15 Vano maaddaalle emmallelle aamuhiya mwaanooyo vatthi va nikukhu.
Sika osaka wene, ohinase, Abrahamu aamuvaha Hagara yoocha ni nthumba na nttapara na maaddi. Vatulli viwa aamutukhulla mwaanooyo amuyaariha Hagara, enre ddiiddo aamulleella wi aroweke. Sika Hagara aatimulla ddawoona, aneeteeta mu echipululu ya Beeresheba.
Olliye akeraatthi vatthi moowehana ni mwaanooyo va mutunda wa mamita 100 kaambiiwa aganiza wi, “Miyaano ngaakhullella omoonellella mwanaka akhwaka mwawi ddiidda.” Akeraatthille ddiiddo, mwaanooyo ahaamba winlla.
Vaavo mutthiyanooyo ahaakhulla wi, “Kinimallupella vamiitthoni va Apwiya Mullukwaanyu, miyaano ngaapeyille erive ello koma kookhalla ni othu vang'ono mwiipalleni owaakattho makhura vang'ono munibotoloni. Kinatota ekhuni piilli wi kaddaapeyelle meekha ni mwanaka niche nave nikhwe.”
Sika mwene a o Israele ni mwene a o Yuda owaakattho mwene a o Edomu attheenaayo yaayaawo nimodda. Nave yeetille mwawaapheella mu echipululu mallapo matthanu ni meelli, maaddi awi akhoto ni enama ddiwa ddiwirye kheyaariwo.
Nyu Mulluku, nyuwaano tti Mullukwaaka, kinnawaashaashani, murimaaka wookhalla ni nthona noopaalla owoonani, mwiillaaka onnuupaallani wonanko ellapo yawumma, yooguga ni yoohikhalla ni maaddi.
Eeruso ya mikoko anakusa mukoko awuhiya viikho. Ni nnatta naye namasiva annawuhana voowuuphwinyani ni hamala. Vatulli viwa annavolliwa ettalla ni omalla masiva nave aahiwirya maaddi annafooka.
Eeyuuma ennaaruma allupa muttekwiiwa wi yarike maaddi, ennaphiya wiihimeni koma khewuri maaddi, sika ennahokollowa ni mino muhiri ello. Ennawulliwa muru nave ahiimella muru, ennawaramella vatthi.