Genesis 22:12 - Mawu a Mulluku

¹² Mungelooyo aallota wi, “Ohinamwiipha mwaanooyo apaalle omweerana erive ello. Vano koodduwella wi weyaano onnamwiiwellella Mulluku vawi khokiimanne mwanawo mmoddave yooyo.”

Genesis 22:12 Iomraidhean Croise

Genesis 20:11

Abrahamu ahaakhulla wi, “Kaganiza wi wuno tti onipuroni noohimoova Mulluku nave wi eneerokiipha wi emukuse mwaarakoolla.

Genesis 22:13

Abrahamu atukhunlle miittho aamoona nankhoro a enkhosa aangille m'muttokhoromani. Nave aaya ayikusa aayiheraatthi mukutho wooshellelliha munipuroni mwa mwanayoolle.

Genesis 22:16

“Apwiya enallota wi, ‘Kinimallupella wi ekaamba yawi woheera ddenndda, khokiimanne mwanawo mmoddave,

Genesis 22:2

Mulluku aallota wi, “Mukuse Isaki, mwanawo mmoddave yooyo onamukondeewe wunchichi, oye o ellapo ya Moriya. Wenko wamuvelleelle wonanko mukutho wooshellelliha vamwaangoni oyo kineereemi kuulleelle.”

Genesis 26:5

Kineerewuudalisa kaambiiwa Abrahamu aakiiwellella nave aasunga mawaaka, malamulwaaka, echiweruzwaaka ni malangizwaaka.”

Genesis 42:18

Viviralle mallapo mararu Yosefe ahaalleella wi, “Vawi miyaano kinnamoova Mulluku, muneerovulluwa vaavove mweera nndda.

Nehemiya 5:15

Koma enduna nnddo ddaarivo miyaano kihinakhallevo ddaanaahoosa athu vawaallivellihani yoocha, vinyo ni makobiri 40 a siliva. Naari owaarumeyelliiwa yaanaahoosattho athu. Koma miyaano ngeerille ddennddo vawi kaanamoova Mulluku.

Yobu 1:1

Vaakhalla muthu mmodda mu ellapo ya Uzi nnddina naye Yobu. Muthoolla aari oohichimwa, oolungama, ooheera ddoonanara ni oomoova Mulluku.

Yobu 28:28

“Sika aamulleella muthu wi, ‘Owoova Apwiya sika ezeru, othawa ddoonanara sika odduwella.’ ”

Yobu 5:19

Erive enthawi eneerewuuvullusa o ddoohoosa, ddaateve mwawiidde, khotikheya.

Masalimo 1:6

Apwiya ennapwatha meetello a athu oolungama koma ettilla ya athu oochimwa eneerewoonongeya.

Masalimo 111:10

Owoova Apwiya tti waamba wa ezeru, oothwara malamulwiiwa annakhalla ni odduwella. Apwiya tti ootitimiheya wa enthawi yoohimalla.

Masalimo 147:11

koma Apwiya ennahakallalla ni athu oowoova, ayo enatiyera echikondiiwa yoohisintheya.

Masalimo 2:11

Arumeyelleni Apwiya mwawoova, atitimiheni mootthukumella.

Masalimo 25:12

Ttaani anawoova Apwiya? Yooyo Apwiya eneeromuhuddiha ettilla yawi ayithware.

Masalimo 25:14

Apwiya ennaattana ni oowoova alliwa, ennaadduwelliha echipanganwiiwa.

Eksodo 20:20

Vano Mose awaakhulla wi, “Muhoove vawi Mulluku oophiya wi aweeseni wi mumooveke m'murimani mwanyu navettho wi muhichimwe.”

Miyambo 1:7

Owoova Apwiya tti waamba wa ezeru. Ookarangeyave sika enavevulla ezeru ni malangizo.

Oollalleya 12:13

Voomallihani, ddittheddene ddillotiwe tti ddawi omooveke Mulluku nave osungeke malamulwaaye vawi yeella sika yoophwanella weera muthu.

Yeremiya 19:5

Yaamaka nipuro noomullapellamo Baala mmo yaavelleelliiwa aniiwa wi ekhalle mikutho ddooshellelliha. Ddenndda ngaalamunle apaalle oddiganizera naari vang'ono.

Yeremiya 32:40

Kineerokeraatthiha echipangano yoohimalla ni alliwa nave ngihiya oweerella ddaphaama. Kineerewaavaha murima wookova, mwawi ddiiddo khewa ekihiyattho.

Malaki 4:2

Koma nyu awoova nnddina naka, nndduwa na echilungamo nineerewuukhumellani ni owaana ochiriha m'muuphello mwiwa. Muneerolluphallupha moohakallalla wonanko asaanaang'ombe ekhumihiwe munikhollani.

Mateyu 16:24

Vano Yesu aallota wa oohudderaaye wi, “Muthu aapaallaka okithwara iikhoote yeekhaaye, atukhulle mutandaaye akithware miyaano.

Mateyu 19:29

Nave attheene ayo ehiyalle enyumba ddiwa apaalle asinniwa naari arokoriwa apaalle attiitthiiwa apaalle ameewa naari aniiwa apaalle emata ddiwa kaambiiwa tti oohudderaaka eneerewaakhella nnddo ehiyalliwa waakullella 100 nave eneerewaakhella okumi woohimalla.

Mateyu 5:16

Emoddamoddave yeeyo owala wanyu wooneyeke vamiitthoni va athu wi vawoonani mitteko ddanyu ddaphaama yaatitimihe Attiitthaanyu ooddullu.

Yohane 3:16

Vawi Mulluku aakonda ellapo yavatthi wunchichi, sika aavaha Mwanaye mmoddave yooyo wi arive muthu anakhulupilila mwa olliyooyo ahikhwe koma akhallena okumi woohimalla.

Mitteko 9:31

Nave mipingo dda mu ezigawo ddittheddene dda Yudeya, Galileya ni Samariya ddaari mu enthawi yamurendelle. Vookaviheriwani ni Munepa Waweella mipingo ddahunnuwa vookhallani ni athu anchichi vawi yaanawoova Apwiya.

Aroma 5:8

Koma Mulluku ahooniha echikondaaye va hiyaano kaambiiwa Khrisitu aanikhwella naariihu oochimwa.

Aroma 8:32

Mulluku khaaniimaanne Mwanaye ayeekha koma aamuvelleella ekaamba ya hiyaano attheene! Vawi aanivaha Mwanaye, khanivahattho ddeko ddittheddene?

1 Akorinto 10:13

Weesiwa orive ottheene nko onuuphiyereni tti wenko onamuphiyera arive muthu. Nave Mulluku tti oororomelleya nave khaakhullella wi nyuwaano mweesiwe ohiyana ni masivaanyu awiimella moollipa. Koma enthawi eyo muneesiweenyu aneerowinnyani ettilla yawi muvulluwellemo sika muneerowora ovillella.

2 Akorinto 8:12

Mwakhalla ni ntthitti noovelleella, Mulluku aneerewaakhella emphaso ddanyu moollikana ni nnddo muriinyuna ohiri moollikana ni nnddo muhiinnaanyu.

Aheberi 11:19

Sika Abrahamu aakhulupilila wi Mulluku ttuuwora omuvenyiha Isaki wa ookhwa. Vano aamwaakhellattho wonanko oovenyihiwa wa ookhwa.

Aheberi 12:28

Vawi nohaakhella omwene woohitikheya nimuthokozeke Mulluku nave nimullapelleke moophwanellella, moolemu ni mwawoova.

Yakobo 2:18

Koma muthu mmodda annallota wi, “Muthu mmodda ookhalla ni echikhulupililo nave mmodda ookhalla ni mitteko. Vano koonihe miyaano echikhulupililo yoohikhalla ni mitteko nave miyaano kineerowooniha echikhulupililwaaka yoovenyera m'mittekoni mwaka.”

Yawuupullulla 19:5

Nave mawu yaavenyera o mpando woomwene wooddullu oollota wi, “Aleluya! Oorumeyellaaye attheene a Mulluku ni athu attheene ayo enamoova olliye, uullupalli ni ang'onong'ono, emutitimihe!”

1 Samuele 15:22

Koma Samuele aallota wi, “Ethiyo Apwiya enahakallalla ni tini, mukutho wooshellelliha ni mikutho ddimodda, apaalle wiiwellella mawaaye? Wiiwellella ni ovelleella mukutho, waphaama tti wiiwellella. Waapella maaru ni ovelleella makhura a enkhosa, waphaama tti waapella maaru.