Genesis 22:7 - Mawu a Mulluku

⁷ Vano Isaki aawiithana attiitthinnya wi, “Attiitthi.” Abrahamu ahaakhulla wi, “Ee, mwanaka.” Isaki aakoha wi, “Munllo ni ekhuni kinnaddoona, ddookhallavo koma mwaanaankhosa awoosella mukuthooyo ari wuuwi?”

Genesis 22:7 Iomraidhean Croise

Genesis 22:8

Abrahamu aamwaakhulla wi, “Mwanaka, Mulluku aneeronivaha mwaanaankhosa.” Sika vano attheenaayo yaavirellella weeta nimodda.

Genesis 8:20

Enthawi yeeyo Nowa ahaamakella nikuwa Apwiya. Aakusavo orive mutundu wa enama ni epallame ddaweellihiwa nave aaddiipha, addivelleella mukutho wooshellelliha vanikuwanimvo.

Eksodo 12:3

Mullalleye othenga wa Aisraele attheene wi va nllapo na neekhumi na mweeroolla, arive muthu anitthoollelle nibanja naye mwaanaankhosa apaalle mwaanapuri mmodda.

Eksodo 29:38

“Enthawi ddittheddene nllapo ni nllapo, ovelleelleke asaanaankhosa eelli a muyakha mmodda va nikuwa.

Mateyu 26:39

Nave aaya vahoollo vang'ono akokhora oweha vatthi nave avekella wi, “Attiitthaaka, wakhalla wooworeya, mukivenyiherevo kapu a ddookatamihoolla! Ohiri opaalla waka koma opaalla wanyu weereye.”

Mateyu 26:42

Wiillittho waneepiilli Yesu aaya avekella wi, “Attiitthaaka kapu a ddoohoosoolla aahivenyihiwa ophiyera kimuwinrye, opaalla wanyu weeriwe.”

Yohane 1:29

Osaka wene Yohane aamoona Yesu awaaka wa olliyooyo nave allota wi, “Ngamooneni! Mwaanaankhosa a Mulluku oyo anavenyiha machimo a ellapo yavatthi.

Yohane 1:36

Aamoonilleeye Yesu aviraka aallota wi, “Mwaanaankhosa a Mulluku.”

Yohane 18:11

Yesu aamulleella Petro wi, “Hokollosella nsupada nawo mu nigonelo mwiwa! Ethiyo kihimuwirye kapu a ddoohoosa oyo Attiitthaaka yaakivahilliiwa?”

Aroma 8:15

Vawi Munepa oyo Mulluku uuvahilleeyeni khonaweerani akaporo ayo enakhalla mwawoova koma Munepooyo onaweerani anamwani a Mulluku nave ekaamba ya masiva a Munepooyo ninnamweera Mulluku wi, “Abba” ottaphullella wi, “Attiitthaaka!”

Yawuupullulla 13:8

Athu attheene ookhalla va ellapo yavatthi eneerollapella enama yawoopiha yuullupalleeyo, waapatula yaayove manddiniiwa yalembiwe ehinaphatusiwe ellapo yavatthi mu nibukhu na akumi na mwaanaankhosa iiphiwoolle.