Genesis 13:7 - Mawu a Mulluku

⁷ Sika abusa a Abramu ni abusa a Loti yahaamba okangana. Enthawi yeeyo Akanani ni Aperezi yaari ekhallakave mwiillaponimmo.

Genesis 13:7 Iomraidhean Croise

Genesis 10:19

ophiyera o malire a o Kanani. Maliraayo yaambeelle o Sidoni oyeella o Gerari ophiyera o Gaza ni oyeellattho o Sodomu, Gomora, Adima ni Zeboimu ophiyera o Lasha.

Genesis 12:6

Abramu aheetella ellapo ettheeneeyo ophiyera o Shekemu, o muteekho wa muthundu wa o More. Va enthawi yeeyo tti vawi Akanani eri mwiillaponimmo.

Genesis 21:25

Vatulli viwa Abrahamu aamukhupanyella Abimeleki dda ehime eyo allupa muttekwaaye yaakhilliiwa.

Genesis 26:20

Koma abusa o Gerari yahaamba okangana ni abusa a Isaki wi, “Maaddaalla tti aahu.” Sika Isaki ayiromolla ehimeeyo “Okangana,” ekaamba yawi yaakangana ni olliye.

Genesis 34:30

Yakobo aamulleella Simeoni ni Levi wi, “Hii! Mookittatthamullella ekhoto nave mohunkhiha nnddina naka variyari va athu mwiillaponimmu, Akanani ni Aperezi. Miyaano nginna athu anchichi, sika alliwaalla yatthukumana wi ekihelle ekhoto, miyaano ni nibanja naka nittheene, attheene nineerewoonongiwa.”

Genesis 46:34

Nyuwaano mwamulleelle wi, ‘Hiyaano apwiya, tti abusa a eziweto waambeella enamwanaahu, wonanko mmo yeerella makhollwaahu.’ Mweeddiiddo, sika muneerokhalla mu ellapo ya Gosheni ekaamba yawi a Iguputo ennananariwa ni abusa.”

Nehemiya 5:9

Vano kaavirellella ollota wi, “Muneereenyunndda khe ddaphaama. Ethiyo nyuwaano khemunaphwanella omoova Mullukwaahu wi adanaahu a mitundu ddimodda ehininyaambuseke?

Eksodo 2:17

Koma waaphiya abusa amodda ewiikara asinamwallaayo. Vano Mose aavenya aya aakavihera asinamwallaalle nave aaddiwiryiha eziweto ddiwa ddittheddenenndde.

Miyambo 20:3

Orapa okangana onnamuriiha muthu koma ookarangeya ennatokollolla.

Mariko 3:25

Navettho nibanja nakawaneya va weekhiiwa ni owana, khanillekella omalla.

1 Akorinto 3:3

kaambiiwa munakhallave wonanko enakhallella athu a ellapo yavatthi ella. Vaakhalla ehache ni okangana variyari vanyu, nndda khaddinoonihella wi nyuwaano tti a ellapo yavatthi ella ni okhalla ni makhallello a muthu?

Agalatiya 5:20

mu ollapella mafano ni okhwiri. Athu enniitana nave ennawana; ennakhallellana ehache, osha murima ni wiikonda. Ennakawaneya millokomilloko;

Akolose 4:5

Makhallellwaanyu va athu oohimukhulupilila Mulluku ekhalleke eezeru, muphariheke mutteko enthawaanyu vaweerani ddaphaama.

1 Atesalonika 4:12

wi athu oohikhulupilila yuuvahekeni olemu nave wi muhimuroromelleke arive muthu va ddoopaalla ddanyu.

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.

Yakobo 3:16

Vawi vano vakhalla ehache ni wiikonda, vinnakhallattho waanganyereya ni ddoonanara ddoohiyanahiyana.

Yakobo 4:1

Ethiyo ekhoto ddinavenyera wuuwi? Okangana variyari vanyu onavenyera wuuwi? Ethiyo khaddinavenyera mu minkhella ddanyu nnddo ddinawana m'mwiillini mwanyu?

1 Petro 2:12

Makhallellwaanyu variyari va athu oohimullapella Mulluku enaphwanella ekhalleke aphaama. Yaawiipakani mullatu wi nyuwaano tti aweera ddoonanara, yoone ddaweera ddanyu ddaphaama wi emutitimihe Mulluku va nllapo na owa waye.