Genesis 17:16 - Mawu a Mulluku

¹⁶ Olliyoolla kineeromudalisa nave kineerewuuvaha mwaana aamullopwana oweella mwa olliye. Kineeromudalisa nave anaakhalle moowe a mitundu ddittheddene dda athu. Variyari va edduullu ddayennddo vineerokhuma mamwene.”

Genesis 17:16 Iomraidhean Croise

Genesis 1:28

Ahaadalisa athwaayo vawaalleellani wi, “Muyarane wi mwaate, muddalle va ellapo yavatthi wi muyilamulelleke. Mulamulelleke va ddamunyanja, epallame ni enama ddittheddene ddinakhalla va ellapo yavatthi.”

Genesis 12:2

Kineerewuutthattusa nikhollo na mutundu nuullupalli nave kineerewuudalisa ni wuutthattusa oovuwa wi okhalle madaliso.

Genesis 15:4

Vano Apwiya yaamulleella wi, “Eliyezere khahallana eyuumaawo koma mwaana aawaawo sika anaahallena eyuumaawo.”

Genesis 17:15

Vatulli viwa Mulluku aamulleella Abrahamu wi, “Mwaariyoolla ohimuromullekettho wi Sarai. Vano nnddina naye tti Sara.

Genesis 17:19

Koma Mulluku aallota wi, “Iyaayi, mwaariyo Sara sika anuuyarelle mwaana aamullopwana nave aneeromuvaha nnddina nawi Isaki. Kineerokeraatthiha echipanganwaaka ni olliyooyo navettho ni edduullu ddaye muhoollo. Nave echipanganweeyo enaakhalle ya enthawi yoohimalla.

Genesis 17:6

Kineerewuuvaha edduullu ddinchichi vawi ddinaakhalle mitundu ddinchichi nave ddimodda mwa edduullunnddo ddinaakhalle mamwene.

Genesis 21:1

Apwiya yaamuupuwella Sara voomweerellani nnddo yamulonjezilliiwa.

Genesis 24:60

Nave yaamudalisa Rebekooyo voollotani wi, “Weyaano murokorihu, Apwiya yuudalise wi okhalle moowe a athu awaata wunchichi. Edduullu ddawo ddineerewaagonjiha adaniiwa.”

Genesis 25:23

Apwiya yaallota wa oolliye wi, “M'mirimani mwawo muri mitundu miilli dda athu. Oneeroyara mitundu dda athu ddoollipana, mwaana mmodda anaakhalle amasiva omukhwaranya mukhwaaye, muullupalli aneerekomurumeyella mung'onong'ono.”

Genesis 35:11

Nave Mulluku aamulleella wi, “Mi tti Mulluku, Amasiva Mattheene. Nave muyarane wi mwaate. Edduullu ddawo ddineerokhalla mitundu ddinchichi nave ovenyera mwa ddennddo muneerokhalla mamwene.

Genesis 36:31

Aisraele ehinakhalle ni mwene, mamwene yalamulella mu ellapo ya Edomu tti

Yesaya 49:23

Mamwene enaakhalle wonanko attiitthi awuullellani, mamweene aatthiyana enaakhalle wonanko amoowe oowaamwihani. Eneeromoriha ekhove ddiwa ni wuukokhorellani, eneerollanndda nthupi na m'manyalloni mwanyu mwawiiyeviha. Vaavo muneerodduwella wi mi tti Apwiya oyo anakiroromella miyaano khawa awulliwa muru.”

Aroma 9:9

Vawi Mulluku mu lonjezo naye aallota wi, “Kineerohokollowattho mu enthawi yoophwanellella nave Sara aneeromuyara mwaana aamullopwana.”

Agalatiya 4:23

Mwanaye aayariwe mwa kaporo aamutthiyana olle aayariwe wonanko mmo enayariwella anamwani attheene. Nave mwanaye aayariwe mwa mutthiyana oyo ahaari kaporoolle, aayariwe moollikana ni lonjezo.

1 Petro 3:6

Sara aari awi ddiiddo, aamwiiwellella Abrahamu nave aamweera apwinnya. Nyuwaano muri anaaye aatthiyana a Sara mwaaweeraka ddaphaama ni oohoova erive ello.