Genesis 21:22 - Mawu a Mulluku

²² Va enthawi yeeyo mwene Abimeleki ni Fikolo, muttekweene a akhotwaaye yaallota ni Abrahamu wi, “Mulluku ari ni weyaano mu ddeko ddittheddene oneereewe.

Genesis 21:22 Iomraidhean Croise

Genesis 20:14

Sika Abimeleki aamuhokollosella Sara wa Abrahamu nave enthawi yeeyo amuvaha enkhosa, eng'ombe ni akaporo aallopwana ni aatthiyana.

Genesis 20:17

Ekaamba ya Sara mwaara Abrahamu, Apwiya yaamumaka mwaara Abimeleki ni atthiyana attheene a munibanjani naye wi ehiyareke. Sika Abrahamu aamuvekella Abimeleki nave Mulluku aamuchiriha Abimelekooyo ni mwaariye vamoddattho ni awariye ang'onong'ono attheene wi yaayareke anamwani.

Genesis 20:2

Wenko ahaalleella athu wi, “Sara tti murokoraka.” Sika Abimeleki, mwene o Gerari, aamukusa Sarooyo.

Genesis 26:26

Abimeleki aaya wa Isaki ovenyera o Gerari ni Ahuzati endunaaye ni Fikolo muttekweene a allupa ekhotwaaye.

Genesis 26:28

Alliwaayo yaamwaakhulla wi, “Vano noodduwella wi Apwiya eri ni nyuwaano nave niganizalle wi nyuwaano ni hiyaano nikeraatthihe echipangano. Ninapaalla wi nyuwaano mulonjeze

Genesis 28:15

Ngoona, miyaano ngiwa kuuhiya, kineerewuuteteza orive weko oneereewe oyeewo nave kineerewuuhokollosella o ellapo yeella. Ngiwa kuuhiya ophiyera kenre ddittheddene kuulonjezilleeminndda.”

Genesis 30:27

Labani aamulleella wi, “Kaakhullelle wi killote, ‘Miyaano vawoombesani koodduwella wi Apwiya aakidalisa ekaamba ya weyaano.

Genesis 31:5

Aphiyallewo, olliye ahaalleella wi, “Kohoona wi attiitthiinyu khenakipwatha wonanko yeerelliiwa khalle. Koma Mulluku a attiitthaaka ookhalla ni miyaano.

2 Samuele 24:7

Vano yaaphiya ompandani wa Tiro ni o mizindani ddittheddene dda Ahivi ni Akanani. Ddimanlle nndda, yaavenyewo wenko yaphiya o Beeresheba, omwera wa ellapo ya Yuda.

2 Epilli 1:1

Solomoni mwaana a Davide aakeraatthiha omwenaaye nave Apwiya Mullukwaaye aari ni olliye nave aamunnuwiha wunchichi.

Yesaya 45:14

Apwiya enamulleella Israele wi, “Eyuuma ya o Iguputo ni malonda a o Kushi ddinaakhalle ddaanyu. Athu oorekama a o Saba eneeroowa wa nyuwaano eneerokhalla akaporwaanyu, eneerekewuuthwarani emakiwa ni onyolo. Eneerekokokhora ni ollota wi, ‘Mulluku ari ni nyuwaanove, khaavottho mmodda, Omupatula olliye khaavo mulluku mmodda.

Yesaya 8:10

Naari mwiiwanane koma mwiiwananooyo khophura ello. Mupanganelle ddaweera komave khaddiworeya vawi Mulluku ari ni hiyaano.

Zekariya 8:23

Va mallapo yaayo athu khumi oovenyera o mitundu dda athu ddoohiyanahiyana eneeromuwanddeellella Muyuda ni ollota wi, ‘Nithaananena kaambiiwa nohiiwa wi Mulluku ari ni nyuwaano.’ ”

Mateyu 1:23

“Namwalli aneerokhalla ni erukullu nave aneeromuyara mwaana aamullopwana. Athu eneerekomuromolla wi Imanuele ottaphullella wi Mulluku ari ni hiyaano.”

Aroma 8:31

Ethiyo vano mu ddittheddenenndda, ninaallote tini? Mulluku akhalla ni hiyaano, anaanivaanyihe ttaani?

1 Akorinto 14:25

Dda m'murimani mwanyu ddineerewuupullulliwa nave ekokhora omullapella Mulluku waakhullella wi, “Ddawoona Mulluku ari variyari vanyu!”

Aheberi 13:5

Murimaanyu ohinakondaka makobiri, mukwanihiweke ni nnddo muriinyuna. Vawi Mulluku aallota wi, “Nguuhiyani apaalle wuuthawani.”

Yoswa 3:7

Apwiya yaamulleella Yoswa wi, “Ddittheddene kinaaweereemi ollellonndda sika ddinaaweerihe Aisraele attheene okhalla ni murima wawuuvaha olemu wi weyaano ori muthu muullupalli. Nave eneerodduwella wi miyaano kiri ni weyaano wonanko mmo kakhallelleemi ni Mose.

Yawuupullulla 3:9

Athu ayo eri a mulloko wa Satana, athu awoottha ayo enallota wi tti Ayuda ehiri yaayo, kineerowaana wi yuukokhorelleni. Attheenaayo eneerodduwella wi kinnuukondani.

1 Samuele 24:22

Davide aallupella ddittheddenennddo Saulo iiwaka. Vano Saulo aahokollweella owaniwa koma Davide ni athwaaye yaaya woowiipittha onikhunguni wulle.

1 Samuele 3:19

Apwiya yaakhalla ni Samuele enthawi ettheene unnuweeye. Vawi erive ello alloteeye yaaneereya.