Genesis 17:6 - Mawu a Mulluku

⁶ Kineerewuuvaha edduullu ddinchichi vawi ddinaakhalle mitundu ddinchichi nave ddimodda mwa edduullunnddo ddinaakhalle mamwene.

Genesis 17:6 Iomraidhean Croise

Genesis 13:16

Kineerewuuvaha edduullu ddinchichi nave khaavo naari mmodda anaawore oddeerenga. Yooyove anawora weerenga nthupi na va ellapo yavatthi sika anaawore.”

Genesis 17:16

Olliyoolla kineeromudalisa nave kineerewuuvaha mwaana aamullopwana oweella mwa olliye. Kineeromudalisa nave anaakhalle moowe a mitundu ddittheddene dda athu. Variyari va edduullu ddayennddo vineerokhuma mamwene.”

Genesis 17:20

Koma ollota dda Ishmaele, miyaano koowiiwa weyaano nave ngoona, kineeromudalisa voomuvahani edduullu ddinchichi. Anaakhalle attiitthiiwa a mamwene khumi ni eelli nave edduullu ddaye ddinaakhalle mutundu muullupalli.

Genesis 17:4

“Ella tti echipangano kineereemi ni weyaano. Kinimalonjeza wi onaakhalle nikhollo na mitundu ddinchichi.

Genesis 26:22

Nave aavenyawo wenko, eyattho yakata ehime emodda. Va ehime yeella kheyaakanganille, sika aayiromolla wi, “Mpata.” Aallota wi, “Vano Apwiya aanivaha mpata mwiillaponimmo nave nineerokhalla ni eyuuma.”

Genesis 28:3

Mulluku Amasiva Mattheene uudalise nave uuvahe edduullu ddinchichi wi okhalle nlloko nuullupalli na mitundu ddinchichi dda athu.

Genesis 35:11

Nave Mulluku aamulleella wi, “Mi tti Mulluku, Amasiva Mattheene. Nave muyarane wi mwaate. Edduullu ddawo ddineerokhalla mitundu ddinchichi nave ovenyera mwa ddennddo muneerokhalla mamwene.

Genesis 41:52

Nave aallotattho wi, “Mulluku ookivaha anamwani mu ellapo ya ddookatamiha ddaka.” Sika mwaana aneepiillooyo aamuvaha nnddina nawi Efuremu.

Genesis 47:27

Aisraele yaakeraattheya o Iguputo nave yaakhalla ni eyuuma yinchichi navettho yahaayara anamwani anchichi.

Genesis 48:3

Nave Yakobo aamulleella Yosefe wi, “Mulluku Amasiva Mattheene oyo akooneyelle o Luzi mu ellapo ya Kanani, aakidalisa.

Genesis 48:4

Nave aakilleella wi, ‘Kineerewuuvaha wi okhalle nikhollo nuullupalli na mitundu ddinchichi dda athu. Ellapweella kineerovaha edduullu ddawo wi ekhalle yayiwa wa enthawi yoohimalla.’ ”

Ezara 4:20

Nave mamwene amasiva yaakhalla elamulellaka mu Yerusalemu ni echigawo ettheene ya vakhopella wa muhinje yaakhellaka kasitomu, musonkho ni erive ello.

Levitiko 26:9

Kineerowuupuwellani nave kineeroweerihani wi mwaayare anamwani anchichi ni oweerihani wi mwaate. Kineerosunga echipanganwaaka ni nyuwaano.