Genesis 2:17 - Mawu a Mulluku

¹⁷ opatula ezipaso dda muteekho woodduwelliha ddaphaama ni ddoonanara kaambiiwa nllapo nno onaacheewe ezipaso dda muteekho yooyo, ddawoona, onimakhwa.”

Genesis 2:17 Iomraidhean Croise

Genesis 2:9

Apwiya Mulluku yaamellihamo miteekho ddooreera dda ezipaso ddooddiva. Variyari va emateeyo vaakhalla muteekho woovaha okumi vamoddattho ni muteekho woodduwelliha ddaphaama ni ddoonanara.

Genesis 20:7

Koma vano, omuvelleelle mutthiyanoolla wa mamune. Mullopwanooyo tti namallotella nave aneerewuuvekellella wi ohikhwe. Koma waahimuvelleella, ddawoona, kinimuuchenjezeraatu wi onimakhwa weyaano ni nibanja nawo nittheene.”

Genesis 3:11

Mulluku aamukoha wi, “Ethiyo uulleelle ttaani wi ori epwillimwinddive? Apaallethi woocha ezipaso dda muteekho olle kuulamulalleemi wi ohiche?”

Genesis 3:17

Vatulli viwattho Mulluku aallota ni mullopwanooyo wi, “Ekaamba yawi waamwiiwellella mwaariyo voochani muteekho kuulamulalleemi wi ohiche, ethaya eneerotembeleliwa ekaamba ya weyaano. Onaaphareke mutteko wanikhurumella enthawi ettheene ya okumaawo.

Genesis 3:19

“Onaaphareke mutteko wanikhurumella, ophiyera enthawi yoohokollweella othayani nko wavenyereewewo. Wavenyere othayani, oneerohokollweellattho othayani wenko.”

1 Mamwene 2:37

Va nllapo nno onaakhumeewemo ni ollapuwa ntapo na Kidroni, odduwelle moohikayikella wi oneerokhwa. Nave nikhame nawo ninaakhalle vamuru vawo.”

1 Mamwene 2:42

aamwiithaniha amukoha wi, “Ethiyo khewaallupenlle vamiitthoni va Apwiya wi va nllapo onaakhumeewe mu Yerusalemu oya waamodda oneerokhwa? Nave waallota wi, ‘Munalloteenyunndda tti ddaphaama, kineerewiiwellella.’

Yeremiya 26:8

Vano Yeremiya amallihalle ollota mawu mattheene Apwiya yamulamunliiwa wi aalleelle athu attheene, amodda mwa allupa mukutho, anamallotella ni athu yamphara nave emulleella wi, “Onaphwanella wiiphiwa.

Ezekiele 18:13

ookongoliha wi apindulevo ello apaalle waakhella yawoonjereravo. Ethiyo muthu awi ddiidda ttuukhalla ni okumi? Iyaayi, khakhalla ni okumi. Ekaamba yawi aheera ddoonanara ddittheddenenndda, aneerokhwa nave nikhame naye nineerokhalla vamuru vaye.”

Ezekiele 18:32

Nginahakallallana okhwa wa arive muthu. Sika vano rukunuwani murima wi mukhalle ni okumi. Mi Apwiya Mulluku koollota.”

Ezekiele 18:4

Okumi muttheene tti waaka. Okumi wa nikhollo tti waaka, wa mwaana tti waakattho. Muthu oyo achimwalle sika anaakhwe.

Ezekiele 33:14

Emoddamoddave yeeyo kamuchenjeza muthu oochimwa wi aneerokhwa, vano olliye ahiya ochimwanko aneera ddoolungama ni ddaphaama,

Ezekiele 33:8

Kamulleella muthu oonanara wi oneerokhwa nave weyaano waahimuchenjeza wi ahiye makhallellwaaye oonanara ddawoona, muthooyo aneerokhwa moollikana ni ochimwa waye koma nikhame ninaakhalle va muru vawo.

Numeri 26:65

Valle dda alliwaayo Apwiya yaallota wi, “Eneerokhwella muchipululuni.” Khaavo oyo ahallille variyari va alliwaayo omupatula Kalebe mwaana a Yefune ni Yoswa mwaana a Nuni.

Aroma 1:32

Naari edduwellaka wi malamulo a Mulluku enallota wi athu ookhalla mwawi ddiidda enaphwanella okhwa, enneerave ddenndda nave ennahakallalla athu amodda yaaweerakattho ddenndda.

Aroma 6:16

Ethiyo munnadduwella wi mwiivelleella wa muthu mmodda muneerokhalla akaporo oomwiiwellella, munakhalla akaporo a yooyo? Mwakhalla akaporo a machimo muneerokhwa koma mwakhalla akaporo a Mulluku muneerokhalla oolungama vamiitthoni vaye.

Aroma 6:23

Vawi mallivello a machimo tti okhwa. Koma emphaso ya Mulluku tti okumi woohimalla mu eyaattano ni Khrisitu Yesu Apwiihu.

Aroma 8:2

Vawi malamulo a Munepa Waweella, ayo enanivaha okumi mu eyaattano ni Khrisitu Yesu, yookittaphulla miyaano o malamulo a machimo ni okhwa.

1 Akorinto 15:22

Vawi athu attheene enakhwa ekaamba ya Adamu, emoddamoddave yeeyo attheene eneerovenyihiwa wa ookhwa ekaamba ya Khrisitu.

1 Akorinto 15:56

Murophi wa okhwa tti machimo nave machimo enakusa masiviiwa ovenyera omalamuloni.

Agalatiya 3:10

Ayo enakhulupilila wiiwellella malamulo tti ootembeleliwa. Vawi mawu a Mulluku enallota wi, “Muthu ahiniiwellella erive ello yoolembiwa mu nibukhu na malamulo tti ootembeleliwa!”

Aefeso 5:14

Vawi erive ello enuupullulliwa phaama ennakhalla mu owala. Ella sika ekaambiiwa onallotiwa wi, “Venya, mullupa ookona, nave venya wa ookhwa, nave Khrisitu aneerewuumolleella.”

Deuteronomo 27:26

“Atembeleliwe arive muthu oohaakhullella ni oohiiwellella malamulo mattheenaalla. “Nave athu attheene yaakhulle wi, ‘Amen!’ ”

Deuteronomo 30:15

“Ollello kohuuvahani mpata wi mutthoolle okumi ni ddaphaama apaalle okhwa ni ddoonanara.

Deuteronomo 30:19

Ollello kinuuvahani mpata wi mutthoolle okumi apaalle okhwa, madaliso apaalle matembelelo. Oddullu ni ellapo yavatthi sika ddinaakhalle amboni awuuvaanyihani. Sika tthoollani okumi,

Akolose 2:13

Enthawi yeeyo mwaari ookhwa m'munepani ekaamba ya machimwaanyu navettho kaambiiwa khamwaari athwaaye, oohikhalla ni malamulo. Koma Mulluku ahuuvenyihani wi mukhalle akumi ni Khrisitu vookhululukellani machimwaanyu mattheene.

1 Timoteo 5:6

Koma naamukhwelle oyo anahakallalliha minkhella dda yeekha, ookhwa khalle naari ari ni okumi.

Yakobo 1:15

Vano minkhella ddinakhalla wonanko ddinnakusa erukullu nave ddinnayara machimo. Nave machimwaayo yunnuwa, ennayara okhwa.

1 Yohane 5:16

Mwamoona mwanamunninyu apaalle murokorinyu eeraka machimo oohimukusella wookhwa, mumuvekelle wa Mulluku, sika wi amuvahe okumi. Alla tti yaayove machimwiiwa ehinaakusella wookhwa. Koma vookhalla machimo ookusella wookhwa nave nginallota wi mwavekelle wa Mulluku ekaamba ya yaayo.

Yawuupullulla 2:11

“Ngiiwani vano mwaarina maaru awiiwana ddinallota Munepa Waweella wa mipingo! Athu ayo enaapambane khevoreyiwa ni okhwa waneepiilli.

Yawuupullulla 20:14

Nave okhwa vamodda ni ellapo ya ookhwa ddaavokhelliwa mu enyanja ya munllo. (Enyanja ya munllweella sika okhwa waneepiilli.)

Yawuupullulla 20:6

Oodalisiwa ni aweella tti athu ayo enaavenyihiwena va ovenya wawaambanko wa ookhwa. Okhwa waneepiilli khowinnattho masiva va alliwaalla vawi enaakhalle allupa mukutho a Mulluku ni a Khrisitu nave eneerolamulella vamodda ni olliye wa miyakha 1,000.

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

Oweeruza 3:2

Apwiya yaheera ddenndda wi ehuddiheke orive mbado wa Aisraele dda owana ekhoto, ottepesesa ayo yahiyidduwelle ekhoto ovenyera khalle.

1 Samuele 14:39

Kinimallupella vamiitthoni va Apwiya, ayo enaavullusa Aisraele, oochimooyo naari akhalle mwanaka, iiphiwe.” Koma khaavo naari muthu mmodda amwaakhullalle.

1 Samuele 14:44

Saulo aallota wi, “Kinimallupella wi Mulluku akillake weyaano waahiiphiwa.”

1 Samuele 20:31

Ethiyo khonadduwella wi mwaana a Yese aahikhwa weyaano khokhalla mwene? Vano arume athu wi yamukuse eweena wuno wi iiphiwe.”

1 Samuele 22:16

Koma mwenoolle aallota wi, “We Ahimeleki ni attheene a munibanjani na attiittho, muneerokhwa attheene!”