Genesis 16:2 - Mawu a Mulluku

² Sika Sarai aamulleella Abramu wi, “Apwiya khekivahille anamwani. Apaalle mukone ni kaporoolla wi akiyarelle mwaana.” Abramu ahaakhullella ddennddo.

Genesis 16:2 Iomraidhean Croise

Genesis 11:30

Sarai khaarina anamwani kaambiiwa khaayara.

Genesis 17:16

Olliyoolla kineeromudalisa nave kineerewuuvaha mwaana aamullopwana oweella mwa olliye. Kineeromudalisa nave anaakhalle moowe a mitundu ddittheddene dda athu. Variyari va edduullu ddayennddo vineerokhuma mamwene.”

Genesis 18:10

Mmodda a athwaayo aari Apwiya nave aallota wi, “Kinimalonjeza wi vamalla miyeri mitthanu ni misese kineerohokollowattho nave mwaariyo aneeromuyara mwaana aamullopwana.” Nave Sara ahiiwa vawi akeraatthille otulli wa Abrahamu, va mullako wa musasa.

Genesis 19:31

Mwaana muullupalli aamulleella mung'onong'onwaaye wi, “Attiitthiihwaalla enimuulluvalla vano nave khaavo muthu naari mmodda va ellapo yavatthi awi ttuunitthella wi naayare anamwani wonanko ddinakhallelliiwa va ellapo yavatthi.

Genesis 25:21

Vano vawi mwaara Isaki khaayara, Isakooyo aamuvekella mwaariye wa Apwiya. Apwiya yahiiwa ovekella waye nave Rebeka aakusa erukullu.

Genesis 3:12

Vaavo mullopwana ahaakhulla wi, “Mutthiyana mwakivahilleenyoolle sika akinnyalle ezipasonnddo wi kiche nave kaacha.”

Genesis 3:17

Vatulli viwattho Mulluku aallota ni mullopwanooyo wi, “Ekaamba yawi waamwiiwellella mwaariyo voochani muteekho kuulamulalleemi wi ohiche, ethaya eneerotembeleliwa ekaamba ya weyaano. Onaaphareke mutteko wanikhurumella enthawi ettheene ya okumaawo.

Genesis 30:22

Vano Mulluku aamuupuwella Rakele nave ahiiwa ovekella waye vawaakhullellani wi aayare anamwani.

Genesis 30:6

Vano Rakele aallota wi, “Mulluku oheeruza mookireerella murima. Ohiiwa oveka waka nave ookivaha mwaana aamullopwana.” Sika mwaanooyo aamuvaha nnddina nawi Dani.

Masalimo 127:3

Ddawoona, anamwani tti emphaso yoovenyera wa Apwiya, edduullu tti yoothuviwa yoovenyera wa alliwa.

Eksodo 21:4

Yaarimi eri apwinnyaayo yamuvahille mutthiyana oyo amuyarelle anamwani, mutthiyanooyo ni anamwanaayo attheene enaakhalle a apwinnyaayo. Vano kaporooyo sika anaavenyewo.

Rute 4:11

Athu attheene yaari vamullakoni valle ni attekweenaalle yaallota wi, “Ee, hiyaano tti amboni. Mutthiyana oyo onaamutthelleewe, Apwiya emweerihe wi akhalle wonanko Rakele ni Leya, atthiyana ayo yamuyarele Yakobo anamwani anchichi. Weyaano okhalle muthu eeyuuma mu nlloko na Efurata nave okhalle muthu oovuwa mu etawoni ya Betelehemu.