Genesis 19:3 - Mawu a Mulluku

³ Loti ahaawatihera waaveka nave vatulli viwa alliwa yahaakhullella oya o enyumba ya Loti. Sika vano Loti ahaakhozella machellello nave aawaapeyella buledi oohikhalla ni yisiti navettho ahaakhozella yoocha yooddiva wunchichi, sika athwaayo yaacha.

Genesis 19:3 Iomraidhean Croise

Genesis 19:2

nave aallota wi, “Pepaani apwiyaaka, hankoni mwaphiye o enyumba ya kaporwaanyu, mwahuwe manyallo nave mwakone wenko. Ohinase wasa, muneerokhwaranya ni olendwaanyu.” Koma alliwa yahaakhulla wi, “Iyaayi, hiyaano ninaakone vaatte m'muzindani mwemmu.”

Genesis 21:8

Mwaanooyo ahunnuwa nave nllapo nawi ahiye waamwa, Abrahamu aapanga machellello.

Genesis 24:31

Nave aamulleella mulletooyo wi, “Hankoni wuno vawi nyuwaano tti muthu oyo Apwiya emudalisalliiwa. Kaambiiwa tini mwiimenlleenyu wuno? Miyaano kohuupotokosellani khalle nipuro mpa mwahu navettho nipuro nookonavo ekamira ddanyu.”

Genesis 26:30

Vano Isaki ahaakhozella machellello nave athwaayo yaacha ni owirya.

2 Mamwene 4:8

Nllapo nimodda Elisha aaya o Shunemu nko wakhalla mutthiyana mmodda eeyuuma. Mutthiyanooyo aamuwatihera Elisha wi ache yoocha onyumbani waye. Sika Elisha aavirellaka ettilla yeeyo, enthawi ddittheddene aanahapuwa onyumbaninko anacha yoocha.

Eksodo 12:15

Vano Apwiya yaallota wi, “Mumucheke buledi oohikhalla ni yisiti wa mallapo matthanu ni meelli. Va nllapo nawaamba mumuvenyiheke yisiti muttheene mu enyumba ddanyu vawi arive muthu oyo anaamuche buledi ookhalla ni yisiti va mallapo matthanu ni meellaalla aneerovenyihiwa variyari va Aisraele.

Eksodo 12:39

Yaamwaapeya buledi oohikhalla ni yisiti a othu wawoottowa khalle, oyo yakusalliiwa o Iguputo wulle. Othooyo khewaari ni yisiti kaambiiwa yahiikarihiwa mwawaakuva o Iguputo wulle. Sika kheyaarina enthawi yookhozella pooswiiwa a voolendoni.

Luka 11:8

Kinimuulleellani wi aahivenya awinnya buledi kaambiiwa tti mukhwaawo, aneerovenya ekaamba ya ntthitti nawo na ovekanko uuvaha ddittheddene onapaalleewe.

Luka 14:23

Nave apwinnyaalle yaamulleellattho mullupa muttekoolle wi, ‘Khawe omisewuni ni ettilla dda otte wa etawoneella nave waawatihere athu wi ewe ophiyera enyumbaakeella eddanlle.

Luka 5:29

Nave Levi aamukhozera Yesu machellello onyumbani waye. Nave wenko waakhalla mulloko muullupalli wa ookhomiha misonkho ni athu amodda ayottho yachille ni alliwaayo.

Yohane 12:2

Yaamukhozera yoocha wenko. Marita aarumeyella nave Lazaro aari mmodda a yaayo yachana vamodda ni Yesu.

1 Akorinto 5:8

Hankoni vano nihakallalle ni Paskaahu oohikhalla ni yisiti akhalle, yisiti a ddoonanara nave a machimo koma ni buledi oohikhalla ni yisiti, buledi a yaweella ni a yawoona.

2 Akorinto 5:14

Ninalamuliwa ni echikondi ya Khrisitu vawi ninnasimikiza wi muthu mmodda aakhwa ekaamba ya athu attheene, sika attheene yaakhwana.

Aheberi 13:2

Muupuwelleke owaakhella phaama alleto owaninyu. Vaweerani nndda amodda yaawaakhella angelo moohidduwella.

Oweeruza 6:19

Vano Gideoni aavollowa mpa mwaye, amwiipha musaanaapuri, amwaapeya buledi oohikhalla ni yisiti a othu woollemella makilogaramu khumi. Enameeyo aayihella munidenguni nave ephwaddiiwa aayihella mwiipallini, awaana ddittheddene nnddo addivelleella wa olliye vatthi va muteekho wa muthundoolle.

1 Samuele 28:24

Mutthiyanoolle aakhalla ni musaanaang'ombe ooneneva nave aamwiipha mwawaakuva. Aakusa othu oottowa amwaapeya buledi oohikhalla ni yisiti.