Genesis 21:8 - Mawu a Mulluku

⁸ Mwaanooyo ahunnuwa nave nllapo nawi ahiye waamwa, Abrahamu aapanga machellello.

Genesis 21:8 Iomraidhean Croise

Genesis 19:3

Loti ahaawatihera waaveka nave vatulli viwa alliwa yahaakhullella oya o enyumba ya Loti. Sika vano Loti ahaakhozella machellello nave aawaapeyella buledi oohikhalla ni yisiti navettho ahaakhozella yoocha yooddiva wunchichi, sika athwaayo yaacha.

Genesis 21:7

Nave aallotattho wi, “Ttaani aawore ollota wa Abrahamu wi Sara ttuumwaamwiha mwaana? Komave koomuyarella mwaana aamullopwana Abrahamu ari awuulluvalla.”

Genesis 21:9

Nllapo nimodda Ishmaele oyo Hagara Muiguputoolle aamuyarelleeye Abrahamu, aarera ni Isaki, mwaana a Sara.

Genesis 26:30

Vano Isaki ahaakhozella machellello nave athwaayo yaacha ni owirya.

Genesis 29:22

Sika Labani aakhoza machellello ookwati, aawiithana athu attheene a wenko.

Genesis 40:20

Viviralle mallapo mararu, vaakhalla machellello oohakallallella nllapo nooyariwa Farao nave Farao ahiithaniha enduna ddaye ddittheddene. Aamukhumiha mundendeni oovelleella vinyoolle vamoddattho ni oomwaapeya buledoolle. Eellaalle aawiimesa vamiitthoni va enduna ddayenndde.

2 Samuele 3:20

Vatulli viwa Abinere aawa wa Davide o Hebroni ni athu 20. Davidooyo aamukhonzera machellello Abinere ni athu aariiyenaayo

1 Mamwene 3:15

Solomoni aavenya nave aadduwella wi aamalloha. Vano aaya o Yerusalemu iimella vahoollo va nibokosi na echipangano na Apwiya avelleella mikutho ddooshellelliha ni mikutho ddeeyaattano dda Apwiya. Vano ahaakhozella machellello oorumeyellaaye.

Estere 1:3

M'muyakhani waneeraru wa omwenaaye aakeraatthiha machellello a attekweenaaye attheene ni allupa muttekwaaye, akhoto uullupalli a o Persiya ni a o Mediya vamoddattho ni athu oovuwa ni enduna dda mu ezigawo ddaye.

Masalimo 131:2

Koma koowukhurumusa ni owumaalliha ellapo tuu murimaaka, wonanko mwaana mmo amennya enamukhurumuselliiwa ni nipelle, murimaaka onnamaalleya muwari mwaka.

Hoseya 1:8

Khanakondiwa ahiyalle waamwa Gomeri aakhallattho ni erukullu amuyara mwaana mmodda aamullopwana.

Oweeruza 14:10

Attiitthinnyaalle yaaya wa namwalloolle nave Samisoni ahaakhozella ehakallallo wenko vawi tti mmo yeerella asombwe.

Oweeruza 14:12

Samisoni ahaalleella wi, “Kinapaalla kuullotelleni mwambi, mwakilleella ottaphullella wiwa vihinamalle mallapo matthanu ni meelli a ehakallallweella, kineerewuuvahani ddoowara ddabafuta 30 navettho ddoowara dda va nllapo na ehakallallo 30.

1 Samuele 1:22

Koma Hana khaayiillewo nave aamulleella mamune wi, “Mi ni Samuele khaniyaawo ophiyera Samuele ahiyalle waamwa. Kinaayeenawo wi kamuvelleelle wa Apwiya nave aneerekokhalla wenko okumaaye muttheene.”

1 Samuele 1:24

Amuhiihalle waamwa Hana ni mamune yaamukusa eyaana onyumbani ya Apwiya o Shilo naari aari mung'onong'ono. Yaamukusa nankhoro eeng'ombe a miyakha miraru, othu makilogaramu khumi ni nthumba na nttapara nooddalla ni vinyo.

1 Samuele 25:36

Abigaile aarowa owaniwa amuphwanya Nabala ari va machellello wonanko a mwene. Nabala aari oohakallalla wunchichi vawi aalezela. Vano mutthiyanoolle khaamulleelle erive ello ophiyera ohinase.