Genesis 13:18 - Mawu a Mulluku

¹⁸ Sika vano Abramu aatthaamiha musasaaye, aya akhalla o miteekho dda muthundu dda o Mamure nnddo ddiri o Hebroni. Nave wenko ahaamakella Apwiya nikuwa.

Genesis 13:18 Iomraidhean Croise

Genesis 13:4

Sika aahokollweellattho onipuroni wulle khalle amakilleeyewo nikuwa nave aallapella nnddina na Apwiya.

Genesis 14:13

Koma muthu mmodda athawille aawa nave amulleella ddittheddene Abramu, Muheberi. Abramu akhalla vakhuviru ni miteekho dda muthundu dda Mamure Muamori, mwanamunne a Eshikolo ni Anere ayo yiiwanana ni Abramu vakhotoni.

Genesis 18:1

Apwiya yaamooneyella Abrahamu o miteekho dda muthundu dda o Mamure mvo Abrahamooyo akeraatthilleeye va mullako wa musasaaye enthawi yootthaana ovihalle.

Genesis 22:9

Ephiyalle onipuroni wulle Mulluku amulleelleeye, Abrahamu aamaka nikuwa nave aatthatta ekhuni vaddullu va nikuwanno. Enre ddiiddo ammaka mwanayoolle, amukonaatthiha vaddullu va ekhuninnddo.

Genesis 23:2

nave akhwenlle o Kiriyati Ariba (sika wi Hebroni) mu ellapo ya Kanani. Abrahamu aaya wenko iinlla maliro a Sarooyo.

Genesis 26:25

Sika Isaki aamaka nikuwa wenko nave ahaallapella Apwiya nave aamakattho musasaaye wenko. Navettho akaporwaaye yaakata ehime wenko.

Genesis 35:27

Yakobo aaphiya wa attiitthinnya o Mamure, nkottho waromolliwa o Kiriyati Ariba apaalle Hebroni, nko wakhalla Abrahamu ni Isaki wonanko alleto.

Genesis 37:14

Attiitthinnya yaamulleella wi, “Khawe wawoone asinno ni eziweto ddene yaarimi eri phaama, weera ddiiddo owe okilleelle.” Sika attiitthinnya yaamuruma Yosefe ovenyera o ntapo na Hebroni. Yosefe aphiyalle o Shekemu,

Genesis 8:20

Enthawi yeeyo Nowa ahaamakella nikuwa Apwiya. Aakusavo orive mutundu wa enama ni epallame ddaweellihiwa nave aaddiipha, addivelleella mukutho wooshellelliha vanikuwanimvo.

2 Samuele 2:1

Ddiviralle ddenndda Davide ahaakoha Apwiya wi, “Ethiyo kiye mu muzinda mmodda mwa mizinda dda Yuda?” Apwiya yaamwaakhulla wi, “Ee, khawe.” Vano Davide aakoha wi, “Kiye muzindeene oovi?” Apwiya yaallota wi, “Oye o Hebroni.”

Masalimo 16:8

Erive enthawi kinnaahiya vamurimani Apwiya, vawi eri onnattanatta waka, sika khaavo oyo anaakitikhe.

Numeri 13:22

Vawaamba yaweelle ettilla yoomwera yaphiya o Hebroni nko wakhalla Ahimani, Sheshai ni Talimai, edduullu dda Anaki. (Muzinda wa Hebroni wamakiwe miyakha mitthanu ni miilli muzinda wa Zowani o Iguputo ohinamakiwe).

1 Timoteo 2:8

Kinapaalla wi allopwana evekelleke m'mapuroni muttheene ni owelliha muddullu matta aweella moohivaanyihana apaalle moohikangana.

Aheberi 11:9

Ekaamba ya echikhulupililo, Abrahamu akhalla m'musasani wonanko mulleto mu ellapo eyo Mulluku amulonjezilleeye. Akhalla m'misasani. Isaki mwanaye ni Yakobo edduullwaaye, alliwattho yakhalla m'misasani vawi alliwattho yahaakhellana lonjezonna.

Yoswa 14:13

Enthawi yeeyo Yoswa aamudalisa Kalebe, mwaana a Yefune, amuvaha ellapo ya Hebroni wi ekhalle yoohallaniiwa.

Yoswa 15:13

Moollikana ni mmo Apwiya yamulamulalliiwa Yoswa, echigawo emodda ya ellapo ya Yuda yaavahiwa wa Kalebe, mwaana a Yefune. Yoswa aamuvaha Kiriyati Araba, sika wi Hebroni. (Araba aari mwaana a Anaki).