Genesis 16:13 - Mawu a Mulluku

¹³ Sika Hagara ahaaromolla Apwiya yallotille ni olliye wi, “Nyuwaano tti Mulluku Awoona,” vawi aallota wi, “Vano koomoona oyo anakoona nave kookhallave ni okumi.”

Genesis 16:13 Iomraidhean Croise

Genesis 16:7

Mungelo a Apwiya aakumana ni Hagara va neetuutu a mu echipululu va musewu wooyeella o Shuri.

Genesis 22:14

Nipuronno Abrahamu aanivaha nnddina nawi, “Mulluku annavaha.” Sika ophiyera ollello vineeriwa “Vamwaangoni wa Apwiya ennavaha.”

Genesis 28:17

Ahoova nave aallota wi, “Hii, nipuronna tti noottikhiniha! Vaava tti enyumba ya Mulluku navettho tti mullako wooddullu.”

Genesis 31:42

Mulluku a attiitthaaka, Mulluku a Abrahamu, Mulluku oyo Isaki amooveye, ahikhanlleke ni miyaano, ddaano mukiikarihalle khalle mattave. Koma Mulluku ahoona ddookatamiha ddaka ni mitteko ddaka nave mahiiyu evirallaalla ohuuhumullullani.”

Genesis 32:30

Yakobo aallota wi, “Koomoona Mulluku vamiitthoni ni vamiitthoni nave kookhalla ni okumi.” Sika nipuronno aaniromolla Penuwele.

Genesis 32:31

Nndduwa naari nikhumalle Yakobo atimulleeyewo o Penuwele nave eeta moottutthunya ekaamba yawi aakurukunyulliwa kasambara.

Eksodo 24:11

Mulluku khaawoonongille oohoollella a Aisraelaayo. Alliwaayo yaamoona Mulluku nave yaacha ni owirya.

Miyambo 15:3

Miittho a Apwiya eri virive veko waawehesesa athu oonanara ni aphaama.

Miyambo 5:21

Vawi ettilla dda muthu ddiri vamiitthoni va Apwiya. Ennoonesesa misewu ddaye.

Oweeruza 6:24

Vano Gideoni ahaamakella Apwiya nikuwa vanipuroni vaavo nave aavaha nnddina nawi, “Apwiya tti murendelle.” Ophiyera ollello nikuwanno nookhallawo o Ofura, muzinda wa athu a nlloko na Abiyezere.