Genesis 2:25 - Mawu a Mulluku

²⁵ Mullopwanooyo ni mwaariyoolle, attheene yaari epwillimwinddive komave kheyaawulliwa muru.

Genesis 2:25 Iomraidhean Croise

Genesis 3:7

Echille, yaadduwella wi yaari epwillimwinddive. Sika yahiisowella mutambullo wa makukhu a namukuyu.

Masalimo 25:3

Ddawoona, attheene awuuroromellani ehiwulliwe muru, koma ayo enuukhootani mwaawullihe muru.

Masalimo 31:17

Nyu Apwiya, muhinaakhullella wi kiwulliwe muru, kaambiiwa kinavekella wa nyuwaano. Koma athu oonanara sika enaawulliwe muru, eye onipuroni na ookhwa ehinna yoollota.

Eksodo 32:25

Mose ahoona wi athwaayo tti ookatamiha kaambiiwa Aroni ahaattumera ophiyera alliwaayo yaatthattuwa athu oovevulliwa vamiitthoni va adaniiwa.

Yesaya 44:9

Attheene oopanga mafano tti oohikhalla ni mutteko, milluku nnddo enaddivahiiwa olemu tti ddoohikhalla ni mphuro. Amboni a milluku ddenndda tti oohoona ni oohidduwella ello, sika eneerowullihiwa muru.

Yesaya 47:3

Epwillimwinddaawo enaakhalle vaweella, oneerowulliwa muru wunchichi, kineerohokollosella ddoonanara, khaavo anaakihiihe.”

Yesaya 54:4

Ohoove kaambiiwa khewa yuunyaambusattho, ohitathille murima vawi khewa yuuvevullattho. Oneerotiwalla nnddo dduuwulliha muru va esombwaawo, owulliwa muru wa onaamukhwellaawo khowuupuwellattho.

Yeremiya 17:13

Nyu Apwiya, etiyerello ya Israele, attheene awuukhootani eneerowullihiwa muru. Attheene awuuhiyani eneerothiimihiwa wonanko manddina oolembiwa muthayani ekaamba yawaahiya Apwiya, neetuutu ookumi.

Yeremiya 6:15

Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.”

Ezekiele 16:61

Vano oneerekewuupuwella meetellwaawo akhalle. Oneerowulliwa muru voowaakhellani asinno, muullupallaawo ni mung'onong'onwaawo. Kineerewaarumiha wa weyaano wi ekhalle wonanko anaawo aatthiyana naari alliwaayo ehiri mu echipanganwaaka ni weyaano.’

Yowele 2:26

Muneerocha ddinchichi ni ovona, muneerotitimiha nnddina na Apwiya Mullukwaanyu eweerelleni ddoottikhiniha. Athwaaka khewa enyaambusiwattho.

Mariko 8:38

Muthu aawulliwaka muru ekaamba ya miyaano ni mawaaka wa athu a mbadoolla, ooraruwa ni oochimwa, vano mi, Mwaana a Muthu, kineerowulliwa muru ni olliye kaawaaka mu ntitimiho na Attiitthaaka ni angelo aweella.”

Luka 9:26

Muthu aawulliwaka muru ekaamba ya miyaano ni mawaaka vano mi Mwaana a Muthu kineerowulliwa muru ni olliye kaawaaka mu ntitimiho naka ni ntitimiho na Attiitthaaka ni angelo aweella.

Aroma 10:11

Mawu a Mulluku eni, “Oyo anamuroromella olliyooyo khawa awullihiwa muru.”