Genesis 2:9 - Mawu a Mulluku

⁹ Apwiya Mulluku yaamellihamo miteekho ddooreera dda ezipaso ddooddiva. Variyari va emateeyo vaakhalla muteekho woovaha okumi vamoddattho ni muteekho woodduwelliha ddaphaama ni ddoonanara.

Genesis 2:9 Iomraidhean Croise

Genesis 2:17

opatula ezipaso dda muteekho woodduwelliha ddaphaama ni ddoonanara kaambiiwa nllapo nno onaacheewe ezipaso dda muteekho yooyo, ddawoona, onimakhwa.”

Genesis 3:22

Apwiya yaallota wi, “Vano muthu ari wonanko hiyaano vawi annadduwella ddaphaama ni ddoonanara. Ahaakhullelliwe ocha ezipaso dda muteekho woovaha okumi wi akhalle ni okumi woohimalla.”

Genesis 3:24

Yaamwiikarella otte Adamu. Nave Mulluku ahaahiya akerubi* wookhuma nndduwa wa emata ya Edeni. Navettho aahiya nsupada na munllo nno naapheella embali ddittheddene, owehera muteekho woovaha okumi wi arive muthu ahaatamellevo.

Genesis 3:3

koma ohiya yooyove ori variyari va emata. Mulluku aallota wi nihiche ezipaso dda muteekho yooyo naari ottannya kaambiiwa nawa neera ddiiddo, ttuukhwa.”

Genesis 3:5

Mulluku annadduwella wi nyuwaano mwacha ezipaso ddenndda, miitthwaanyu eneerokhunuuwa nave muneerokhalla wonanko Mulluku, sika muneerodduwella ddaphaama ni ddoonanara.

Miyambo 11:30

Echipaso ya echilungamo tti muteekho wa okumi nave awaakopa athu tti eezeru.

Miyambo 3:18

Tti muteekho wa okumi wa ayo enayikhupaarella nave tti yoohakallalliha wa ayo enayipharesesa.

Yesaya 44:25

Miyaano sika kinnalepheliha ezizindikiro dda amasenga kinaakarangeyiha athu awoombesa makhanga. Miyaano sika kinaahumullulla mawu a athu eezeru, kinnooniha wi ezeru ddiwa tti ddookarangeya.

Yesaya 47:10

Waaniitukhulla ni onanara wawo, waganiza wi khaavo awoona. Owaraalla wawo ni ezeru ddawo ddahuuhollosa, m'murimani mwawo waallota wi, ‘Tti meeneve, khaavottho mmodda okipatula miyaano.’

Ezekiele 31:16

Mitundu dda athu ddaheengereya vawiiwani onyakulla wa omora wiwa kawukitthihelleemi omahame vamodda ni ayo yakhwille. Vano miteekho ddittheddene dda o Edeni, ddooreera dda o Lebanoni ni ddoohellelliwa phaama ddaahakallallana ddenndda o ellapo ya ookhwa.

Ezekiele 31:18

“Variyari va miteekho dda o Edeni, ethiyo waakhallavo naari mmodda woophwanaphwana ni oriiheya wawo nave wunnuwa wawo? Komathi weyaano oneerokitthella o ellapo ya ookhwa vamodda ni miteekho ddimodda ddittheddene dda o Edeni. Oneerokonaatthi vamodda ni awiiphiwa okhotoni, mulloko wa oohiphaddiwa! Muteekhooyo tti mwene a o Iguputo vamodda ni athwaaye. Mi Apwiya Mulluku koollota.”

Ezekiele 47:12

Vakhwipi va muhinjooyo vaakhalla miteekho dda orive mutundu ddawimma ezipaso. Makatthiiwa khewa enyaalla nave ezipaso ddiwa khadduukunuwa. Ddineerewimma orive mweeri kaambiiwa maaddiiwa tti oovenyera o enyumba ya Apwiya. Athu eneerekoddicha nave makatthiiwa eneerekopharihiwa mutteko wonanko murete.’ ”

Yohane 6:48

Mi tti buledi oovaha okumi.

1 Akorinto 8:1

Vano kinaaka killote dda ddoocha ddooheraatthiwa mukutho wa mafano nnddo mwaalembilleenyu. Tti ddawoona wi attheene nookhalla ni ezeru. Vano ezeru ddinnaweeriha athu okota; koma echikondi sika enallipiha.

Deuteronomo 6:25

Apwiya Mullukwaahu eneerohakallalla ni hiyaano naasungaka moororomelleya ddittheddene nnddo enilamulalliiwa.’ ”

Yawuupullulla 2:7

“Ngiiwani vano mwaarina maaru awiiwana ddinallota Munepa Waweella wa mipingo! Wa ayo enaapambane kineerowaakhullella wi eche ovenyera omuteekhoni wa okumi oyo ori mu paradizo a Mulluku.”

Yawuupullulla 22:14

Oodalisiwa tti ayo enachapa ddoowara ddiwa mwaweelliha wi yaakhullelliwe ovollowa va millako dda m'muzindani ni ocha ezipaso dda muteekho wa okumi.

Yawuupullulla 22:2

Muhinjoolla wavira variyari va musewu muullupalli wa muzindoolla nave embali ddittheddene dda muhinje yoolla waakhalla muteekho wa okumi oyo wimma ezipaso ddiwa orive mweeri sika vamuyakhani wimma olendo khumi ni wiilli. Makukhwiiwa yaari murete woochiriha athu a mitundu ddittheddene.