Genesis 16:3 - Mawu a Mulluku

³ Sika Sarai aamuvelleella Hagaroolle wa Abramu wi akhalle mwaariye mung'onong'ono. (Nndda ddeereyille Abramu akhanlle o Kanani miyakha khumi).

Genesis 16:3 Iomraidhean Croise

Genesis 16:16

Abramu aari ni miyakha 86 va enthawi yeeyo.

Genesis 16:4

Abramu akonille ni Hagara, Hagarooyo aakhalla ni erukullu. Nave enthawi yeeyo Hagara ahaambeella wiitukhulla ni omunyaambusa adonaaye Sarai.

Genesis 16:5

Vano Sarai aallota ni Abramu wi, “Dda va muru vanyu ddenndda wi Hagara akinyaambuseke ddiidda. Miyaano kahuuvahani kaporoolla nave waambeella valle akusalleeye erukullu, anakhallella okinyaambusave. Apwiya sika eneeruze wi nimuphwanye oolakwa ttaani variyari vahu.”

Genesis 21:21

Amennya yaamwaashera mutthiyana o Iguputo.

Genesis 25:6

Koma ahinakhwe ahaakawellawo emphaso anaaye amoddaalle aayarilleeye mwa awariye ang'onong'ono. Attheenaayo ahaarumiha o ellapo ya wookhuma nndduwa wi yakhalle wenko, waavenyihawo wa mwanaye Isaki.

Genesis 28:9

Sika vano aaya wa Ishmaele mwaana a Abrahamu nave aamutthellattho Mahalati mwaana a Ismaelooyo, murokoriye a Nebayoti.

Genesis 30:4

Sika aamuvelleella Biliha wa mamune nave aakonana.

Genesis 30:9

Leya oonilleeye wi oohiya oyara, aamuvelleella Zilipa, kaporwaaye, wa Yakobo.

Genesis 32:22

Mahiiyu yaayo Yakobo aavenya, aakusa awariye eelli ni akaporwiiwa eellaalle ni anaaye khumi ni mmodda nave aallapuwa Yaboki.

Genesis 35:22

Yakobo ari mwiillaponimmo, Rubeni aakona ni Biliha, mmodda mwa awariye ang'onong'ono a attiitthinnya nave Yakobo ahiiwa ddenndda. Yakobo aari ni anamwani aallopwana khumi ni eelli.

2 Samuele 5:13

Vano Davide aphiyalle o Yerusalemu ovenyera o Hebroni ahaatthellattho atthiyana amodda owaaka aakhallattho wenko ni awariye ang'onong'ono. Vano ahaayara anamwani anchichi aallopwana ni aatthiyana.

1 Mamwene 11:3

Solomoni aari ni awariye 700, anamwani amamwene, ni awariye ang'onong'ono 300.