Genesis 17:10 - Mawu a Mulluku

¹⁰ Weyaano ni edduullu ddawo muhoollo, musungeke echipanganweella yawi arive mullopwana variyari vanyu aphaddiweke.

Genesis 17:10 Iomraidhean Croise

Genesis 17:11

Waambeella ollello muphaddiweke nave ella enaakhalle echizindikiro ya echipangano ya variyari va miyaano ni nyuwaano.

Genesis 17:23

Nllapo nenno Abrahamu ahiiwellella nnddo Mulluku amulleelleeye. Sika aamuphadda mwanaye Ishmaele ni akaporo attheene ooyarelliwa mpa mwaye apaalle akaporo aakullalleeye ni makobiri, okhulla mi allopwana attheene a mpa mwaye.

Genesis 17:27

ni allopwana attheene, erive akaporo aallopwana ooyarelliwa mpa mwaye apaalle amodda aakullalleeye ni makobiri, attheenaayo yaaphaddiwa ni olliyooyo.

Genesis 21:4

Abrahamu aamuphadda mwaanooyo ari ni mallapo matthanu ni mararu moollikana ni mmo Mulluku alamulelleeye.

Genesis 34:15

Ninaakhullelle vaavove nyuwaano mwakhalla wonanko hiyaano nikhallelleehummu, vawaaphaddani aniinyu aallopwana attheene.

Genesis 34:22

Koma athwaalla enaakhullelle okhalla variyari vahu ni ottakanyiherana ni hiyaano wi nikhalle mutundu mmodda, vaavove hiyaano naaphadda allopwana attheene wonanko eneerelliiwa alliwaayo.

Eksodo 12:48

Mulleto akhalla variyari vanyu, aapaallaka wi eerena Ehakallallo ya Paska a Apwiya, mwaambeke waaphadda allopwana attheene a munibanjanimmo. Vatulli viwa ttuuwora ovollowa ni weerana ehakallallweeyo. Olliyooyo mumweeseke Muisraele mukhwaanyu. Koma oohiphaddiwa ahiche.

Eksodo 4:25

Koma Zipora aakusa nlluku nawiisha, amuphaddana mwanaye aamullopwana nave nttapara niwa aattannyana manyallo a Mose. Sika Ziporooyo aallota wi, “Ddawoona weyaano tti mamunaka awoopolliwa ni nikhame.”

Yeremiya 4:4

Musunge lonjezano nanyu ni miyaano Apwiinyu nave mwiivelleelle ni murimaanyu muttheene wa miyaano. Nyu athu a o Yuda ni a o Yerusalemu muheereke ddenndda wi owallaaka ohiwe wonanko munllo nave ohuukharelleni moohithiimiheya ekaamba ya ddoonanara muneereenyu.”

Yohane 7:22

Mose ahuulamulani wi mwaaphaddeke aniinyu aallopwana. Naari khe Mose koma makhollwaanyu sika yaambille. Vano munnaaphaddattho aniinyu aallopwana nllapo na Sabata.

Mitteko 7:8

Vano Mulluku aamulamulella Abrahamu dda ophaddiwa wi okhalle echizindikiro ya echipanganwiiwa. Vano Abrahamu aamuphadda mwanaye Isaki aariiye ni mallapo matthanu ni mararu. Isaki aamuphadda mwanaye aamullopwana Yakobo, nayeenettho Yakobo ahaaphadda anaaye aallopwana khumi ni eelli, ayottho eri makhollo a nlloko nahu.

Aroma 2:28

Muyuda awoona khahiyo oyo anooneya wonanko Muyuda. Nave ophaddiwa wawoona kohiyo nko onooneya vamwiillini vaye.

Aroma 3:25

Mulluku aanivaha yooyo wi ni nikhame naye akhalle ookhululukella machimo a athu oweella mu echikhulupililwiiwa mwa olliyooyo. Mulluku aheera yeella wi oonihe wi olliye tti oolungama. Khalle aanalleva nave ahaahiyerera athu oochimwa koma mallapo yaalla khanalleva machimwiiwa wi oonihe wi olliye tti oolungama. Mu ettilla yeella Mulluku annooniha wi olliye yeekhaaye tti oolungama voomulungamihani arive muthu oyo anamukhulupilila Yesu.

Aroma 3:28

Vawi ninamalliha ni wi muthu analungamihiwa oweella mu echikhulupililove nave ohiri vawiiwellellani malamulo.

Aroma 3:30

Mulluku tti mmoddave nave awaalungamiha Ayuda ekaamba ya echikhulupililwiiwa navettho awaalungamiha athu ayo ehiri Ayuda ekaamba ya echikhulupililwiiwa.

Agalatiya 3:28

Sika khawiivo ohiyana variyari va Ayuda ni athu ayo ehiri Ayuda, variyari va akaporo ni athu ehiri akaporo, variyari va allopwana ni atthiyana. Attheenenyu tti amoddamoddave mu eyaattano ya Khrisitu Yesu.

Agalatiya 6:12

Athu ayo enuuwatiherani wi muphaddiwe tti yaayo enapaalla oddoonihella ni okotella eziwalo wi ehihoosiwe ekaamba ya mutanda wa Khrisitu.

Aefeso 2:11

Nyu athu ayo ehiri Ayuda, ooromolliwa ni Ayuda wi, “Oohiphaddiwa”, Ayuda ayo eniiromolla weekhiiwa wi, “Oophaddiwa”, upuwellani mmo mwakhallelleenyu khalle.

Deuteronomo 10:16

Sika vano muphadde m'murimani mwanyu nave muhiye wumma murima.

Deuteronomo 30:6

Apwiya Mullukwaanyu eneerophadda m'murimani mwa nyuwaano ni edduullu ddanyu wawi muneerekewaakonda Apwiya Mullukwaanyu ni murimaanyu muttheene ni okumaanyu muttheene. Sika muneerovirellella okhalla ni okumi mwiillaponimmo.

Afilipi 3:3

tti hiyaano, ohiri alliwaayo koma hiyaano sika niphaddiwe mwawoona vawi ninamullapella Mulluku mwa munepaaye nave ninnahakallalla ekaamba ya Khrisitu Yesu ohiri ekaamba yookhulupilila ddaweereya dda mwiilli.

Yoswa 5:2

Vano enthawi yeeyo Apwiya yaamulleella Yoswa wi, “Sema mipeni dda malluku wi waaphaddena Aisraelaalla.”

Yoswa 5:4

Nndda ddaheereya ekaamba yawi akhoto attheene yaakhwa muchipululuni ekhumalle o Iguputo.