ello koma mumulleelleke Mulluku erive ello munapaalleenyu moovekella. Enthawi ddittheddene muvekeke ni murima woothokoza.