Genesis 22:4 - Mawu a Mulluku

⁴ Va nllapo naneeraru Abrahamu aatukhulla miittho nave aawoonella mwaangooyo voorekama.

Genesis 22:4 Iomraidhean Croise

Genesis 22:3

Ohinase wene Abrahamu aapotokosa esaduro ya va bulwaaye. Aatthallattho ekhuni ddawoosella mukutho nave aamukusa Isaki ni akaporwaaye eelli, etimulla olendo wooya o nipuro nno Mulluku amulleelleeye.

Genesis 22:5

Vano ahaalleella akaporwaalle wi, “Nyuwaano keraatthini vaava ni buloolla. Miyaano ni musomboolla ninaya nko navekelle, vatulli viwa nineerewuuphwanyani.”

2 Mamwene 20:5

“Hokollowa, wamulleelle Hezekiya, mwene a athwaaka wi, ‘Mi Apwiya Mulluku a nikhollo nawo Davide kohiiwa ovekella wawo nave kooddoona miitthori ddawo. Vano kineerewuuchiriha. Oneerowora ollapella o enyumba ya Apwiya omuroto vano.

Estere 5:1

Va nllapo naneeraru na ohalla ocha,* Estere aawara mukanjwaaye woomwene nave aaya iimella munthatoni na muwari na mwene, voowehana ni echipinda yuullupalli ya mwene. Va enthawi ella mwene aari akeraatthille va mpandwaaye woomwene muwari mwa echipindeeyo, moowehana ni mullako woovollowella muchipindanimmo.

Eksodo 15:22

Vano Mose ahaahoollella Aisraele ovenyera o Enyanja Yoofiira wulle eya yavollowa mu echipululu ya Shuri. Yaheeta mwemmo mallapo mararu, oohiphwanya maaddi.

Eksodo 19:11

nave ekhalle ookhozeka omuroto. Vawi va nllapo nenno mi Apwiya kineerokittha vamwaangoni wa Sinai athu attheene yoonaka.

Eksodo 19:15

Nave Mose ahaalleella wi, “Mukhozeke omuroto vano. Nave muhinakona ni mutthiyana.”

Eksodo 5:3

Vano alliwa yaamulleella wi, “Mulluku a Aheberi aakumana ni hiyaano. Vano ninimuuvekani munaakhullelle wi niye voolendoni wookwakhwana mallapo mararu muchipululuni wi navelleelle mukutho wa Apwiya Mullukwaahu. Naahiyaawo aneeroniipha ni ereta apaalle ekhoto.”

Hoseya 6:2

Vamalla mallapo meelli eneeronihihimulla. Va nllapo naneeraru eneeronivenyiha wi nikhalle ni okumi vamiitthoni viwa.

Levitiko 7:17

Koma enama yoohalla ophiyera nllapo naneeraru, ayishellellihe.

Numeri 10:33

Sika yaatimulla ovenyera va mwaango wa Apwiya, yeeta olendo wa mallapo mararu. Yaahoolla ni nibokosi na echipangano na Apwiya wi athu attheenaalle yaphwanye nipuro nawiithuuwellavo.

Numeri 19:12

Ahape ni maaddi aweellihellaalle va nllapo naneeraru ni naneetthanu ni piilli nave aneeroweellihiwa. Koma aahihapa va nllapo naneeraru ni va nllapo naneetthanu ni piilli, kheella.

Numeri 19:19

Muthu oohiripihiwoolle amumidde maaddi muthu ooripihiwooyo va nllapo na naneeraru ni va nllapo naneetthanu ni piilli. Nave ooripihiwooyo achape ddoowara ddaye, ahape nave misikuwa aneerokhalla aweellihiwa.

Numeri 31:19

Vano arive muthu mwa nyuwaano oyo amwiiphalle muthu apaalle aattannyille mutembo, akhalle otte wa misasa mallapo matthanu ni meelli. Nave va nllapo naneeraru ni va nllapo naneetthanu ni piilli muddeellihe nyuwaano ni akaporwaanyu.

Mateyu 17:23

Eneerokiipha koma vavira mallapo mararu kineerovenyihiwa wa ookhwa.” Oohudderaalle yiiwalle mawu yaalla yaamoriwa ethakaraka.

Luka 13:32

Yesu ahaalleella wi, “Khaweni mwamulleelle khatwe, Herode wi kinaakhumihe minepa ddoonanara ni waachiriha athu ollello ni osiisello nave omuroto kineeromalliha muttekwaaka.

1 Akorinto 15:4

wi aavitthiwa nave wi aavenyihiwa wa ookhwa viviralle mallapo mararu, wonanko mmo ddilembelliwiiwa mu mawu a Mulluku,

Yoswa 1:11

“Khaweni omisasani ddittheddene, mwaalleelle athu wi, ‘Mwiikhozere phooso kaambiiwa vavira mallapo mararu, muneerollapuwa muhinje wa Yordani ni waakhella ellapo eyo Apwiya Mullukwaanyu enuuvaheewani.’ ”

1 Samuele 26:13

Vano Davide aaya ekhopella emodda iimella vaddullu va mwaango. Variyari viwa vaakhalla mpata muullupalli.