Genesis 21:2 - Mawu a Mulluku

² Sika Sara aakusa erukullu, amuyarella Abrahamu mwaana aamullopwana Abrahamooyo uulluvallille. Mwaanooyo ayariwe moollikana ni enthawi eyo Mulluku aromonlleeye.

Genesis 21:2 Iomraidhean Croise

Genesis 17:19

Koma Mulluku aallota wi, “Iyaayi, mwaariyo Sara sika anuuyarelle mwaana aamullopwana nave aneeromuvaha nnddina nawi Isaki. Kineerokeraatthiha echipanganwaaka ni olliyooyo navettho ni edduullu ddaye muhoollo. Nave echipanganweeyo enaakhalle ya enthawi yoohimalla.

Genesis 17:21

Koma kinaakeraatthihe echipanganwaaka ni mwanawo Isaki oyo anaayariwe mwa Sara mu enthawi wonanko yeella muyakha woosiisello.”

Genesis 18:10

Mmodda a athwaayo aari Apwiya nave aallota wi, “Kinimalonjeza wi vamalla miyeri mitthanu ni misese kineerohokollowattho nave mwaariyo aneeromuyara mwaana aamullopwana.” Nave Sara ahiiwa vawi akeraatthille otulli wa Abrahamu, va mullako wa musasa.

Genesis 18:14

Ethiyo yookhallavo ello yoolepheleya weeriwa ni Apwiya? Sika va enthawiine, kineereweera nndda kilonjezilleemi nave Sara aneeromuyara mwaana aamullopwana.”

Luka 1:36

Vano ngiiwa, mbalaawo Elizabeti, nayeenettho naari uulluvanlle ookhalla ni erukullu. Athu yaganiza wi khawa ayara koma vano ookhalla ni erukullu ya miyeri mitthanu ni mmodda.

Mitteko 7:8

Vano Mulluku aamulamulella Abrahamu dda ophaddiwa wi okhalle echizindikiro ya echipanganwiiwa. Vano Abrahamu aamuphadda mwanaye Isaki aariiye ni mallapo matthanu ni mararu. Isaki aamuphadda mwanaye aamullopwana Yakobo, nayeenettho Yakobo ahaaphadda anaaye aallopwana khumi ni eelli, ayottho eri makhollo a nlloko nahu.

Aroma 9:9

Vawi Mulluku mu lonjezo naye aallota wi, “Kineerohokollowattho mu enthawi yoophwanellella nave Sara aneeromuyara mwaana aamullopwana.”

Agalatiya 4:22

Enallota wi Abrahamu aari ni anamwani aallopwana eelli. Amennya a mmodda aari kaporo nave amennya a mmoddooyo khaari kaporo.

Aheberi 11:11

Ekaamba ya echikhulupililo, Sara aakhalla ni mwaana aamullopwana naari aari awuulluvalla ni oohiyara kaambiiwa Abrahamu aamukhulupilila Mulluku oyo amulonjezille.

Yoswa 24:3

Vano kaamukusa Abrahamu nikhollo nanyu okhopella wa muhinje wa Yufurate kimweetiha mu ellapo ettheene ya Kanani, kiruuwiha edduullu ddaye nave kaamuvaha Isaki.