Genesis 18:10 - Mawu a Mulluku

¹⁰ Mmodda a athwaayo aari Apwiya nave aallota wi, “Kinimalonjeza wi vamalla miyeri mitthanu ni misese kineerohokollowattho nave mwaariyo aneeromuyara mwaana aamullopwana.” Nave Sara ahiiwa vawi akeraatthille otulli wa Abrahamu, va mullako wa musasa.

Genesis 18:10 Iomraidhean Croise

Genesis 16:10

Mungelo a Apwiyooyo aallotattho wi, “Kineerewoonjerera wunchichi edduullu ddawo vawi khaavo oyo anaawore oddeerenga.

Genesis 17:16

Olliyoolla kineeromudalisa nave kineerewuuvaha mwaana aamullopwana oweella mwa olliye. Kineeromudalisa nave anaakhalle moowe a mitundu ddittheddene dda athu. Variyari va edduullu ddayennddo vineerokhuma mamwene.”

Genesis 17:19

Koma Mulluku aallota wi, “Iyaayi, mwaariyo Sara sika anuuyarelle mwaana aamullopwana nave aneeromuvaha nnddina nawi Isaki. Kineerokeraatthiha echipanganwaaka ni olliyooyo navettho ni edduullu ddaye muhoollo. Nave echipanganweeyo enaakhalle ya enthawi yoohimalla.

Genesis 17:21

Koma kinaakeraatthihe echipanganwaaka ni mwanawo Isaki oyo anaayariwe mwa Sara mu enthawi wonanko yeella muyakha woosiisello.”

Genesis 18:9

Vano athwaayo yaamukoha Abrahamu wi, “Ethiyo mwaariyo Sara ari wuuwi?” Abrahamu ahaakhulla wi, “Ari m'musasanimmu.”

Genesis 21:1

Apwiya yaamuupuwella Sara voomweerellani nnddo yamulonjezilliiwa.

Genesis 21:2

Sika Sara aakusa erukullu, amuyarella Abrahamu mwaana aamullopwana Abrahamooyo uulluvallille. Mwaanooyo ayariwe moollikana ni enthawi eyo Mulluku aromonlleeye.

Luka 1:13

Koma mungelooyo aallota wi, “Zakariya, ohoove! Mulluku ohiiwa nivekello nawo sika mwaariyo, Elizabeti, aneerewuuyarella mwaana aamullopwana nave oneeromuvaha nnddina nawi Yohane.

Agalatiya 4:23

Mwanaye aayariwe mwa kaporo aamutthiyana olle aayariwe wonanko mmo enayariwella anamwani attheene. Nave mwanaye aayariwe mwa mutthiyana oyo ahaari kaporoolle, aayariwe moollikana ni lonjezo.

Agalatiya 4:28

Vano nyuwaano asinnaka ni arokoraka tti anamwani a Mulluku ekaamba ya lonjezo naye, wonanko Isaki.