Genesis 18:21 - Mawu a Mulluku

²¹ Mwawi ddiiddo kinapaalla kikitthellewo wi koone dda mullatu oyo kiiwalleemi waarimi ori wawoona.”

Genesis 18:21 Iomraidhean Croise

Genesis 11:5

Vano Apwiya yaakittha wi yoone muzindooyo ni nttattha yamaka athwaayo.

Genesis 11:7

Hankoni nikitthelle wenko wi navirikanihe ellotellwiiwa wi ehiiwananeke.”

Genesis 18:17

Nave Apwiya yaallota weekhiiwa wi, “Abrahamoolla ngimukhuwella eyo kinapaalleemi weera.

Genesis 6:12

Mulluku awehille ellapo yavatthi ahoona wi tti yoonanara, ekaamba yawi athu attheene yaari oonanara wunchichi.

Yobu 34:22

Khawuri mahiiyu apaalle epiphi yoottikana nko enaaworiiwa wiipitthawo aweera ddoonanara.

Masalimo 14:2

Apwiya oddullu aawarama, enaaweha athu vatthimva wi yoone aarimi arivo eezeru, oomwaashaasha Mulluku.

Masalimo 90:8

Moohiya machimwaahu vamiitthoni vanyu, ddoonanara ddahu ddoovittheya mooddoonihella vaweella.

Eksodo 3:8

Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi.

Eksodo 33:5

Sika Apwiya yaari emulleellille Mose wi, “Alleelle Aisraelaayo wi, ‘Nyu tti athu awumma murima. Kathaananilleke ni nyuwaano naari va enthawi yooyeva, ddaano kiwoonongilleni attheene. Vano rullani ddawiireerihana ddanyu nave kineerewoona yawi kiweereni.’ ”

Yeremiya 17:1

Apwiya enallota wi, “Machimo a Yuda elembiwe ni yoolembella yamukoko, ya etthoka yanlluku na daimondi va mirimani ddiwa ni va makuwiiwa.

Yeremiya 17:10

Mi Apwiya kinnawumolleella murima nave kinnaweesa maganizo wi kimweerelle arive muthu moollikana ni ettilla ddaye moophwanellella ni mitteko ddaye.”

Yona 1:2

“Khawe o Nineve, o muzinda muullupalloolle. Waahumullulle moollipa vawi miyaano kinnadduwella onanara murima wa athu a m'muzindammo.”

Mika 1:3

Ngoonani, Apwiya enimawa ovenyera o nipuro niwa, enakittha vatthi eneeta va mapuro aweellesesa a va ellapo yavatthi.

Zefaniya 1:12

Va enthawi yeeyo kineerewaashaasha mu Yerusalemu ni enyali, kineerewaallaka athu awi moona okeraatthi wonanko vinyo ookeraattheya ayo m'murimani mwiwa enallota wi, ‘Apwiya kheneera yaphaama apaalle yoonanara.’

Luka 16:15

Koma Yesu aallota wi, “Nyu munaddooniha nyookha wonanko athu oolungama vamiitthoni va athu koma Mulluku annadduwella murimaanyu. Vawi ddeko ddinooneya ddoopaalleya wunchichi vamiitthoni va athu khe ello vamiitthoni va Mulluku.

Yohane 6:38

Vawi ngaakitthalle ovenyera oddullu wi keere opaalla waka koma wi keere opaalla wa oyo aakirumalle miyaano.

2 Akorinto 11:11

Ethiyo kinallota ddiidda kaambiiwa nginuukondani? Mulluku annadduwella wi kinnuukondani.

Deuteronomo 13:3

nyuwaano muhiiwellelle ddennddo vawi Apwiya Mullukwaanyu enapaalla eweeseni wi yoone mwaarimi mwaakondaka ni okumaanyu muttheene.

Deuteronomo 8:2

Upuwellani mmo Apwiya Mullukwaanyu yuuhoollelliiwani muchipululuni va olendo wa miyakha ddittheddene 40 ddivirallenndda. Yahuukhumullani ni oweesani wi edduwelle nnddo ddaari m'murimani mwanyu nave wi yoone khaya muneerewiiwellella malamulwiiwa apaalle iyaayi.

1 Atesalonika 4:16

Vineerokhalla okhuwa ni mawu a muullupalli a angelo, owaaka mawu a nipallapata na Mulluku nave Apwiya weekhiiwa eneerokittha ovenyera oddullu. Nave ayo yakhwille emukhulupililaka Yesu eneerovenya mwawaambeellella.

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

Yoswa 22:22

“Mulluku Amasiva Mattheene tti Apwiya. Mulluku Amasiva Mattheene tti Apwiya. Annadduwella nave Aisraele eneerodduwella naarimi naavaanyihaka apaalle naachimwellaka Apwiya