Genesis 18:3 - Mawu a Mulluku

³ allota wi, “Apwiyaaka, mwaarimi mukeerenlle echifundo wunchichi, pepaani muhikhwaranye vaatte va oorumeyellaanyu.

Genesis 18:3 Iomraidhean Croise

Genesis 18:2

Moohitiyerella ello aawoona athu araru yiimellille vakhuviru ni olliye. Awoonille, aatimulla mwawaakuva wi aallochelle. Aakokhora vatthi,

Genesis 18:4

Asimaaddi vang'ono ewe wi muhuwe manyallo. Mweereke mwiithuuwaka vamuteekhonimva.

Genesis 24:31

Nave aamulleella mulletooyo wi, “Hankoni wuno vawi nyuwaano tti muthu oyo Apwiya emudalisalliiwa. Kaambiiwa tini mwiimenlleenyu wuno? Miyaano kohuupotokosellani khalle nipuro mpa mwahu navettho nipuro nookonavo ekamira ddanyu.”

Genesis 32:5

Kookhallana ni eng'ombe, abulu, enkhosa ni epuri navettho akaporo aatthiyana ni aallopwana. Kinarumiha mawaalla wa nyuwaano apwiyaaka wi mukeerelle echifundo vookoonani miyaano.”

Genesis 39:4

Sika Potifara aahakallalla ni Yosefe. Nave aamutthattusa kaporwaaye navettho oowehera ddittheddene dda mpammo.

Oweeruza 6:18

Muhinavenyavo vaava ophiyera kiwiillena yoovelleella vamiitthoni vanyu.” Apwiya yaallota wi, “Kineerewuutiyera ophiyera owiillena.”

Oweeruza 6:19

Vano Gideoni aavollowa mpa mwaye, amwiipha musaanaapuri, amwaapeya buledi oohikhalla ni yisiti a othu woollemella makilogaramu khumi. Enameeyo aayihella munidenguni nave ephwaddiiwa aayihella mwiipallini, awaana ddittheddene nnddo addivelleella wa olliye vatthi va muteekho wa muthundoolle.

Oweeruza 6:20

Mungelo a Mullukooyo aamulleella wi, “Kusa enameella ni buledoolla ohiye vanllukunimvo nave wiithelle ephwaddi vaddullu viwa.” Gideoni aheera ddiiddo.