Genesis 23:9 - Mawu a Mulluku

⁹ wi akikullihelle nikhungu naye na Makipera. Nikhungunno niri mukhwipi mwa emataaye. Muvekeni wi akikullihelle vamutengoni woophwanellella, nyuwaano moonaka wi nipuronno nikhalle mahame.”

Genesis 23:9 Iomraidhean Croise

Genesis 23:10

Vaavo Efuronooyo sika ari ni Ahiti o nipuro na mutthukumano va mullako woovollowella m'muzindani. Nave athu attheenaayo yiiwaka, ahaakhulla wi,

Genesis 23:4

“Mi tti mulleto, ookhalla enthawi yooyeva, owaninyu wuno. Mukikullihelle emata wi ekhalle mahame wi kimvitthevo mwaaraka.”

Genesis 23:8

nave aalleella wi, “Mwaarimi mukaakhullenlle wi kimuvitthe mwaarakoolla weewuno, mukivekelle wa Efuroni mwaana a Zohari,

Genesis 25:10

Yaari emata eyo Abrahamu ayikullalleeye wa Ahiti. Sika Abrahamu ni mwaariye Sara yavitthiwe wenko.

Genesis 49:29

Vano Yakobo ahaalamula anaaye wi, “Vawi kiri vakhuviru okhwa, mwakivitthe munikhunguni nno niri m'matani mwa Efuroni Muhiti,

Genesis 50:13

Nave yahaatukhulla oyaana o Kanani nave yahaavittha munikhunguni nno niri m'matani o Makipera, wookhuma nndduwa wa Mamure. Abrahamu akullalle nikhungunno wa Efuroni Muhiti ni emateeyo wi ekhalle mahame.

1 Epilli 21:22

Nave Davide aamulleella Orinani wi, “Kivahe nipuro noomuuputhellavo tirigunna wi kaamakellevo Apwiya nikuwa wi mullilloolla ovenye wa athu. Okikullihelle va mutengwiiwa muttheene.”

1 Epilli 21:24

Koma mwene Davide aamulleella Orinani wi, “Kookoma, kineerokulla va mutengwiiwa muttheene. Ngikusa ellwaawo wi kayivelleelle wa Apwiya naari ovelleella mukutho wooshellelliha voopharihani mutteko ello yawi ngikullalle.”

Aroma 12:17

Muthu mmodda aweerella yoonanara, ohimuhokolloselle yoonanara koma weeseeseke weera ddeko ddinooneya ni athu attheene wi tti ddaphaama.

Aroma 13:8

Muhikhalle ni ekongoli ni arive muthu. Ekongoli munaphwanelleenyu okhallana tti yookondana mmodda ni mukhwaaye vawi oyo anamukonda mukhwaaye ookwakhwaniha malamulo.