Genesis 15:6 - Mawu a Mulluku

⁶ Abramu ahaakhulupilila Apwiya nave ekaamba ya yeeyo Apwiya yaamwaakhullella wi tti oolungama.

Genesis 15:6 Iomraidhean Croise

Nehemiya 9:8

Mwahoona wi aari oororomelleya wa nyuwaano sika mwaakeraatthiha echipangano. Mwaalonjeza wi muneeromuvaha ellapo ya Akanani, Ahiti, Aamori, Aperezi, Ayebusi ni Agirigashi wi ekhalle ellapo eyo munaakhalleke edduullu ddaye. Sika mookwakhwaniha lonjezo nanyu vawi nyuwaano tti oolungama.

Masalimo 106:31

Sika olliye aheerengelliwa wi tti oolungama o mibado ddittheddene wa enthawi yoohimalla.

Aroma 4:11

Aphaddiwe wi ekhalle echizindikiro ya olungamihiwa ekaamba ya echikhulupililo eyo aariiyena ahinaphaddiwe. Yoolinga yaari yawi akhalle nikhollo na athu attheene oohiphaddiwa koma enamukhulupilila Mulluku nave awaakhullelliwa ni Mulluku wi tti oolungama.

Aroma 4:9

Ethiyo madaliso yaalla yaallotiwe ni Davide enakhalla wa oophaddiwave, Ayuda? Khe ddiiddo! Enakhallattho ni wa oohiphaddiweene, athu ayo ehiri Ayuda. Vawi mawu a Mulluku enallota wi, “Abrahamu ahaakhullelliwa wi tti oolungama ekaamba ya echikhulupililwaaye.”

2 Akorinto 5:19

Sika Mulluku ahaattana ni ellapo yavatthi ettheene oweella mwa Khrisitu nave khaawerengelle machimwiiwa. Nave aaniinya othenga wawi nikhalleke mwawaattana wi niwullalleye.

Aheberi 11:8

Ekaamba ya echikhulupililo, Abrahamu aamwiiwellella Mulluku amwiithanilleeye wi aye o ellapo eyo amulonjezilleeye wi enaakhalle yaayeyaaye. Naari ahidduwenllewo nko anayeeye, ayaawove.

Yakobo 2:23

Nave mawu a Mulluku yaakwakhwana awi, “Abrahamu aamukhulupilila Mulluku nave ekaamba ya echikhulupilwaaye, Mulluku aamwaakhullella wi tti oolungama.” Sika Abrahamu aheeriwa mukhwaaye a Mulluku.