Genesis 18:14 - Mawu a Mulluku

¹⁴ Ethiyo yookhallavo ello yoolepheleya weeriwa ni Apwiya? Sika va enthawiine, kineereweera nndda kilonjezilleemi nave Sara aneeromuyara mwaana aamullopwana.”

Genesis 18:14 Iomraidhean Croise

Genesis 17:16

Olliyoolla kineeromudalisa nave kineerewuuvaha mwaana aamullopwana oweella mwa olliye. Kineeromudalisa nave anaakhalle moowe a mitundu ddittheddene dda athu. Variyari va edduullu ddayennddo vineerokhuma mamwene.”

Genesis 17:21

Koma kinaakeraatthihe echipanganwaaka ni mwanawo Isaki oyo anaayariwe mwa Sara mu enthawi wonanko yeella muyakha woosiisello.”

Genesis 18:10

Mmodda a athwaayo aari Apwiya nave aallota wi, “Kinimalonjeza wi vamalla miyeri mitthanu ni misese kineerohokollowattho nave mwaariyo aneeromuyara mwaana aamullopwana.” Nave Sara ahiiwa vawi akeraatthille otulli wa Abrahamu, va mullako wa musasa.

Genesis 18:13

Vano Apwiya yaamukoha Abrahamu wi, “Kaambiiwa tini Sara attheyeeye voollotani wi, ‘Ethiyo mi kuulluvallelleemimmu ttuumuyara mwaana?’

Genesis 18:15

Ekaamba ya woova, Sara aaruna wi, “Ngaattheyille.” Koma Apwiya yaallota wi, “Ee, waattheya.”

Genesis 21:1

Apwiya yaamuupuwella Sara voomweerellani nnddo yamulonjezilliiwa.

Genesis 21:2

Sika Sara aakusa erukullu, amuyarella Abrahamu mwaana aamullopwana Abrahamooyo uulluvallille. Mwaanooyo ayariwe moollikana ni enthawi eyo Mulluku aromonlleeye.

2 Mamwene 4:16

Vano Elisha aamulleella mutthiyanoolle wi, “Va enthawi wonanko yeella muyakha woosiisello, munaakhalle mumuupaare mwaana aamullopwana m'mattani mwanyu.” Koma mutthiyanooyo allota wi, “Pepaani apwiya, nyu tti muthu a Mulluku, muhikilleke mi kaporwaanyu.”

Yobu 36:5

Mulluku tti amasiva koma khanamuvevulla muthu, ekaamba yawi annadduwella erive ello.

Yobu 42:2

“Kinnadduwella wi munnawora weera erive ello, kheyiivo yookukureyiha yoopaallaanyu.

Masalimo 90:13

Nyu Apwiya, hokollweellani wa hiyaano, munaananariwe ophiyera niini? Amorelleni ethakaraka oorumeyellaanyu.

Masalimo 93:1

Apwiya sika mwene, alliwa aawara ntitimiho, aamakella masiva wonanko laamba. Yaakeraatthiha ellapo yavatthi, khewa etikheya.

Masalimo 95:3

Vawi Apwiya sika Mulluku muullupalli, tti mwene muullupalli, ookhwaranya milluku ddittheddene.

Yesaya 50:2

Ethiyo kaambiiwa tini kawiilleemi koma oohimphwanya muthu apaalle kiithanilleemi koma oohaakhulliwa? Ethiyo muwonwaaka tti wookhuveya wi khowora woopolla apaalle nginna masiva oovullusella? Ngoona ni ohumullulla wakeve kinnummiha enyanja, mihinje ddinnatthattuwa echipululu. Ekaamba yoorama maaddi, ehomba ddinnunkha ni okhwa ni nthona.

Yeremiya 32:17

“Ha! Nyu Apwiya Mulluku! Nyu sika mwaphatusalle ellapo yavatthi ni eddullu ni masivaayu muullupalli ni muwonwaanyu weekophollo nave kheyiivo muhinaworeenyu weera.

Yeremiya 32:27

“Mi tti Apwiya Mulluku a athu attheene. Ethiyo yookhallavo yoohiworeya ni mi?

Daniele 6:20

Aatamenlle nlliti mwene ahiithana mweethakaraka wi, “We Daniele, oorumeyella a Mulluku Ookumi! Ethiyo Mullukwaawo onamurumeyelleewe moororomelleya enthawi ettheene oowora wuuvullusa o mikango?”

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Zekariya 8:6

Apwiya Amasiva Mattheene enallota wi, “Naari ddooneyaka wonanko ddoohiworeya wa athu a ellapo yeella ayo ehanlle, ethiyo ddenndda ttuukhalla ddoohiworeya ni miyaano?

Numeri 11:23

Apwiya yaamukoha Mose wi, “Ethiyo muwono wa Apwiya tti wookhuveya? Vano oneerewoona naanweene vaava ddeko nnddo killotilleemi ddeereyaka apaalle iyaayi.”

Mateyu 14:31

Enthawi yeeyo Yesu ahookolla nnatta naye amuphara amulleella wi, “We muthu eechikhulupililo yooyeva! Kaambiiwa tini wakayikeewe?”

Mateyu 19:26

Yesu ahaawehesesa allota wi, “Ddenndda tti ddoohiworeya ni athu koma ddittheddene ddinaworeya ni Mulluku.”

Mateyu 3:9

Nave muhinallotaka weekhiinyu wi, ‘Abrahamu sika nikhollo nahu.’ Kinimuulleellani wi Mulluku ttuuwora otthattusa mallukwaalla okhalla edduullu dda Abrahamu.

Mariko 10:27

Yesu ahaawehesesa aakhulla wi, “Ddenndda tti ddoohiworeya ni athu koma ddinaworeya ni Mulluku kaambiiwa ddittheddene ddinaworeya ni Mulluku.”

Luka 1:13

Koma mungelooyo aallota wi, “Zakariya, ohoove! Mulluku ohiiwa nivekello nawo sika mwaariyo, Elizabeti, aneerewuuyarella mwaana aamullopwana nave oneeromuvaha nnddina nawi Yohane.

Luka 1:18

Zakariya aallota wa mungelooyo wi, “Kinaadduwelle mwawiidde wi yeella tti yawoona? Mi kohuulluvalla nave mwaaraka nayeenettho ohuulluvalla.”

Luka 1:37

Vawi kheyiivo ello enaalepheliwe ni Mulluku.”

Luka 8:50

Koma Yesu ahiiwa nave aamulleella Yairo wi, “Ohoove koma weeremoona okhulupilila nave aneerochirihiwa.”

Aroma 4:21

Aasimikiza wi Mulluku ttuuwora weera eyo alonjezilleeye.

Aefeso 3:20

Vano wa oyo anaphara mutteko mwa hiyaano mwa masivaaye, oyo anawora weera wunchichi ohiyana ni ninavekeehu apaalle ninaganizeehu,

Deuteronomo 30:3

Sika Apwiya Mullukwaanyu eneerewuuhokollosellani ddaphaama ni oweerellani echifundo. Eneerewuutthukumanihani ovenyera wa mitundu ddimodda dda athu nko yuupallalleselliiwani.

Deuteronomo 7:21

Muhiwoove athu yaalla. Apwiya Mullukwaanyu eri variyari vanyu nave alliwa tti Mulluku muullupalli oophwanella omoova.

Afilipi 3:21

Olliye aneerotthattusa miilli ddahu ddoofookanndda nave aneeroddiphwanaphwaniha ni mwiillaaye wa ntitimiho, voopharihani masiva ayo anaworeeyena olamulella ddeko ddittheddene.

Afilipi 4:13

Kinneera ddeko ddittheddene oyeella mu masiva ayo Khrisitu akivahilleeye.

Aheberi 11:19

Sika Abrahamu aakhulupilila wi Mulluku ttuuwora omuvenyiha Isaki wa ookhwa. Vano aamwaakhellattho wonanko oovenyihiwa wa ookhwa.

Oweeruza 13:3

Mungelo a Apwiya aamooneyella mutthiyanooyo amulleella wi, “Ngoonani naari ophiyera ollello muhinna anamwani koma muneerokhalla ni erukullu nave muneeromuyara mwaana aamullopwana.

1 Samuele 14:6

Yonatani aamulleella musombwaayoolle wi, “Hanko nillapuwe niye omisasani dda akhoto a Afilisti oohiphaddiwaalla. Apaalle Apwiya ttuunikavihera. Vawi kheyiivo yowaavaanyiha Apwiya onikavihera wi naagonjihe naari nihaatille.”