Genesis 19:14 - Mawu a Mulluku

¹⁴ Enthawi yeeyo Loti aaya wa asombwe ayo yapaalla waatthella anaaye aalleella wi, “Akuvani, hankoni nikhumewo wuno, ekaamba yawi vihanlle enthawi vang'ono wi Apwiya yoononge nipuronna.” Koma alliwaayo yaganiza wi aamasellulla.

Genesis 19:14 Iomraidhean Croise

Genesis 19:15

Ohinase, angelwaalle yaheeseesa omwaakuvihiha Loti nuumulleella wi, “Akuva! Omukuse mwaariyo ni anaawo aatthiyana eelli, mukhume oya otte wa muzinda wi muhoonongeye voollakiwani muzindoolla.”

Genesis 19:17

Yaakhumihelle otte wa muzindooyo, mmodda mwa angelwaayo aallota wi, “Thamakani, muvulluse okumaanyu. Muhiwehe mutulli nave muhiimelle muntaponimmo. Thawellani omiyaangoni wi muhiiphiwe.”

Genesis 19:22

Thamaka mwawaakuva! Ngeera erive ello ophiyera weyaano ophiyalle wenko.” Sika Loti aathamaka aphiya o mwanamuzindoolle. Ekaamba ya yeella mwanamuzindooyo onaromolliwa Zowari.

2 Epilli 30:10

Vano amithenga yaheeta muzinda ni muzinda mu ellapo ya Efuremu ni Manase ophiyera yaaphiya o Zebuloni koma athu yahaattheya mowaanyemulla ni mooruwana.

2 Epilli 36:16

Koma athwaayo yaanaavevullave amithenga a Mulluku ni mawaaye nave yaanaattheya anamallotellaaye ophiyera Apwiya yahaashella murima nave khaarivo oowaakihera.

Eksodo 12:31

Mahiiyu yaayo Farao aamwiithana Mose ni Aroni nave ahaalamula wi, “Nyu ni Aisraele attheene, khumani mwawaakuva. Ahiyeni athwaaka, khaweni mwaallapelle Apwiya moollikana ni mmo mwallotilleenyu.

Eksodo 9:21

Koma enduna ddimodda kheddaapwathille mawu a Apwiya nave yaarimoona waahiya akaporwiiwa vaatte ni eziweto ddiwa ddene.

Miyambo 29:1

Awummiha nikohi ahumullulliwe aneerewoonongeya moorurumusa kheyiivo enaamuchirihe.

Yesaya 28:22

“Vano muhivevulle mawu yaalla vawi mweera ddiiddo, onyolwaanyu oneerewuttiinani mwawoopiha. Apwiya Mulluku Amasiva Mattheene, yaakilleella wi yoosimikiza woononga ellapo yavatthi ettheene.”

Yeremiya 20:7

Nyu Apwiya, mookilleka, ddawoona, kaallekeya. Nyu tti amasiva okikhwaranya miyaano, ddawoona, mookigonjiha. Arive muthu animakittheya nllapo nittheene, arive muthu animakivevulla moohihiyerera.

Yeremiya 43:1

Yeremiya amallihalle waalleella athu ddittheddene Apwiya Mullukwiiwa yamurummiiwa wi aalleelle,

Yeremiya 43:2

Azariya mwaana a Hoshaya, Yohanani mwaana a Kareya navettho athu attheene awiitukhulla, yaamulleella Yeremiya wi, “We onimoottha. Apwiya Mullukwaahu kheyuurumalle wi ollote wi, ‘Muhiyeewo o Iguputo.’

Yeremiya 51:6

Arive muthu mwa nyuwaano athawe, avenyewo o Babiloni wi avulluse okumaaye. Muhiiphiwena nimodda aallakiwaka. Nna sika nllapo nno Apwiya enaallakiiwa ni waahokollosella ddoonanara wunchichi.

Ezekiele 20:49

Vano kaallota wi, “Apwiya Mulluku, athu ennakillotathi wi, ‘Olla tti yoolle anallotesa maphwanaphwaniho!’ ”

Numeri 16:21

“Venyanivoni variyari va mulloko wa athwaalla wi kiwoononge attheene naanweene vaava.”

Numeri 16:26

Mose ahaalleella athu a m'mullokonimmo wi, “Pepaani venyanivoni va misasa dda athu oonanaraalla nave muhinattannya erive ellwiiwa wi muhiiphelliwe nimodda ekaamba ya machimwiiwa.”

Numeri 16:45

“Venyanivoni variyari va mulloko wa athwaalla wi kiwoononge attheene naanweene vaava.” Eellaayo yaamora ekhove ddiwa.

Mateyu 1:18

Oyariwa wa Yesu Khrisitu waari wawi amennya, Mariya, yaatomeliwa ni Yosefe koma ehinatthellane, Mariyooyo aaphwanyeya ari ni erukullu mwamasiva a Munepa Waweella.

Mateyu 9:24

aallota wi, “Khumani, attheene! Namwalloolla khakhwille koma animakona!” Vano attheene yaamuttheya mweepewe.

Luka 24:11

Koma amurummwaayo kheyaapharihalle mutteko mawaalla nave kheyaakhulupililalle atthiyanaayo.

Luka 9:42

Nave mwaanooyo aweeye, munepa woonanarooyo waamukuha vatthi omukomolla. Vano Yesu aasimwella munepa woonanarooyo, amuchiriha mwaanooyo nave aamuvelleella wa attiitthinnya.

Mitteko 17:32

Yamwiiwalliiwa Paulo allotaka dda ovenya wa ookhwa, amodda yaamuttheya koma amodda yaallota wi, “Ninapaalla wi muwe wi munilleellettho dda ddenndda.”

1 Atesalonika 5:3

Athu yaallotaka wi, “Vookhalla murendelle navettho nookhalla vaphaama,” vano yawoononga eneerewaamorella moorurumusa! Enaaphiye moorurumusa wonanko ovoreya onamphiyera mutthiyana aamuyaraka mwaana nave athu khewora othawa.