Genesis 19:12 - Mawu a Mulluku

¹² Allopwana eellaayo yaamukoha Loti wi, “Ethiyo ookhallavottho mmodda ari ni weyaano wuno? Akuse anaawo aallopwana, anaawo aatthiyana, akamwenaawo ni arive mbalaawo oyo ari m'muzindanimmu nave mukhume

Genesis 19:12 Iomraidhean Croise

Genesis 19:11

Vatulli viwa yahaallaka ni ohoona allopwana attheene ayo yiimellille vaattemvo, asombwe ni awuulluvalleene vawi kheyaaworillettho woona mullako.

Genesis 19:13

kaambiiwa hiyaano ninapaalla noononge nipuronna. Apwiya ahoona mullatu oyo athu ookhalla m'muzindanimmu eneeriiwa nave noorumiwa wi noononge muzindoolla.”

Genesis 19:14

Enthawi yeeyo Loti aaya wa asombwe ayo yapaalla waatthella anaaye aalleella wi, “Akuvani, hankoni nikhumewo wuno, ekaamba yawi vihanlle enthawi vang'ono wi Apwiya yoononge nipuronna.” Koma alliwaayo yaganiza wi aamasellulla.

Genesis 19:17

Yaakhumihelle otte wa muzindooyo, mmodda mwa angelwaayo aallota wi, “Thamakani, muvulluse okumaanyu. Muhiwehe mutulli nave muhiimelle muntaponimmo. Thawellani omiyaangoni wi muhiiphiwe.”

Genesis 19:22

Thamaka mwawaakuva! Ngeera erive ello ophiyera weyaano ophiyalle wenko.” Sika Loti aathamaka aphiya o mwanamuzindoolle. Ekaamba ya yeella mwanamuzindooyo onaromolliwa Zowari.

Genesis 7:1

Apwiya yaamulleella Nowa wi, “Vollowa muchomboni weyaano ni nibanja nawo. Kohoona tti weekhave oolungama variyari va athu attheene a mbadoolla.

Yeremiya 32:39

Kineerewaavaha murima mmodda ni meetello mamodda wi ekooveke enthawi ddittheddene. Sika alliwa ni aniiwa ddeko ddineerekoweetella phaama.

Yeremiya 51:45

Nyu athwaaka, khumanimoni mu Babiloni! Vullusani okumaanyu o osha murima wawoopiha wa Apwiya!

Numeri 16:26

Mose ahaalleella athu a m'mullokonimmo wi, “Pepaani venyanivoni va misasa dda athu oonanaraalla nave muhinattannya erive ellwiiwa wi muhiiphelliwe nimodda ekaamba ya machimwiiwa.”

2 Petro 2:7

Koma aamuvullusa Loti, muthu oolungama, oyo ahoosiwe m'murimani ni makhallello oonanara a athu oohithwara malamulo.

2 Petro 2:9

Vano Apwiya ennadduwella waavullusa athwiiwa a Mulluku o ddoohoosa ddiwa navettho ennaadduwella waasunga athu oonanara ophiyera nllapo na echiweruzo wi yaallake.

Yawuupullulla 18:4

Nave kahiiwattho mawu amodda oovenyera oddullu ellotaka wi, “Khumaniwo athwaaka, wa olliyooyo! Khamunaphwanella wi mweerekena machimwaayaayo, khamunaphwanella wi mukawanena ollakiwa wayenko!