Genesis 13:8 - Mawu a Mulluku

⁸ Sika Abramu aamulleella Loti wi, “Hiyaano niri voobaleni, sika vihikhalle okangana variyari va weyaano ni miyaano, emoddamoddave yeeyo variyari va abusaawo ni abusaaka.

Genesis 13:8 Iomraidhean Croise

Genesis 13:9

Ethiyo ellapo ettheene kheri m'mattani mwawo? Hanko nihiyane, otthoolle embali ya ellapo eyo onapaalleewe. Watthoolla onnatta noonyottho, miyaano kinaaye onnattanatta nave watthoolla onnattanatta, miyaano kinaaye onnatta noonyottho.”

Genesis 14:14

Abramu iiwalleeye wi mbalaaye oophariwa, ahaatthukumaniha akhoto. Attheenaalla vamodda yaarivo 318 nave yahaathwara mamwenaalle ettilla ettheene ophiyera o Dani.

Genesis 45:24

Sika ahaarumiha asinnaayo nave vootimullani ahaalleella wi, “Muhinakanganaka muttillammo.”

Genesis 46:34

Nyuwaano mwamulleelle wi, ‘Hiyaano apwiya, tti abusa a eziweto waambeella enamwanaahu, wonanko mmo yeerella makhollwaahu.’ Mweeddiiddo, sika muneerokhalla mu ellapo ya Gosheni ekaamba yawi a Iguputo ennananariwa ni abusa.”

Masalimo 133:1

Ngoonani, tti wooddiva ni woohakallalliha athu yakhalla amodda moobale!

Eksodo 2:13

Osaka wene awiillettho, aawoona Aheberi eelli ewanaka. Nave aamukoha oolakwooyo wi, “Ethiyo kaambiiwa tini onamuukutheewe Muheberi mukhwaawo?”

Miyambo 15:1

Waakhulla wawiithaalla onnakhurumusa murima koma mawu oovoreya ennashiha murima.

Miyambo 15:18

Muthu oosha murima mwawaakuva annaambiha okangana koma oowuphara murima annawiiha murendelle.

Miyambo 20:3

Orapa okangana onnamuriiha muthu koma ookarangeya ennatokollolla.

Mateyu 5:9

Oodalisiwa tti ayo enawiiha murendelle, vawi Mulluku aneerewaaromolla wi anaaye.

Mitteko 7:26

Osaka wene aawoonattho Aisraeleve eelli yiikimawana nave aapalla wi awaattanihe voollotani wi, ‘Allopwana nyu, attheenenyu muri Aisraeleve vano munawanella tini?’

Aroma 12:10

Mukondaneke mmodda ni mukhwaaye wonanko muthu ni musinne apaalle murokoriye nave mwaavaheke olemu athu amodda ohiyana ni muniivahelleenyu olemu nyookha.

Afilipi 2:14

Mweereke ddittheddene moohiwinya apaalle ovaanya,

1 Atesalonika 4:9

Khonapaalleyattho wi nuulembelleni ddawaakonda akhwiinyu ookhulupilila. Nyuwaano nyookha moohuddihiwa ni Mulluku mmo munakondellaneenyu.

Aheberi 12:14

Mweeseese okhalla mwamurendelle ni athu attheene. Mukhallekettho aweella murima vawi khaavo naari mmodda anaawoone Apwiya aahikhalla aweella murima.

Aheberi 13:1

Virellellani okondana wonanko muthu ni murokoriye

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.

1 Petro 2:17

Mumuvaheke olemu arive muthu, mwaakondeke ookhulupilila akhwiinyu, mumooveke Mulluku nave mumuvaheke olemu Kaisara.

1 Petro 3:8

Voomallihella, attheenenyu munapaalleya muhikanganeke koma mumorellaneke ethakaraka. Mukondaneke wonanko muthu ni mwanamunne apaalle ni murokoriye nave mukhalleke ooreera murima ni awiiyeviha.

1 Petro 4:8

Yuullupalli ya yeella tti ya wi mukondaneke mmodda ni mukhwaaye mwawoona kaambiiwa echikondi sika enavuhellella machimo.

2 Petro 1:7

nave va makhallello ookhulupilila mwaanjererevo echifundo ya va ookhulupilila akhwiinyu nave va echifundweella mwaanjererevo echikondi.

1 Yohane 4:7

Akhwaaka ookondiwa, hankoni nikondaneke kaambiiwa echikondi enavenyera wa Mulluku. Oyo anakonda tti ooyariwa wa Mulluku nave annamudduwella Mulluku.

Oweeruza 9:26

Vano Gaala, mwaana a Ebedi, aatthaamella o Shekemu ni abalaaye. Vano athu o Shekemu yaamuroromella.