Genesis 2:2 - Mawu a Mulluku

² Va nllapo naneetthanu ni nimodda, Mulluku aamalliha mitteko ddaye ddittheddene aphareeye nave ahiithuuwa nllapo naneetthanu ni piilli.

Genesis 2:2 Iomraidhean Croise

Genesis 1:31

Mulluku aaweeha ddittheddene nnddo addiphatusalleeye nave ahoona wi ddaari ddaphaama wunchichi. Nave waakhalla misikuwa navettho waakhalla ohinase, nllapo naneetthanu ni nimodda.

Genesis 2:3

Mulluku aadalisa nllapo naneetthanu ni piilli, aaneelliha ekaamba yawi tti nllapo nno iithuuwalleeye amallihalle muttekwaaye muttheene woophatusa.

Eksodo 23:12

“Ophareke mutteko mallapo matthanu ni nimodda koma va nllapo naneetthanu ni piilli ohiphareke mutteko wi eng'ombe ddawo ddiithuuweke ni abulwaaweene nave wi masiva ehokollweelle mwa akaporwaawo ni alleto.

Eksodo 31:15

Muthu aphareke mitteko ddaye ddittheddene mallapo matthanu ni nimodda koma nllapo naneetthanu ni piilli tti na Sabata nawiithuuwa, nllapo noopatuleya na Apwiya. Arive muthu oophara mutteko va nllapo nenna iiphiwe.

Eksodo 31:17

Ella tti echizindikiro yoohimalla variyari va miyaano ni Aisraele vawi mi Apwiya kaaphatusa oddullu ni ellapo yavatthi wa mallapo matthanu ni nimodda nave kahiithuuwa nave masiva yaahokollweellamo va nllapo naneetthanu ni piilli.’ ”

Yesaya 58:13

Apwiya enallota wi, “Mwiivaanyiheke weera ddawuuddivellani, muhiphareke mitteko ddanyu nllapo na Sabata. Nllapo na Sabatanna mweereke ello yoohakallalliha nave nllapo naweella na Apwiya ello yooriiheya. Munivaheke olemu nllaponna vooheeteetani, voohipharani mitteko ddanyu navettho voohillotani miyaha ddoohikhalla ni mutteko.

Yohane 5:17

Koma Yesu awaakhulla wi, “Attiitthaaka ennaphara orive mutteko. Nave miyaanottho kinapaalleya wi kiphareke mutteko.”

Deuteronomo 5:14

Koma nllapo naneetthanu ni piilli tti na Apwiya Mullukwaawo, sika wi va nllapo nenna ohiphareke orive mutteko, weyaano, mwanawo aamullopwana, mwanawo aamutthiyana, mullupa muttekwaawo aamullopwana, mullupa muttekwaawo aamutthiyana, erive echiwetwaawo apaalle mulleto ookhalla ni weyaano. Sika allupa muttekwaawo aallopwana ni aatthiyaneene yiithuuweke wonanko weyaano.

Aheberi 4:10

Vawi wa ayo enaavollowe mu wiithuuwa nko Mulluku alonjezilleeye khalle eneerewiithuuwa emallihalle ophara mitteko ddiwa, othwarihella wi Mulluku ahiithuuwattho ohiya mitteko ddaye.

Aheberi 4:4

Vawi vamodda vene mu mawu a Mulluku ddoollotiwa dda nllapo naneetthanu ni piilli wi, “Mulluku ahiithuuwa va nllapo naneetthanu ni piilli amallihalle mitteko ddaye ddittheddene.”