Genesis 19:16 - Mawu a Mulluku

¹⁶ Koma Loti aanakayikellave, sika Apwiya yaamweerella echifundo. Mwawi ddiiddo athwaayo yaamukusa Loti, mwaariye ni anaaye eellaalle mwawaaphareella muwono, yaakhumihella otte wa muzindooyo.

Genesis 19:16 Iomraidhean Croise

Genesis 19:15

Ohinase, angelwaalle yaheeseesa omwaakuvihiha Loti nuumulleella wi, “Akuva! Omukuse mwaariyo ni anaawo aatthiyana eelli, mukhume oya otte wa muzinda wi muhoonongeye voollakiwani muzindoolla.”

Genesis 43:10

Nahikokowilleke ddaano neetille ettilla piilli ophiyera vano.”

1 Epilli 16:34

Athokozeni Apwiya vawi tti aphaama, echikondiiwa yoohisintheya tti ya enthawi yoohimalla!

Masalimo 103:13

Mmo nikhollo nineerelliiwa echifundo wa anaaye, tti mmo Apwiya eneerelliiwa wa oowoova,

Masalimo 106:1

Aleluya! Athokozeni Apwiya vawi tti aphaama, echikondiiwa yoohisintheya tti ya enthawi yoohimalla.

Masalimo 106:8

Koma ahaavullusa ekaamba ya nnddina naye wi oonihe masivaaye muullupalli.

Masalimo 107:1

Athokozeni Apwiya kaambiiwa tti aphaama, vawi echikondiiwa yoohisintheya tti ya enthawi yoohimalla.

Masalimo 111:4

Ennanuupusa ddoottikhiniha ddiwa, Apwiya tti ooreera murima ni eechifundo.

Masalimo 118:1

Athokozeni Apwiya kaambiiwa tti aphaama, echikondiiwa yoohisintheya tti ya enthawi yoohimalla.

Masalimo 119:60

Kinnaakuva wunchichi, nginaselliwa othwara malamulwaanyu.

Masalimo 136:1

Athokozeni Apwiya vawi tti aphaama, echikondiiwa yoohisintheya tti ya enthawi yoohimalla.

Masalimo 32:10

Muthu oonanara annakumana ni ddookhoma ddinchichi, koma muthu awaaroromella Apwiya annaapheelliwa ni echikondi yoohisintheya.

Masalimo 33:18

Apwiya ennaawehera athu oowiiwellella, ootiyera echikondiiwa yoohisintheya,

Masalimo 33:19

wi yaavulluse wuukhwaani, yaasungelle okumi va enthawi ya ettalla.

Masalimo 34:12

Ttaani mwa nyuwaano anapaalla okumi, anaashaasha okhalla mallapo manchichi wi ahakallalle ni ddeko ddaphaama?

Masalimo 86:15

Koma nyu Apwiya, tti Mulluku eechifundo, Mulluku ooreera murima, oohaakuva osha murima, ooddalla ni echikondi yoohisintheya ni oororomelleya wunchichi.

Masalimo 86:5

Nyu Apwiya tti aphaama ni ookhululukella, echikondaanyu yoohisintheya tti yuullupalli wa attheene ayo enawiithanani.

Eksodo 34:6

Apwiya yaavira vakhuviru ni Mose ekhuwaka wi, “Apwiya, Apwiya Mulluku eechifundo ni ooreera murima, oohisha murima mwawaakuva, ooddalla ni echikondi yoohisintheya ni oororomelleya.

Eksodo 34:7

Alliwa tti eechikondi wa mibado ddooheerengeya nave tti ookhululukella ddoolakwa, ddoonanara ni machimo. Koma tti oohihiyerera oochimwa nave ennaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese.”

Yesaya 63:9

Mu ddoohoosa ddiwa ddittheddene alliwa aahoowa. Mungelo oovenyera wa alliwa ahaavullusa nave aawoopolla mwa echikondiiwa ni echifundwiiwa. Sika Apwiya ennaapwatha wonanko anamwani ovenyera khalle.

Maliro 3:22

Echikondi yoohisintheya ya Apwiya khewa emalla, echifundwiiwattho khenamalla.

Numeri 14:18

‘Apwiya tti oohisha murima mwawaakuva, tti ooddalla ni echikondi yoohisintheya nave tti ookhululukella ddoonanara ni machimo. Komave khenaakhullella wi oochimwa ahillakiwe. Koma tti oohihiyerera oochimwa nave ennaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese.’

Luka 18:13

“Koma ookhomiha musonkhoolle ahiimella voorekamella naari khaatukhunlle ekhovaaye oweha oddullu koma aamoona odduukutha vakhakaddani vaye allotaka wi, ‘Mulluku mukeerelle echifundo, miyaano muthu oochimwa!’ ”

Yohane 6:44

Khaavo muthu anawora owa wa miyaano, Attiitthaaka, ayo yakirumalle miyaano, yaahimuhoollella wa miyaano. Nave va nllapo noomallihella kineeromuvenyiha wa ookhwa.

Aroma 9:18

Sika vano Mulluku annamweerella echifundo arive muthu anapaalleeye omweerella. Nave annamuumiha murima arive muthu anapaalleeye omummiha.

2 Akorinto 1:3

Hankoni nimutitimihe Mulluku Attiitthiiwa a Apwiihu Yesu Khrisitu, Attiitthiihu a ethakaraka, Mulluku ookhurumusa murima wunchichi!

Deuteronomo 4:31

Vallethi Apwiya Mullukwaanyu tti Mulluku eechifundo sika wi kheyuutathillani apaalle owoonongani apaallettho otiwalla echipangano ya makhollwaanyu eyo allupenlleeye ni alliwa.

Deuteronomo 5:15

Nave wuupuwelleke wi waari kaporo o Iguputo ni wi Apwiya Mullukwaawo yahuukhumihawo ni muwono wa masiva muullupalli. Ella sika ekaambiiwa Apwiya Mullukwaawo yuulamulelliiwa wi osungeke nllapo na Sabata.

Deuteronomo 6:21

Vano nyuwaano mwaalleelleke wi, ‘Hiyaano naari akaporo a Farao o Iguputo koma Apwiya yaanivullusa ni muwonwiiwa wamasiviiwa muullupalli.

Deuteronomo 7:8

Koma tti ekaamba yawi Apwiya yahuukondani nave ennasunga lonjezo yallupenlliiwa ni makhollwaanyu. Sika yaawoopollani ni masiviiwa muullupalli vawuukhumihani mu okaporo wa Farao, mwene a o Iguputo.

Tito 3:5

aanivullusa ohiri ekaamba ya echilungamwaahu koma ekaamba ya echifundwaaye. Aanivullusa hiyaano oweella mwa obadiziwa wa oyariwa wanaanweene nave aanitthattusa anaanweene oyeella mwa Munepa Waweella.

Yoswa 6:22

Yoswa ahaalleella athu eelli yazondille ellapwaalle wi, “Khaweni o enyumba ya mutthiyana ooraruwoolle nave olliye ni attheene a munibanjani naye muweena wuno moollikana ni mmo mwallupellelleenyu.”

2 Petro 2:7

Koma aamuvullusa Loti, muthu oolungama, oyo ahoosiwe m'murimani ni makhallello oonanara a athu oohithwara malamulo.

2 Petro 2:9

Vano Apwiya ennadduwella waavullusa athwiiwa a Mulluku o ddoohoosa ddiwa navettho ennaadduwella waasunga athu oonanara ophiyera nllapo na echiweruzo wi yaallake.