Genesis 2:8 - Mawu a Mulluku

⁸ Sika Apwiya Mulluku yaallima emata mu Edeni wookhuma nndduwa nave muthu yamoopilliiwooyo yaamuhiya mwemmo.

Genesis 2:8 Iomraidhean Croise

Genesis 13:10

Vano Loti awehillewehille, ahoona wi ntapo nittheene na muhinje wa Yordani ophiyera o Zowari naakhalla ni maaddi manchichi. Ntaponno naari wonanko Edeni, emata ya Apwiya apaallettho wonanko ellapo ya Iguputo. Enthawi yeeyo Apwiya yaari ehinoononge mizinda dda Sodomu ni Gomora.

Genesis 3:23

Sika Apwiya yaamukhumihamo muthooyo mu emata ya Edeni mulle wi allimeke ethaya eyo avenyerilleeyemo.

Genesis 3:24

Yaamwiikarella otte Adamu. Nave Mulluku ahaahiya akerubi* wookhuma nndduwa wa emata ya Edeni. Navettho aahiya nsupada na munllo nno naapheella embali ddittheddene, owehera muteekho woovaha okumi wi arive muthu ahaatamellevo.

Genesis 4:16

Vano Kaini aavenyavo vamiitthoni va Apwiya nave aya akhalla mu ellapo yooromolliwa Nodi, wookhuma nndduwa wa Edeni.

2 Mamwene 19:12

Makhollwaaka yahoononga mizinda dda Gozani, Harani ni Rezefe. Nave yaawiipha athu a o Edeni ayo yakhalla o Telasara. Ethiyo milluku dda athu a mitundu ddimoddannddo ddahaavullusa?

Yesaya 51:3

Mi Apwiya kineeromukhurumusa murima Ziyoni, oyo enakhalla mu matepaaye. Naari ellapwaaye eri echipululu, kineeroyitthattusa wonanko Edeni. Naari ellapwaaye eri nihaka, kineeroyitthattusa wonanko emata ya Apwiya. Wenko athu eneerohakallalla ni ottaphuwa, eneerewiipa machipo ookititimiha ni ookitthamalla.

Ezekiele 27:23

Athu a o Harani, Kane, Edeni, Ashuri ni Kilimade navettho amalonda a o Sheba yaaneera malonda ni weyaano.

Ezekiele 28:13

Waari wonanko o Edeni, emata ya Mulluku. Waaniireeriha ni malluku oowallamella mutengo a mitundu ddittheddene, karineliyoni, topazi, jasipere, kirisoliti, berili, onikisi, safiro, rubi ni emeradi. Ddoohiyamo malluku ddaari dda golide. Yahuupangella ddittheddenennddo nllapo nno waphatusiweewe.

Ezekiele 31:16

Mitundu dda athu ddaheengereya vawiiwani onyakulla wa omora wiwa kawukitthihelleemi omahame vamodda ni ayo yakhwille. Vano miteekho ddittheddene dda o Edeni, ddooreera dda o Lebanoni ni ddoohellelliwa phaama ddaahakallallana ddenndda o ellapo ya ookhwa.

Ezekiele 31:18

“Variyari va miteekho dda o Edeni, ethiyo waakhallavo naari mmodda woophwanaphwana ni oriiheya wawo nave wunnuwa wawo? Komathi weyaano oneerokitthella o ellapo ya ookhwa vamodda ni miteekho ddimodda ddittheddene dda o Edeni. Oneerokonaatthi vamodda ni awiiphiwa okhotoni, mulloko wa oohiphaddiwa! Muteekhooyo tti mwene a o Iguputo vamodda ni athwaaye. Mi Apwiya Mulluku koollota.”

Yowele 2:3

Munllo onnallandda muhoollo mwiwa, mutulli mwiwa, munllo onnaviha, owiitthoni wiwa ellapo tti wonanko emata ya Edeni, otulli wiwa tti wonanko echipululu moohikhalla ello, khaavo anaavulluwe.