Genesis 17:7 - Mawu a Mulluku

⁷ Nave kineerokeraatthiha echipangano variyari va miyaano ni weyaano ni edduullu ddawo muhoollommo nave echipanganweella enaakhalle yoohimalla. Sika miyaano kinaakhalle Mullukwaawo ni Mulluku a edduullu ddawo.

Genesis 17:7 Iomraidhean Croise

Genesis 15:18

Nllapo nenno Apwiya yaapangana ni Abramu. Yaallota wi, “Kinimalonjeza wi kineeroddivaha edduullu ddawo ellapo ettheeneella ovenyera o muhinje wa o Iguputo ophiyera o muhinje muullupalli wa Yufurate.

Genesis 17:13

Aphaddiweke arive kaporo ooyariwa mpa mwanyu apaalle kaporo mwamukunlleenyu ni makobiraanyu. Nave yeella ekhalle echizindikiro ya va miilli ddanyu, yawooniha wi echipanganwaaka ni nyuwaano tti ya enthawi yoohimalla.

Genesis 17:19

Koma Mulluku aallota wi, “Iyaayi, mwaariyo Sara sika anuuyarelle mwaana aamullopwana nave aneeromuvaha nnddina nawi Isaki. Kineerokeraatthiha echipanganwaaka ni olliyooyo navettho ni edduullu ddaye muhoollo. Nave echipanganweeyo enaakhalle ya enthawi yoohimalla.

Genesis 26:24

Mahiiyu Apwiya yaamooneyella nave yaamulleella wi, “Mi tti Mulluku a attiittho Abrahamu. Ohoove vawi miyaano kiri ni weyaano. Kineerewuudalisa nave kineerewuuvaha edduullu ddinchichi ekaamba ya oorumeyellaaka Abrahamu.”

Genesis 28:13

Nave Apwiya yahiimella vakhwipi ni olliye emulleella wi, “Mi tti Apwiya Mulluku a nikhollo nawo Abrahamu ni attiittho Isaki. Ellapo onakoneewemweella kineerewuuvaha weyaano ni edduullu ddawo.

Genesis 6:18

koma kineerokeraatthiha echipangano ni weyaano. Ovollowe muchomboni weyaano ni mwaariyo owaakattho anaawo ni awariwa.

Genesis 9:16

Mwiisherima wooneya m'miraponi, miyaano kineerewoona nave kineerekewuupuwella echipangano yoohimalla ya variyari va miyaano ni ddookumi ddittheddene ddookhalla va ellapo yavatthi.

2 Samuele 7:24

Nave mwaaweera Aisraele, okhalla aanyu aanyu wa enthawi yoohimalla nave nyu Apwiya mwaakhalla Mullukwiiwa.”

1 Epilli 16:13

nyu edduullu dda oorumeyelliiwa Israele, anamwani a ootthoolliwiiwa Yakobo.

1 Epilli 16:14

Alliwa tti Apwiya Mullukwaahu, ennalamulella ellapo yavatthi ettheene.

Masalimo 81:10

Mi tti Apwiya Mullukwaanyu, oyo uukhumihalleni mu ellapo ya Iguputo, atthamani, miyaano kineerewuuchihani.

Eksodo 3:15

Nave Mulluku aamulleellattho Mose wi, “Waalleelle Aisraele wi, ‘Apwiya Mulluku a makhollwaahu, Mulluku a Abrahamu, Mulluku a Isaki ni Mulluku a Yakobo sika akirumihalle wa nyuwaano.’ Nenna sika nnddina naka wa enthawi yoohimalla. Nenna sika nnddina nno ddinaakiromollellekiiwa mibado ddittheddene ddamuhoollo.

Eksodo 3:6

Aavirellella ollota wi, “Mi tti Mulluku a makhollwaawo, Mulluku a Abrahamu, Mulluku a Isaki ni Mulluku a Yakobo.” Vano Mose aakhuneella ekhove woova omuweha Mulluku.

Eksodo 6:4

Kaakeraatthihana echipangano waalonjeza wi kineerewaavaha ellapo ya Kanani, mmo yakhanlliiwamo khalle wonanko alleto.

Eksodo 6:7

Kineerowaakhullellani nyuwaano wonanko athwaaka nave miyaano kineerokhalla Mullukwaanyu. Muneerodduwella wi mi tti Apwiya Mullukwaanyu, oyo uuvullusalleni o mutteko wa kalavulagaga.

Yesaya 61:8

Apwiya enallota wi, “Mi kinnakonda echilungamo, kinniitana ni ddawiiya ni ddoonanara. Athwaaka kineerewaathuva moororomelleya, kineerokeraatthihana echipangano yoohimalla.

Yeremiya 31:1

Apwiya enallota wi, “Va enthawi yeeyo kineerokhalla Mulluku a mabanja mattheene a Israele nave alliwa eneerokhalla athwaaka.

Ezekiele 28:26

Eneerokhalla wenko mwamurendelle nave eneeromaka enyumba ni ollima emata ddampesa. Eneerokhalla wenko mwamurendelle kaawaallakaka athu awaatamanana ayo yaavevulla. Vano eneerodduwella wi mi tti Apwiya Mullukwiiwa.”

Levitiko 11:45

Vawi mi tti Apwiya oyo yuukhumihalleni mu ellapo ya Iguputo wi kikhalle Mullukwaanyu. Vano mukhalle aweella vawi mi tti aweella.”

Levitiko 25:38

Vawi mi tti Apwiya Mullukwaanyu oyo uukhumihalleni mu ellapo ya Iguputo wi kiwinnyeni ellapo ya Kanani wi kikhalle Mullukwaanyu.”

Levitiko 26:12

Kineereweeta variyari vanyu. Miyaano kineerokhalla Mullukwaanyu nave nyuwaano muneerokhalla athwaaka.

Levitiko 26:44

Naari ddeereyille ddittheddenndda, alliwa eri mu ellapo ya adaniiwa, ngiwa kaakhoota nave ngiitanana ophiyera voowoonongesesa ni otathilla echipanganwaaka ni alliwaayo kaambiiwa mi tti Apwiya Mullukwiiwa.

Levitiko 26:45

Koma vooweerellani echifundo kineerewuupuwella echipanganwaaka ni makhollwiiwa ayo kaakhumihalleemi mu ellapo ya Iguputo mitundu ddimodda ddoonaka wi kikhalle Mullukwiiwa. Mi tti Apwiya.”

Levitiko 26:9

Kineerowuupuwellani nave kineeroweerihani wi mwaayare anamwani anchichi ni oweerihani wi mwaate. Kineerosunga echipanganwaaka ni nyuwaano.

Mika 7:20

Muneerewooniha ororomelleya wanyu va Yakobo ni echikondaanyu yoohisintheya va Abrahamu monga mwallupenlleenyu khalle wa makhollwaahu.

Mateyu 22:32

‘Miyaano kiri Mulluku a makhollwaanyu, Mulluku a Abrahamu, Mulluku a Isaki ni Mulluku a Yakobo.’ Olliyooyo khahiyo Mulluku a athu ookhwa koma tti a athu ookumi.”

Mariko 10:14

Yesu oonilleeye yeella, aasha murima nave aallota wa oohudderaaye wi, “Ahiyeni anamwanaayo ewe wa miyaano, muhaahiihe kaambiiwa omwene wa Mulluku tti wa athu ookhalla wonanko anamwanaalla.

Mitteko 2:39

Vawi olonjeza wenko tti wa nyuwaano ni wa aniinyu ni athu attheene ayo eri woorekama, attheene ayo Mulluku Apwiihu anaawiithaneeye.”

Aroma 9:4

Alliwaalla tti a Aisraele, aaweera anaaye nave ahuupullulla ntitimiho naye wa alliwa. Ahaavaha echipangano, malamulo, ollapella wawoona ni malonjezo.

Aefeso 2:2

Va enthawi yeeyo mwaanathwara ettilla ddoonanara dda va ellapweella. Nave mwaanamwiiwellella oolamulella a minepa ddittheddene ddoonanara ddamuddullu, munepa oyo onalamulella athu oohimwiiwellella Mulluku.

Deuteronomo 29:13

Vano Apwiya eneerosimikiza wi muri athwiiwa nave wi alliwa tti Mullukwaanyu moollikana ni mmo yalonjezelliiwa wa nyuwaano ni ollupella wa makhollwaanyu, Abrahamu, Isaki ni Yakobo.

Aheberi 11:16

Koma yatiyera ellapo yaphaama oddullu ohiyana ni ellapo yoowaniwa. Ella sika ekaambiiwa Mulluku ahinawulliweeyena muru yaamuromollaka wi Mullukwiiwa. Nave ahaamakella muzinda woohimalla.

Aheberi 8:10

Vano ella sika echipangano kineereemi kikeraatthihe ni Aisraele m'mallaponi enawaayo, enallota tti Apwiya. Kineerewiiyaatthi malamulwaaka m'maganizoni mwiwa ni waalemba m'murimani mwiwa. Kineerokhalla Mullukwiiwa, nave alliwa eneerokhalla athwaaka.

Oweeruza 2:1

Mungelo a Apwiya aaya o Bokimu ovenyera o Giligala. Nave ahaalleella Aisraele wi, “Kahuukhumihani mu ellapo ya Iguputo ni wuuvollochihani mu ellapo eyo kallupenlleemi wi kineerewaavaha makhollwaanyu. Kaallota wi, ‘Ngiwa kitathilla echipanganwaaka ni nyuwaano.