Genesis 2:7 - Mawu a Mulluku

⁷ Sika vano Apwiya Mulluku yaakusa ethaya ovenyera vatthi nave emoopa muthu ni ethayeeyo. Yaamuviddeellella mphunani mpweya woovaha okumi nave muthooyo aakhalla ni okumi.

Genesis 2:7 Iomraidhean Croise

Genesis 1:27

Sika Mulluku ahaaphatusa athu, mullopwana ni mutthiyana, moophwanaphwana ni olliye.

Genesis 2:6

Koma maaddi yakhuma ovenyera vatthi va ellapo enahellella ethaya.

Genesis 3:19

“Onaaphareke mutteko wanikhurumella, ophiyera enthawi yoohokollweella othayani nko wavenyereewewo. Wavenyere othayani, oneerohokollweellattho othayani wenko.”

Genesis 3:23

Sika Apwiya yaamukhumihamo muthooyo mu emata ya Edeni mulle wi allimeke ethaya eyo avenyerilleeyemo.

Genesis 7:22

Ddookumi ddittheddene va ellapo yavatthi ddaakhwa.

Yobu 27:3

kaavirellellave ovuma ddiidda, mpweya wa Mulluku wakhallave mphunani mwaka,

Yobu 33:4

Munepa a Mulluku ookiphatusa miyaano, mpweya wa Amasiva Mattheene onnakivaha okumi.

Yobu 33:6

Ddawoona, kiri monga nyuwaano vamiitthoni va Mulluku vawi miyaanottho koopiwe ni olloko.

Yobu 4:19

Mwawiidde muthu awoopiwa ni olloko, oyo matthipellwaaye tti ethaya, oyo anaanyenyeye wonanko enjenjete.

Masalimo 100:3

Dduwellani wi Apwiya tti Mulluku. Yaaniphatusa nave hiyaano tti athwiiwa, tti athwiiwa, enkhosa dda vabusani viwa.

Masalimo 103:14

Vawi ennadduwella mmo naphatuselliweehu ennuupuwella wi hiyaano tti nthupi.

Miyambo 20:27

Munepa wa muthu tti enyali ya Apwiya onnamolleella dda muwari mwa murima wa muthu.

Oollalleya 12:7

Vano mwiilli oneerohokollweella mu ethaya wonanko wakhallelliiwa. Munepa oneerohokollweella wa Mulluku mwaneena oyo awuvelleellille.

Oollalleya 3:7

Vookhalla enthawi yawaahulla ni enthawi yoosowa, enthawi yoomaalleya ni enthawi yoollota.

Yesaya 2:22

Muhimuroromellekettho muthu vawi okumaaye khonallekella omalla. Ethiyo muthu ari ni tini?

Yesaya 64:8

Komave nyu Apwiya muri attiitthiihu. Niri wonanko olloko nave nyuwaano muri wonanko awoopa vawi niri mitteko dda mattaanyu.

Maliro 4:20

Oozoziwa* a Apwiya ayo aari mpweya wookumi, aamakiwa m'musamphani mwiwa. Oyo nalloteehu wi, “Mu muuthuuchaaye nneerokhalla variyari va athu amitundu ddimodda.”

Ezekiele 37:5

Waalleelle wi mi Apwiya Mulluku kinallota ‘Kineeroviddeellella mpweya mwa nyuwaano nave muneerokhallattho ni okumi.

Ezekiele 37:6

Kineerewuuvahani misempha ni mihehe nave kineerewuuhuruwellani ni nttapara. Kineeroviddeellella mpweya mwa nyuwaano nave muneerokhallattho ni okumi. Vano muneerodduwella wi mi tti Apwiya.’

Zekariya 12:1

Alla sika mawu a Apwiya oollota dda Israele. Apwiya sika yaanddellenlle eddullu ni okeraatthiha ellapo yavatthi navettho yaphatusalle mpweya woovaha okumi. Alliwa eni,

Numeri 16:22

Koma alliwa yaakokhora ellota wi, “Nyu Mulluku, mwaneena a minepa dda athu attheene, ethiyo mwaashenlle murima athu attheenaalla ekaamba ya ochimwa wa muthu mmodda?”

Numeri 27:16

“Nyu Apwiya, aneena okumi wa athu attheene, mumutthoolle muthu wi awehereke mullokoolla.

Yohane 20:22

Nave allotilleeye ddenndda ahaaviddeellella allota wi, “Akhellani Munepa Waweella.

Mitteko 17:25

Nave khanarumeyelliwa ni athu wonanko olliye annapaalla ello kaambiiwa olliye sika anavaha okumi ni weeriha wi nivumeke ni ovaha erive ello wa athu.

Aroma 9:20

Koma nyuwaano ttaani, asinnaka ni arokoraka wi mumuhumullulle Mulluku? Muno khonamukoha muthu oyo awoopille wi, “Kaambiiwa tini wakoopilleewe mwawi ddiidda?”

1 Akorinto 15:45

Vawi mawu a Mulluku enallota wi, “Muthu awaamba, Adamu, aari muthuve.” Koma Adamu oomallihella, Yesu tti Munepa woovaha okumi.

1 Akorinto 15:47

Adamu awaamba awoopiwa ni ethaya aari avatthimva koma Adamu aneepiilli, Yesu aari ooddullu.

2 Akorinto 4:7

Nave hiyaano nirina eyuuma ya Munepa niri wonanko mino wi noonihe wi masiva muullupalli tti a Mulluku, ohiri a hiyaano.

2 Akorinto 5:1

Vawi ninnadduwella wi musasa olla ninakhalleehumo wakumulliwa, oyo tti mwiillaahu wa va ellapo yavatthimva, Mulluku aneeronivaha enyumba yoohimalla oddullu eyo ayikhozilleye.

1 Timoteo 2:13

Vawi Adamu sika aambille ophatusiwa, vutulli vene Heva.

Aheberi 12:9

Attiitthiihu a ellapo yavattheella ennanillaka nave ninnaavaha olemu. Ethiyo yookatamiha ttiivi omugonjella Mulluku, Attiitthiihu m'munepani wi nikhalle ni okumi?