Genesis 23:4 - Mawu a Mulluku

⁴ “Mi tti mulleto, ookhalla enthawi yooyeva, owaninyu wuno. Mukikullihelle emata wi ekhalle mahame wi kimvitthevo mwaaraka.”

Genesis 23:4 Iomraidhean Croise

Genesis 17:8

Ellapo ella onakhalleewemo wonanko mulleto, kineerewuuvaha weyaano ni edduullu ddawo. Ellapo ettheene ya Kanani enaakhalle ya edduullu ddawo wa enthawi yoohimalla nave miyaano kineerokhalla Mullukwiiwa.”

Genesis 23:5

Athwaayo yaamwaakhulla wi,

Genesis 3:19

“Onaaphareke mutteko wanikhurumella, ophiyera enthawi yoohokollweella othayani nko wavenyereewewo. Wavenyere othayani, oneerohokollweellattho othayani wenko.”

Genesis 47:9

Yakobo aamwaakhulla wi, “Miyakha dda olendo wa okumaaka ddikwakhwanille 130. Miyakha ddenndda tti ddooyeva ni ddoohoosa, khaddinallikana ni miyakha dda makhollwaaka va enthawi ettheene yakhanlliiwa ni okumi.”

Genesis 49:30

o Makipera. Niri wookhuma nndduwa wa Mamure mu ellapo ya Kanani. Abrahamu aakulla nikhungunno ni emateene ovenyera wa Efuroni Muhiti wi vikhalle mahame.

Genesis 50:13

Nave yahaatukhulla oyaana o Kanani nave yahaavittha munikhunguni nno niri m'matani o Makipera, wookhuma nndduwa wa Mamure. Abrahamu akullalle nikhungunno wa Efuroni Muhiti ni emateeyo wi ekhalle mahame.

1 Epilli 29:15

Vawi hi tti alleto vamiitthoni vanyu, niri wonanko alleto mwiillaponi yaaneena monga makhollwaahu. Mallapwaahu ookhalla va ellapo yavatthi eri wonanko muuthuuchi nave khe voollekelliwa.

Yobu 30:23

Vawi kinnadduwella wi munakiyaana wuukhwaani, o nipuro wookumanella ookumi attheene.

Masalimo 119:19

Mi tti mulleto mu ellapo yavatthi, muhikiipitthihelle malamulwaanyu.

Masalimo 39:12

Nyu Apwiya iwani winlla waka, muheere ellapo tuu kaawinllellakani, miyaano tti mulleto oohillekella, awaarera wonanko makhollwaaka mattheene.

Eksodo 2:22

Zipora aamuyara mwaana aamullopwana. Vano Mose aallota wi, “Mi tti mulleto mwiillaponi yeelleto,” Sika aamuvaha mwaanooyo nnddina nawi Gereshomo.

Oollalleya 12:5

Oneerekewoova oya mapuro oowella nave weeta onaakhalle wawoopiha. M'muruni mwawo muneeromella embwi nave oneerokolephela wiithunya m'musewuni navettho osilila oneerewuumallella. Attheene nineeroya ninaakhallekeehuwo mallapo oohimalla nave narowa vineerokhalla winlla m'misewuni.

Oollalleya 12:7

Vano mwiilli oneerohokollweella mu ethaya wonanko wakhallelliiwa. Munepa oneerohokollweella wa Mulluku mwaneena oyo awuvelleellille.

Oollalleya 6:3

Naari muthu akhalle ni anamwani anchichi nave akhalle ni okumi wa miyakha ddinchichi naari miyakha ddayennddo ddaate mwawiidde koma ohihakallalla ni eyuumaaye nave makuthullellweene ahivitthiwe phaama. Miyaano kinallota wi muthooyo ookhwaranyiwa ni mwaana ookhote.

Levitiko 25:23

“Ethaya ehikullihiwe wa enthawi yoohimalla vawi ellapo tti yaaka. Wa miyaano, nyuwaano tti alleto navettho aweeteeta.

Mitteko 7:16

Mitembo ddiwa ddaatukhulliwa oyaana o Shekemu, ddaavitthiwa mu mahame ayo Abrahamu aakunlleeye wa nlloko na Hamori o Sekemunko.

Mitteko 7:5

Mulluku khaamuvahille Abrahamu naari nipuro ning'onong'ono wi nikhalle naaye koma aamulonjeza wi aneeromuvaha ellapweeyo nave enaakhalle yaayeyaaye ni edduullu ddaye. Enthawi yeeyo Mulluku amulonjezilleeye, Abrahamu khaarina mwaana.

Aheberi 11:9

Ekaamba ya echikhulupililo, Abrahamu akhalla m'musasani wonanko mulleto mu ellapo eyo Mulluku amulonjezilleeye. Akhalla m'misasani. Isaki mwanaye ni Yakobo edduullwaaye, alliwattho yakhalla m'misasani vawi alliwattho yahaakhellana lonjezonna.

1 Petro 2:11

Kinimuuvekani nyuwaano ookondiwaaka wi muhaakhullelleke minkhella dda mwiilli nnddo ddinawana ni Munepa vawi nyuwaano mu ellapweella muri wonanko alleto ni oothawa owaniwa.