Genesis 19:25 - Mawu a Mulluku

²⁵ Sika yahoononga mizinda ddenndda ni ntapo nittheene ni athu attheene a m'mizindanimmo, opwesereravo ddoomella ddittheddene dda ellapo yeeyo.

Genesis 19:25 Iomraidhean Croise

Genesis 13:10

Vano Loti awehillewehille, ahoona wi ntapo nittheene na muhinje wa Yordani ophiyera o Zowari naakhalla ni maaddi manchichi. Ntaponno naari wonanko Edeni, emata ya Apwiya apaallettho wonanko ellapo ya Iguputo. Enthawi yeeyo Apwiya yaari ehinoononge mizinda dda Sodomu ni Gomora.

Genesis 13:12

Abramu aakhalla mu ellapo ya Kanani koma Loti aakeraattheya variyari va mizinda dda ntapo, atthipella musasaaye vakhuviru ni muzinda wa Sodomu.

Genesis 14:3

Mamwene matthanwaalla yahiiwanana ni akhotwiiwa mu ntapo na Sidimu, (o Enyanja Yookhwa).

Masalimo 107:34

Yaayitthattusa ethaya yaphaama ekhalla yooguga ekaamba ya onanara wa athu ookhalla mwemmo.

Yesaya 13:19

Omwene wa Babiloni wookhalla ni eyuuma okhwaranya moomwene mattheene nave athwiiwa ennawukotella. Koma kineerowoononga muzinda wa Babiloni wonanko mmo kamoonongelleemi Sodomu ni Gomora.

Yeremiya 20:16

Muthu yooyo akhalle wonanko mizinda nndde Apwiya yoonongilliiwa moohimoriwa ethakaraka. Iiwe winlla wa ovoreya ohinase, onyakulla wa akhoto otthaana

Yeremiya 23:14

Variyari va anamallotella o Yerusalemu kohoona ello yawoopihesesa, ennararuwa ni woottha. Navettho enaallipiha mirima athu oochimwa, wi ahikhallevo oohiya weera ddoonanara ddaye. Wa miyaano attheenaayo tti wonanko athu a o Sodomu ni Gomora.

Yeremiya 49:18

Wonanko mmo woonongeyelle muzinda wa Sodomu ni wa Gomora ni mizi dda vakhuviru, emoddamoddave yeeyo khohalla naari muthu mmodda wenko. Khaavo naari mmodda anaaphwanyeye wenko.

Yeremiya 50:40

Wonanko mmo woonongeyelle muzinda wa Sodomu ni wa Gomora ni mizi dda vakhuviru, emoddamoddave yeeyo khohalla naari muthu mmodda wenko. Khaavo naari mmodda anaaphwanyeye wenko.

Maliro 4:6

Ollakiwa wa mwaana aamutthiyana, athwaaka tti wuullupalli okhwaranya oollakiwa wa Sodomu oyo allakiwe moorurumusa oohikhallavo awaakavihera.

Ezekiele 16:50

Aaniitukhulla wunchichi aneera ddoonanara vamiitthoni vaka. Sika ekaambiiwa kawoonongilleemi koonille.

Amosi 4:11

“Kaawoononga amodda a nyuwaano wonanko mmo koonongelleemi Sodomu ni Gomora. Amodda mwavulluwalle mwaari wonanko ekhuni ddoothumulliwa viikho komave khamwaahokollweelle wa miyaano. Mi Apwiya koollota.”

Zefaniya 2:9

Sika ekaambiiwa mi Apwiya Amasiva Mattheene kinallupelleemi wi, ‘Kinimallupella vamiitthoni vaka, miyaano Mulluku Ookumi a Israele, Mowabu aneerewoonongiwa wonanko Sodomu, Amoni aneerewoonongiwa wonanko Gomora. Nipuronno ninaakhalle wonanko mapuro oomella miiwa nlliti namwiinyu, ellapo yeechipululu wa enthawi yoohimalla. Athwaaka oohalla eneerewaakha mapuro oovulluwa eneerewaakhella wi ekhalle yoohallaniiwa.’ ”

Deuteronomo 29:23

Emata ddanyu ddineerotthulluwa, ddinaaddalle sulufure ni mwiinyu nave khemumella erive ello naari manasi. Ellapwaanyu enaakhalle wonanko mizinda dda o Sodomu ni Gomora navettho dda o Adima ni Zeboimu nnddo Apwiya yaddoonongilliiwa va enthawi elle yashilliiwa murima wunchichi.

2 Petro 2:6

Mulluku aallaka mizinda dda Sodomu ni Gomora, voowoonongani ni munllo nave aheera ddennddo wi aachenjeze athu oohimullapella Mulluku dda nnddo ddinaaweereye.