Genesis 22:17 - Mawu a Mulluku

¹⁷ kineerewuudalisa wunchichi ni wuuvaha edduullu ddinchichi wonanko etheneeri dda oddullu navettho wonanko mihava dda mukhwipi mwa enyanja. Edduullu ddawo ddineerewaagonjiha adaniiwa attheene.

Genesis 22:17 Iomraidhean Croise

Genesis 12:2

Kineerewuutthattusa nikhollo na mutundu nuullupalli nave kineerewuudalisa ni wuutthattusa oovuwa wi okhalle madaliso.

Genesis 13:16

Kineerewuuvaha edduullu ddinchichi nave khaavo naari mmodda anaawore oddeerenga. Yooyove anawora weerenga nthupi na va ellapo yavatthi sika anaawore.”

Genesis 15:5

Enthawi yeeyo Apwiya yaamukhumiha Abramu vaatte, emulleella wi, “Ngoona oddullunngu nave waaworaka weerenge etheneerinnddo, erenga. Weyaano oneerokhalla ni edduullu ddinchichi wonanko etheneerinnddo.”

Genesis 17:6

Kineerewuuvaha edduullu ddinchichi vawi ddinaakhalle mitundu ddinchichi nave ddimodda mwa edduullunnddo ddinaakhalle mamwene.

Genesis 24:60

Nave yaamudalisa Rebekooyo voollotani wi, “Weyaano murokorihu, Apwiya yuudalise wi okhalle moowe a athu awaata wunchichi. Edduullu ddawo ddineerewaagonjiha adaniiwa.”

Genesis 25:11

Akhwille Abrahamu, Mulluku aamudalisa mwanaye Isaki oyo akhalla vakhuviru ni “Neetuutu a Ookumi Anakoona Miyaano.”

Genesis 26:24

Mahiiyu Apwiya yaamooneyella nave yaamulleella wi, “Mi tti Mulluku a attiittho Abrahamu. Ohoove vawi miyaano kiri ni weyaano. Kineerewuudalisa nave kineerewuuvaha edduullu ddinchichi ekaamba ya oorumeyellaaka Abrahamu.”

Genesis 26:4

Kineerewuuvaha edduullu ddinchichi wonanko ddikhallelle etheneeri ddooddullu nave edduullu ddawonnddo kineeroddivaha ellapo ddittheddenenndda. Mitundu ddittheddene dda va ellapo yavatthi ddineerodalisiwa oyeella mwa edduullu ddawo.

Genesis 28:3

Mulluku Amasiva Mattheene uudalise nave uuvahe edduullu ddinchichi wi okhalle nlloko nuullupalli na mitundu ddinchichi dda athu.

Genesis 28:4

Uudalise weyaano ni edduullu ddawo moollikana ni mmo amudaliselleeye Abrahamu wi ekhalle yaawoyaawo ellapo eyo oneereewe okhallekemo, ellapo eyo amuvahilleeye Abrahamu.”

Genesis 32:12

Upuwellani lonjezo nanyunne nawi, ‘Kineerewuupwatha wi ddeko ddiweetelle phaama nave kineerewuuvaha edduullu ddinchichi ddooheerengeya. Ddinaakhalle ddinchichi wonanko mihava dda mukhwipi mwa enyanja.’ ”

Genesis 32:13

Akonille wenko mahiiyu yaayo, vatulli viwa aatthoollavo emphaso variyari va eyuumaaye ettheene aariiyena monga

2 Samuele 17:11

“Mi malangizo kiriimina tti awi, Aisraele attheene etthukumane wa nyuwaano wuno, waambeella o Dani ophiya o Beeresheba, ekhalle awaata wonanko mihava dda mu enyanja. Nave nyuwaano nyookhaanyu mwaakuse muyeena okhotoni.

1 Mamwene 4:20

Athu a o Yuda ni a o Israele yaari anchichi, ooheerengeya wonanko mihava dda mukhwipi mwa enyanja. Yaanacha ni owirya navettho yaanahakallalla.

1 Mamwene 9:26

Mwene Solomoni aamakattho esitima ddinchichi o Eziyoni Gebere, waatamella o Elati mukhwipi mwa Enyanja Yoofiira, mu ellapo ya Edomu.

1 Epilli 27:23

Davide khaaweerengille vamodda ni athu oohikwakhwana miyakha 20 ddooyariwana vawi Apwiya yaamulonjeza wi Aisraele eneerewaata wonanko etheneeri ddooddullu.

2 Epilli 1:9

Nyu Apwiya Mulluku, akhullellani wi mwalonjezilleenyu wa attiitthaaka Davide ekwakhwanihiwe vawi mookikhalliha mwene owaalamulella athu awaata wonanko nthupi na va ellapo yavatthi.

Nehemiya 9:23

Nave mwahaatiha edduullu ddiwa wonanko etheneeri ddooddullu ni waavollochiha mu ellapo eyo mwaalonjezilleenyu makhollwiiwa wi ekhalle yayiwayayiwa.

Eksodo 32:13

Muupuwelle oorumeyellaanyu, Abrahamu, Isaki ni Yakobo navettho nndde mwallupenlleenyu mu nnddina nanyu wi, ‘Kineerewuuvahani edduullu ddinchichi, ddawaata wonanko etheneeri dda oddullu. Edduullu ddaanyunnddo kineeroddivaha ellapo ettheene eyo kalonjezilleemi wi ekhalle yayiwa wa enthawi yoohimalla.’ ”

Yesaya 48:19

Anaawo yeerewaata wonanko mihava, edduullu ddawo wonanko nthupi. Nnddina niwa khanaavenyihiwe vamiitthoni vaka, khanaamwaramwasiwe.”

Yeremiya 32:22

Mwahaavaha ellapo ella yamukaka ni enwi mwaalonjezilleenyu moollupella makhollwiiwa.

Yeremiya 33:22

Kineeroddiruuwiha edduullu dda oorumeyellaaka Davide ni oorumeyellaaka allupa mukutho Aalevi nave enaate wonanko etheneeri ddooddullu apaalle muhava wa mukhwipi mwa enyanja.”

Hoseya 1:10

Aisraele eneerewaata wonanko mihava dda mu enyanja nnddo ohinaaworeewe owulinga ni oweerenga. Vano vanipuroni mvo yalleelliwiiwa wi, “Nyu khe athwaaka,” vaavottho aneerewaaromolla wi, “Anamwani a Mulluku Ookumi”

Hoseya 2:1

Ollote wa asinno wi, “Athwaaka” ni wa arokoriyo wi, “Annakondiwa.”

Mika 1:9

Makhwata a Samariya khenavolla nave aaphiya o Yuda. Woonongeya wohaatamella o Yerusalemu, muzinda wa athwaaka.”

Aroma 4:13

Mulluku amulonjezilleeye Abrahamu vamodda ni edduullu ddaye wi ellapo yavatthi ewe ekhalle yayiwayayiwa, ohiri kaambiiwa Abrahamu ahiiwellella malamulo koma kaambiiwa aalungamihiwa ekaamba ya echikhulupililwaaye.

Aroma 9:27

Nave Yesaya aanakhuwa dda Israele wi, “Naari athu a o Israele tti anchichi wonanko mihava dda onyanja nave oohalla ooyevave sika enaavullusiwe,

1 Akorinto 15:57

Koma nimuthokoze Mulluku oyo ananipambaniha oweella mwa Apwiihu Yesu Khrisitu!

Aefeso 1:3

Hankoni nimuthokoze Mulluku, Attiitthiiwa a Apwiihu Yesu Khrisitu! Vawi mu eyaattanweehu ni Khrisitu oonidalisa voonivahani ovenyera oddullu erive madaliso a Munepa.

Deuteronomo 1:10

Apwiya Mullukwaanyu yaawaatihani ophiyera vano muri wonanko etheneeri ddooddullu.

Deuteronomo 1:11

Apwiya Mulluku a makhollwaanyu eruuwihe wunchichi echiwerengerwaanyu nave yuudaliseni moollikana ni mmo yalonjezelliiwa.

Deuteronomo 10:22

Makhollwaanyu ayo yayiille o Iguputo yaarivo 70. Koma vano Apwiya Mullukwaanyu aawaatihani ophiyera muri wonanko etheneeri ddooddullu.”

Deuteronomo 13:17

Muhiphare erive ello yoophwanella woonongiwa wi Apwiya ehuushellenittho murima koma yuumorelleni ethakaraka nave eweerelleni echifundo ni owaatihani moollikana ni mmo yallupenlliiwa wa makhollwaanyu.

Deuteronomo 13:18

Eneeroweerellani ddenndda, mwaaweeraka ddoolungama vamiitthoni viwa nave mwaawiiwellellaka Apwiya Mullukwaanyu nave mwaasungaka malamulwiiwa kinawinnyeemini ollello.

Deuteronomo 21:19

Makhollo a mwaanooyo emuphare nave emukuselle wa attekweene a nthato na muzinda.

Aheberi 11:12

Abrahamu uulluvanlle, ari vakhuviru okhwa, aakhalla nikhollo na edduullu ddinchichi. Vawi edduullunnddo ddohaata wonanko etheneeri apaalle wonanko mihava dda mukhwipi mwa enyanja.

Aheberi 6:14

Aallupella wi, “Kineerewuudalisa wunchichi ni wuuvaha edduullu ddinchichi.”

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”