Genesis 21:1 - Mawu a Mulluku

¹ Apwiya yaamuupuwella Sara voomweerellani nnddo yamulonjezilliiwa.

Genesis 21:1 Iomraidhean Croise

Genesis 17:16

Olliyoolla kineeromudalisa nave kineerewuuvaha mwaana aamullopwana oweella mwa olliye. Kineeromudalisa nave anaakhalle moowe a mitundu ddittheddene dda athu. Variyari va edduullu ddayennddo vineerokhuma mamwene.”

Genesis 17:19

Koma Mulluku aallota wi, “Iyaayi, mwaariyo Sara sika anuuyarelle mwaana aamullopwana nave aneeromuvaha nnddina nawi Isaki. Kineerokeraatthiha echipanganwaaka ni olliyooyo navettho ni edduullu ddaye muhoollo. Nave echipanganweeyo enaakhalle ya enthawi yoohimalla.

Genesis 17:21

Koma kinaakeraatthihe echipanganwaaka ni mwanawo Isaki oyo anaayariwe mwa Sara mu enthawi wonanko yeella muyakha woosiisello.”

Genesis 18:10

Mmodda a athwaayo aari Apwiya nave aallota wi, “Kinimalonjeza wi vamalla miyeri mitthanu ni misese kineerohokollowattho nave mwaariyo aneeromuyara mwaana aamullopwana.” Nave Sara ahiiwa vawi akeraatthille otulli wa Abrahamu, va mullako wa musasa.

Genesis 18:14

Ethiyo yookhallavo ello yoolepheleya weeriwa ni Apwiya? Sika va enthawiine, kineereweera nndda kilonjezilleemi nave Sara aneeromuyara mwaana aamullopwana.”

Genesis 24:36

Sara, amwara a apwiyaaka naari yuulluvanlle yahaayarella mwaana aamullopwana. Vano apwiyaakaayo aamuvaha eyuumiiwa ettheene mwaanooyo.

Genesis 50:24

Nave ahaalleella asinne wi, “Onnoonathi wi kiri vakhuviru okhwa koma Mulluku aneerokhalla ni weyaano nave aneerewuuhokollosella o ellapo allupenlleeye wa makhollwaanyu Abrahamu, Isaki ni Yakobo.”

2 Mamwene 4:17

Koma mutthiyanooyo aakhalla ni erukullu nave muyakha woothwarellella, enthawi wonanko yeeyo, aamuyara mwaana aamullopwana moollikana ni mmo Elisha amulleellelleeye.

Masalimo 106:4

Apwiya, mukuupuwelle mwaawoonihellaka oreera murima athwaanyu, mukikavihere mwaawaavullusaka

Masalimo 12:6

Mawu a Apwiya tti aweella, wonanko siliva aweekiwa phaama, aweellihiwa otthanu ni opiilli.

Eksodo 20:5

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Eksodo 3:16

Khawe waatthukumanihe oohoollella attheene a Aisraele, waalleelle wi, ‘Apwiya Mulluku a makhollwaanyu, Mulluku a Abrahamu, Isaki ni Yakobo, aakooneyella nave aakilamula wi kuulleelleni wi oowa wa nyuwaano nave ohoona ddittheddene enaweerellani Aiguputo.

Eksodo 4:31

Vano Aisraelaalle yaakhulupilila ddennddo. Sika yiiwalle wi Apwiya yaawa wa alliwa nave yahoona ohoosiwa wiwanko, yaakokhora emullapella Mulluku.

Mateyu 24:35

Oddullu ni ellapo yavatthi ddineeromalla koma mawaaka khemalla.

Luka 1:68

“Ootitimiheya tti Apwiya Mulluku a Aisraele! Oowa wi aakavihere athwaaye nave awoopolle.

Luka 19:44

Eneerowiiphani nimodda ni aniinyu nave khavikhalla nlluku naari nimodda va nikhwaaye nihinaamorihiwe ni alliwaayo. Vawi khamwaapwathille dda enthawi eyo Mulluku awiilleeye wi uuvulluseni!”

Agalatiya 4:23

Mwanaye aayariwe mwa kaporo aamutthiyana olle aayariwe wonanko mmo enayariwella anamwani attheene. Nave mwanaye aayariwe mwa mutthiyana oyo ahaari kaporoolle, aayariwe moollikana ni lonjezo.

Agalatiya 4:28

Vano nyuwaano asinnaka ni arokoraka tti anamwani a Mulluku ekaamba ya lonjezo naye, wonanko Isaki.

Tito 1:2

mootiyerella okumi woohimalla, oyo Mulluku oohoottha, aanilonjezilleeye enthawi ehinaambe.

Rute 1:6

Vano Naomi ni avokohaaye eellaalle yahaamba okhozekella olendo woohokollweella owaniwa ovenyera mu ellapo ya Mowabu. Vawi ahiiwa wi mu ellapo yoowaniwa Apwiya yahaadalisa athwiiwa ni waavaha ddoocha.

1 Samuele 1:19

Osaka wene ohinase Elikana ni nibanja naye yaavenya yaallapella Apwiya. Vano yaahokollweella owaniwa o Rama. Elikana aakhalla ni Hana nipuro nimodda nave Apwiya yaamuupuwella Hana.

1 Samuele 2:21

Apwiya yaamudalisa Hana wawi aakhalla ni erukullu aayara anamwani aallopwana araru aatthiyana eelli. Koma Samuele ahunnuwella o Shilo mu enyumba ya Apwiya.